4/17/2021
Today from Hiiraan Online:  _
Wararka Maanta- Jimco, Jan 17, 2014
Wiil Soomaalida Maraykanka ah oo loo Magacaabay Jago Muhiim ah



Jimco, Janaayo 17, 2014 (HOL) — Duqa magaalada Minneapolis, gobolka Minnesota ee dalka Mareykanka, Betsy Hodges ayaa kaaliye dhinaca siyaasadda ah u magacowday Cabdiraxmaan Muuse oo ah siyaasi da’yar oo haysta dhalashada dalka Maraykanka ,iyadoo xilkan uu kamid yahay kuwa ugu muhiimsan ee laga qabto gobolka Minnesota.

In  ay Betsy Hodges noqoto maayarka Minneapolis waxaa ka qayb-qaatay Soomaali aad u tira badan oo ku nool halka laga soo doortay ,waxaana Cabdiraxman uu kamid ahaa dadkii sida aadka ah ugu ololeeyay Hodges xilligii ay doorashada ku jirtay.

“Sharaf  weyn ayey ii tahay in la ii magacaabay kaaliye siyaasadeed, waxaana ka shaqayn doonaa xafiiska maayarka Minneapolis” ayuu yiri Muuse oo hadal kooban ku soo qoray boggiisa Facebuugga ,isagoo intaa raaciyay in uu aad ugu faraxsanahay booska loo dhiibay.

Waxaa kaloo uu sheegay C/raxman inuu si daacad ah uu adeegi doono bulshada ku nool magaalada Minneapolis, isagoo tilmaamay in arritani muujinaso in dadka laga tirada badan yahay ay talada magaalada ka qayb-qaadan doonaan uuna ka shaqaynayo sidii sabool-nimada iyo duruufaha nololeed ee dadka laga tirada badan yahay ee ay Soomaalidu ka mid tahay loola tacaali lahaa.

Somalida ku nool Maraykanka ayaa soo dhaweeyay booska loo magacaabay Cabdiraxman Muuse, waxaana ay ku tilmaameen mid kamid ah guulaha ay gaareen bulshada Soomaaliyeed ee guud ahaan ku nool wadankaas.

“Waan soo dhaweynaynaa xilkan loo dhiibay ,waxaana tani ay kor u qaadday codka bulshadeena ee wadankan,” ayuu yiri Cabdurasaq Biix oo kamid ah Soomaalida waqtiga badan joogay Minneapolis.

Soomaalida haysata dhalashada Maraykanka waxa ay saamayn ku leeyihin dhinacyada siyaasadda ,ganacsiga iyo waliba waxbarashada, waxaana badankood ay USA soo galeen sagaashamaadkii markaas oo dalka Soomaaliya ay ka dhaceen dagaallo sokeeye.

Faysal Mohamed Hassan
[email protected]












Click here
1/17/2014 12:39 PM EST
Jimco, Janaayo 17, 2014 (HOL) — Ra’iisul wasaaraha Soomaaliya, C/weli Sheekh Axmed Maxamed ayaa sheegay maanta inay xukuumaddiisu sii wadi doonto dagaalka lagula jiro Al-shabaab, isagoo ku eedeeyay Al-shabaab inay kasoo horjeeddo nabadda iyo dowladnimada Soomaaliya.

1/17/2014 12:18 PM EST
Jimco, Janaayo 17, 2014 (HOL) — Booliiska Kenya ayaa maanta oo Jimco ah sheegay inay ku qabteen deegaanka Kiunga oo 15-km u jira soohdinta ay wadaagaan Soomaaliya iyo Kenya ay wadaagaan lix qof oo doonayay inay si dhuumaaleysi ah uga tallaabaan Somalia si ay ugu biiraan Al-shabaab.

1/17/2014 12:00 PM EST
Jimco, Janaayo 17, 2014 (HOL) — Magaalada Baydhabo ee gobolka Bay oo uu ka socdo shirweynaha maamul u sameynta gobollada Koonfur Galbeed ee Soomaaliya ayaa waxaa maalmahan ku qulqulayay ergooyin kala duwan oo ka imanaanaya gudaha dalka iyo dibadiisa.

1/17/2014 9:48 AM EST
Jimco, Janaayo 17, 2014 (HOL) — Dowladda Kenya ayaa sheegtay maanta oo Jimco ah in duqeyn ay diyaaradahooda dagaalku toddobaadkii tagay ka geystay deegaanka Birta-dheer ee gobolka Gedo ku dishay 57 xubnood oo Al-shabaab ka tirsanaa, kuwaasoo ay ku jireen lix hoggaamiye oo ajnabi ah.

1/17/2014 9:02 AM EST
Jimco, Janaayo 17, 2014 (HOL) — Munaasabad weyn oo maanta ka dhacday xarunta madaxtooyada Kismaayo islamarkaana ay kasoo qeybgaleen masuuliyiin sare oo ka tirsan maamulka Jubba, odoyaal, aqoonyahanno, siyaasiyiin iyo waxgarad kale, ayaa lagu dhaariyay Madaxweeyne ku xigeenka 2-aad iyo golihii wasiirada maamulka Jubba iyadoo sidoo kale lagu dhawaaqay laba wasiir oo ka dhinayd golaha wasiirada.

1/17/2014 8:38 AM EST
Jimco, Janaayo 17, 2014 (HOL) — Akhristayaasha Hiiraan Online ee dalka gudihiisa iyo dibaddiisa jooga ayaa hab fariin qoraaleed ah kaga bixiyay aragtiyadooda sida ay u arkaan golaha wasiirrada cusub ee xalay lasoo magacaabay.

1/17/2014 7:36 AM EST
Jimco, Janaayo 17, 2014 (HOL) — Hay’adaha PEN International, Oxfam Novib iyo Guddi u dooda qorayaasha la xiro ayaa abaalmarinno caalami ah guddoonsiiyay sannadkan sagaal ruux oo weriyaal iyo xubno u dooda xuquuqda aadanaha; kuwaasoo dalal kala duwan u dhashay, waxaana ku jira wariye, Cabdicasiis C/nuur Ibraahim oo loo xiray wareysi uu la yeeshay haweeney la fara-xumeeyay.

1/17/2014 7:03 AM EST
Jimco, Janaayo 17, 2014 (HOL) — Kulan ay ka soo qeyb-galleen siyaasiyiin, odayaal dhaqameed, waxgarad iyo dad ka kooban qeybaha bulshada oo ka dhacay magaalada Beledweyne ee xarunta gobolka Hiiraan ayaa lagu soo dhaweeyay magacaabista xubnaha gollaha wasiirrada cusub ee xalay lagu dhawaaqay.

1/17/2014 6:34 AM EST
Jimco, Janaayo 17, 2014 (HOL) — Guddoomiyaha gobolka Banaadir ahna duqa Muqdisho Maxamuud Axmed Nuur Tarsan oo shir jaraa’id ku qabtay maanta magaalada Muqdisho ayaa sheegay inuusan doonayn inuu qabto xilka loo magacaabay ee ah wasiir ku xigeenka dhallinyarada iyo isboortiga xukuumadda Soomaaliya.

1/17/2014 12:36 AM EST
Jimco, Janaayo 17, 2014 (HOL) — Xalay gellinkii dambe ayuu ra’iisul wasaare C/weli Sh. Axmed Maxamed ku dhawaaqay xubnah golihiisa wasiirrada, kuwaasoo ka kooban 55-wasiir oo isugu jira 25-wasiir, 25-wasiir ku xigeen iyo shan wasiir u dowle.

1/17/2014 12:34 AM EST
Jimco, Janaayo 17, 2014 (HOL) — Madaxweynaha Soomaaliya, Xasan Sh. Maxamud ayaa aqbalay wasiirada cusub ee uu xalay magacaabay ra’iisul wasaaraha Soomaaliya, C/weli Sheekh Axmed Maxamed, isagoo xusay inay wasiirrada cusub yihiin kuwo khibrad iyo waayo-aragnimo leh.

1/17/2014 12:34 AM EST
Jimco, Janaayo 17, 2014 (HOL) — Wadahadallada u dhexeeya dowladda Soomaaliya iyo Somaliland ayaa galay maalintii labaad iyadoo aysan jirin wax war ah oo saxaafadda laga siiyay qodobbadii ay labadad dhinac shalay ka doodeen.