4/17/2021
Today from Hiiraan Online:  _
Wararka Maanta- Jimco, Jan 17, 2014
Kenya oo sheegtay inay dishay Hogaamiyeyaal A-shabaab ka Tirsan


Jimco, Janaayo 17, 2014 (HOL) — Dowladda Kenya ayaa sheegtay maanta oo Jimco ah in duqeyn ay diyaaradahooda dagaalku toddobaadkii tagay ka geystay deegaanka Birta-dheer ee gobolka Gedo ku dishay 57 xubnood oo Al-shabaab ka tirsanaa, kuwaasoo ay ku jireen lix hoggaamiye oo ajnabi ah.

Xukuumadda ayaa sheegtay in ilo sirdoon oo ku sugan Soomaaliya ay shalay oo Khamiis ahayd xaqiijiyeen in duqeynta lagu dilay saraakiil magacyadooda lagu kala sheegay: Imran Abu Jilali oo u dhashay dalka Bakistaan, Shabdalla Al-Manzur oo u dhashay Masar, Alakim Nurala oo Suudaaniis ahaa, Abdul Hakim Mohamud oo ahaa hoggaamiyaha Al-Qaacida ee dalka Yemen iyo Shukri Bin Khalifa oo isuguna Yemeni ahaa.

Sidoo kale, Kenya waxay sheegtay in sidoo kale duqeynta lagu dilay Al Amud Bin Ibrahim oo ah sarkaal sare oo Al-shabaab ka tirsanaa daacadna u ah hoggaamiyaha kooxda Axmed Godane iyo Fara-dheere. Iyagoo sheegtay in weerarka lagu bartilmaameedsanayay Axmed Godane balse uu ka tagay goobta nus saac ka hor.

“Axmed Godane wuxuu ahaa bartilmaameedkeenna ugu weyn balse nasiib-wanaag wuu ka baxsaday duqeynta. Wuxuu goobta ka tagay daqiiqado ka hor intii aysan duqeyntu dhicin,” ayaa lagu yiri warka ka soo baxay Kenya.

Warka ayaa sidoo kale lagu sheegay in hoggaamiyaha Al-shabaab uu goobta u joogay isbedel lagu sameynayo maamulka Al-shabaab. Iyagoo warkooda ku sheegay in Gacma-dheere Maxamed oo kasoo jeeda magaalada Gaarisa ee gobolka Waqooyi-bari ee Kenya lagu dhaawacay weerarka, kaasoo ay ku sheegeen inuu mas’uul ka yahay weerarrada lagu ay Al-shabaab ku qaaddo dalka Kenya.

Dowladda Kenya ayaa xustay in duqeynta dadka lagu dilay ay ku jireen laba ruux oo Kenyan ah oo lagu kala magacaabo, Aadan Abdow iyo Idris Dheere, kuwaasoo ay sheegeen inay qayb weyn ku lahaayeen abaabulka weerarrada ka dhanka ah Kenya ee ay Al-shabaab geysato.

Dhanka kale, warkan kasoo baxay dowladda Kenya ayaa lagu sheegay in duqeyntaas ay ku dhaawacmeen 120 xubnood oo Al-shabaab ka tirsan, sidoo kalena lagu burburiyay shan gaari oo kuwa dagaalka ah iyo saddex bas.

Ugu dambeyn, Kenya waxay sheegtay in weerarkan uu yimid kaddib markii saraakiil ka tirsan Al-shabaab ay Kenya ku wargeliyeen in goobta la weeraray uu dhaq-dhaqaaq kawado hoggaamiyaha Al-shabaab.

Ma jiro hadal kasoo baxay Al-shabaab oo xaqiijinaya sheegashada Kenya in ay run tahay iyo inay been tahay, iyadoo duqeyntan ay ahayd middii ugu horreysay oo diyaaradaha dagaalka Kenya ay ka geystaan gudaha Somalia sannadkan cusub.

Maxamed X. Xuseen, Hiiraan Online
[email protected]
Muqdisho, Soomaaliya












Click here
1/17/2014 12:39 PM EST
Jimco, Janaayo 17, 2014 (HOL) — Ra’iisul wasaaraha Soomaaliya, C/weli Sheekh Axmed Maxamed ayaa sheegay maanta inay xukuumaddiisu sii wadi doonto dagaalka lagula jiro Al-shabaab, isagoo ku eedeeyay Al-shabaab inay kasoo horjeeddo nabadda iyo dowladnimada Soomaaliya.

1/17/2014 12:18 PM EST
Jimco, Janaayo 17, 2014 (HOL) — Booliiska Kenya ayaa maanta oo Jimco ah sheegay inay ku qabteen deegaanka Kiunga oo 15-km u jira soohdinta ay wadaagaan Soomaaliya iyo Kenya ay wadaagaan lix qof oo doonayay inay si dhuumaaleysi ah uga tallaabaan Somalia si ay ugu biiraan Al-shabaab.

1/17/2014 12:00 PM EST
Jimco, Janaayo 17, 2014 (HOL) — Magaalada Baydhabo ee gobolka Bay oo uu ka socdo shirweynaha maamul u sameynta gobollada Koonfur Galbeed ee Soomaaliya ayaa waxaa maalmahan ku qulqulayay ergooyin kala duwan oo ka imanaanaya gudaha dalka iyo dibadiisa.

1/17/2014 10:31 AM EST
Jimco, Janaayo 17, 2014 (HOL) — Duqa magaalada Minneapolis, gobolka Minnesota ee dalka Mareykanka, Betsy Hodges ayaa kaaliye dhinaca siyaasadda ah u magacowday Cabdiraxmaan Muuse oo ah siyaasi da’yar oo haysta dhalashada dalka Maraykanka ,iyadoo xilkan uu kamid yahay kuwa ugu muhiimsan ee laga qabto gobolka Minnesota.

1/17/2014 9:02 AM EST
Jimco, Janaayo 17, 2014 (HOL) — Munaasabad weyn oo maanta ka dhacday xarunta madaxtooyada Kismaayo islamarkaana ay kasoo qeybgaleen masuuliyiin sare oo ka tirsan maamulka Jubba, odoyaal, aqoonyahanno, siyaasiyiin iyo waxgarad kale, ayaa lagu dhaariyay Madaxweeyne ku xigeenka 2-aad iyo golihii wasiirada maamulka Jubba iyadoo sidoo kale lagu dhawaaqay laba wasiir oo ka dhinayd golaha wasiirada.

1/17/2014 8:38 AM EST
Jimco, Janaayo 17, 2014 (HOL) — Akhristayaasha Hiiraan Online ee dalka gudihiisa iyo dibaddiisa jooga ayaa hab fariin qoraaleed ah kaga bixiyay aragtiyadooda sida ay u arkaan golaha wasiirrada cusub ee xalay lasoo magacaabay.

1/17/2014 7:36 AM EST
Jimco, Janaayo 17, 2014 (HOL) — Hay’adaha PEN International, Oxfam Novib iyo Guddi u dooda qorayaasha la xiro ayaa abaalmarinno caalami ah guddoonsiiyay sannadkan sagaal ruux oo weriyaal iyo xubno u dooda xuquuqda aadanaha; kuwaasoo dalal kala duwan u dhashay, waxaana ku jira wariye, Cabdicasiis C/nuur Ibraahim oo loo xiray wareysi uu la yeeshay haweeney la fara-xumeeyay.

1/17/2014 7:03 AM EST
Jimco, Janaayo 17, 2014 (HOL) — Kulan ay ka soo qeyb-galleen siyaasiyiin, odayaal dhaqameed, waxgarad iyo dad ka kooban qeybaha bulshada oo ka dhacay magaalada Beledweyne ee xarunta gobolka Hiiraan ayaa lagu soo dhaweeyay magacaabista xubnaha gollaha wasiirrada cusub ee xalay lagu dhawaaqay.

1/17/2014 6:34 AM EST
Jimco, Janaayo 17, 2014 (HOL) — Guddoomiyaha gobolka Banaadir ahna duqa Muqdisho Maxamuud Axmed Nuur Tarsan oo shir jaraa’id ku qabtay maanta magaalada Muqdisho ayaa sheegay inuusan doonayn inuu qabto xilka loo magacaabay ee ah wasiir ku xigeenka dhallinyarada iyo isboortiga xukuumadda Soomaaliya.

1/17/2014 12:36 AM EST
Jimco, Janaayo 17, 2014 (HOL) — Xalay gellinkii dambe ayuu ra’iisul wasaare C/weli Sh. Axmed Maxamed ku dhawaaqay xubnah golihiisa wasiirrada, kuwaasoo ka kooban 55-wasiir oo isugu jira 25-wasiir, 25-wasiir ku xigeen iyo shan wasiir u dowle.

1/17/2014 12:34 AM EST
Jimco, Janaayo 17, 2014 (HOL) — Madaxweynaha Soomaaliya, Xasan Sh. Maxamud ayaa aqbalay wasiirada cusub ee uu xalay magacaabay ra’iisul wasaaraha Soomaaliya, C/weli Sheekh Axmed Maxamed, isagoo xusay inay wasiirrada cusub yihiin kuwo khibrad iyo waayo-aragnimo leh.

1/17/2014 12:34 AM EST
Jimco, Janaayo 17, 2014 (HOL) — Wadahadallada u dhexeeya dowladda Soomaaliya iyo Somaliland ayaa galay maalintii labaad iyadoo aysan jirin wax war ah oo saxaafadda laga siiyay qodobbadii ay labadad dhinac shalay ka doodeen.