4/14/2021
Today from Hiiraan Online:  _
Wararka Maanta- Khamiis, Jan 16, 2014
Museveni oo sheegay in ciidankiisu ay ka dagaalamayaan K/Suudaan



Khamiis, Janaayo 16, 2014 (HOL) — Madaxweynaha Uganda, Yoweri Museveni ayaa sheegay markii ugu horreysay in ciidamadiisu ay ka dagalamaayaan, gudaha dalka ay jaarka yihiin ee Koonfurta Suudaan iyagoo gacan siinaya ciidamada dowladda dalkaas ee dagaalka kula jira mucaaradka.

Musaveni ayaa sheegay in ciidamadiisa oo taageeraya kuwa Salva Kiir ay kaga adkaadeen mucaaradka dagaallo ay kula galeen magaalooyin ay horay mucaaradku u qabsadeen oo ku yaalla waqooyiga dalkaas.

“Ciidamadeenna qaarkood ayaa ku dhintay dagaalladaas iyagoo caawinaya walaalahood,” ayuu yiri Museveni iyadoo ay noqonayso markii ugu horreysay oo Uganda ay qirato inay ka dagaalamayaan ciidamadeeda dalka Koonfurta Suudaan.

Afhayeenka ciidamada Uganda, Pandy Ankunda ayaa sheegay in dagaallada ay qaybta ka yihiin ciidamada Uganda haatan ay ka socdaan magaalada Bor ee xarunta gobolka Janglei oo 90-km u jirta magaalada Jubba ee xarunta Koonfurta Suudaan.

Madaxweyne ku xigeenkii hore ee Koonfurta Suudaan, Riek Machar oo ah hoggaamiyaha mucaaradka ku kacsan xukuumadda dalkaas ayaa horay u sheegay inay ciidamada Uganda ka dagaalamayaan gudaha dalkaas.

Dowladda Uganda oo taageersan madaxweynaha Koonfurta Sudan ayaa horay dhowr jeer u beenisay inay askartoodu ay ka dagaalamayaan dalka Koonfurta Suudaan, balse hadalka Museveni ayaa caddeynaya inay ciidamada Uganda ka dagaalamayaan dhulalka for ee ay mucaaradku haystaan si gacanta dowladda dalkaas loogu soo celiyo.

Yoweri Museveni ayaa sheegay in madaxweynaha Koonfurta Suudaan, Salva Kiir lagu soo doortay si dimuqraaddi ah oo aysan ogolaan karin in xukunka si awood ah looga tuuro inta isku dayadaas ay jiraanna ay taageeri doonaan.

Dalka Uganda ayaa waxaa dalka Koonfurta Suudaan uga yimaada shixnadaha ganacsi ee ay dhoofiso, iyadoo hadalkan uu kusoo beegmayo xilli ururka Midowga Afrika iyo IGAD ay ku baaqeen in la joojiyo dagaallada dalkaas ka socda, laguna dhameeyo khilaafka si nabad iyo wadahadal ah.

Maxamed X. Xuseen, Hiiraan Online
[email protected]
Muqdisho, Soomaaliya












Click here
1/16/2014 6:56 PM EST
Jimco, 17 January 2014(HOL)—Ra’iisal Wasaaraha Xukuumadda Federaalka Soomaaliya C/weli Sheekh Axmed Maxamed ayaa goor dhow ku dhawaaqay golaha Wasiirrada cusub ee Xukuumadda Federaalka Soomaaliya, iyadoo Munaasabadda magacaabista Golaha Wasiirrada ay ka dhacday Xarunta Madaxtooyada Villa Somalia.

1/16/2014 1:51 PM EST
Khamiis, Janaayo 16, 2014 (HOL) — Warar ay HOL ka heshay xarunta madaxtooyada Soomaaliya ayaa xaqiijinaya in lagu wado in caawa lagu dhawaaqo golaha cusub ee wasiirrada xukuumadda Soomaaliya.

1/16/2014 11:50 AM EST
Khamiis, Janaayo 16, 2014 (HOL) — Guddoonka baarlamaanka federaalka Soomaaliya ayaa maanta Muqdisho ku qaabilay safiirrada dowladaha Britain iyo Sweden u fadhiya Soomaaliya, iyadoo gudoonka uu kala hadlay safiirrada sidii ay dowladahooda kaalin ugu yeelan lahaayeen hirgelinta qorshayaasha golaha shacabka ee sannadkan 2014-ka.

1/16/2014 10:56 AM EST
Khamiis, Janaayo 16, 2014 (HOL) — Madaxweynaha dowlad Deegaanka Soomaalida Itoobiya Cabdi Maxamuud Cumar oo maalmihii ugu danbeeyay ku sugnaa magaalada London ee dalka Ingiriiska ayaa shirar kala duwan la qaatay qaybaha bulshada ka soo jeedda deegaankaas ,iyaga oo kawada-hadlay arimo dhowr ah.

1/16/2014 10:34 AM EST
Khamiis, Janaayo 16, 2014 (HOL) — Waxaa magaalada Kismaayo laga dareemayaa qaban-qaabo ballaaran oo loogu jiro xafladda caleemo-saarka hoggaamiyaha maamulka KMG Jubba iyo dhaarinta xubnaha golaha wasiirada cusub ee maamulka Jubba, taasoo la filayo in ay dhacdo maalinta isniinta ee fooda nagu soo heeyso.

1/16/2014 7:42 AM EST
Khamiis, Janaayo 16, 2014 (HOL) — Madaxweynaha dhawaan la doortay ee Puntland, C/wali Maxamed Cali Gaas ayaa maanta markii ugu horreysay la kulmay wasiirradii xukuumaddii ka horreysay ee C/raxmaan Faroole.

1/16/2014 6:32 AM EST
Khamiis, Janaayo 16, 2014 (HOL) — Wasiirka arrimaha dibadda Somaliland, Maxamed Biixi Yoonis oo hoggaaminaya wafdiga Somaliland uga qaybgalaya wadahadallada dowladda Soomaaliya iyo Somaliland yaa sheegay inaysan ka laabanayn Somaliland gooni-isku-taaggeeda oo uu yahay mid laba taabtaan ah.

1/16/2014 5:42 AM EST
Khamiis, Janaayo 16, 2014 (HOL) — Waxaa goor dhow ka furmay magaalada Istanbuul ee dalka Turkiga wahadalladii u dhexeeyay dowladda Soomaaliya iyo Somaliland, kaasoo socon doona labada maalmood ee soo socota sida uu sheegay sii hayaha xilka wasiirka arrimaha gudaha ee Soomaaliya, C/kariin Xuseen Guuleed oo hoggaaminaya wafdiga dowladda Soomaaliya.

1/16/2014 1:29 AM EST
Khamiis, Janaayo 16, 2014 (HOL) — Xarakada Al-shabaab ayaa waxay ka warbixisay weerar ay habeen hore ku qaadday degmada Mahadaay ee gobolka Shabeellada dhexe, iyagoo sheegay in dagaalkaas ay ku dileen tiro ka tirsan ciidamada dowladda Soomaaliya.

1/16/2014 1:28 AM EST
Khamiis, Janaayo 16, 2014 (HOL) — Ururka Midowga Afrika ayaa sheegay in ciidamada Itoobiya ay si rasmi ah uga mid noqon doonaan dhawaan howlgalka Midowga Afrika ee AMISOM, taasoo lagu sheegay in lagu kordhinayo tirada ciidamadan.

1/16/2014 1:27 AM EST
Khamiis, Janaayo 16, 2014 (HOL) — Dowladd Soomaaliya ayaa markii ugu horreysay ka hadashay ajaanibta dalka ku sugna oo qaarkood la afduubay, iyadoo sheegtay in ajnabigii aan dowladda u diiwaan-gashnayn wixii ku dhaca aysan mas’uul ka ahayn.