4/14/2021
Today from Hiiraan Online:  _
Wararka Maanta- Khamiis, Jan 16, 2014
Guddoonka Baarlamaanka Somalia oo safiirro la kulmay (SAWIRRO)



Khamiis, Janaayo 16, 2014 (HOL) — Guddoonka baarlamaanka federaalka Soomaaliya ayaa maanta Muqdisho ku qaabilay safiirrada dowladaha Britain iyo Sweden u fadhiya Soomaaliya, iyadoo gudoonka uu kala hadlay safiirrada sidii ay dowladahooda kaalin ugu yeelan lahaayeen hirgelinta qorshayaasha golaha shacabka ee sannadkan 2014-ka.

Kulammadan oo ahaa kuwo gaar-gaar ah ayaa ka dhacay xafiisyada cusub ee guddoonka baarlamaanka oo ku yaalla xarunta Villa Hargeysa; waxaana wadajir danjirayaashan u qaabilay guddoomiyaha golaha shacabka, mudane Maxamed Sheekh Cusmaan Jawaari iyo guddoomiye ku xigeenka koowaa, Jeeylaani Nuur Iikar.

Ugu horreyn guddigu wuxuu la kulmay safiirka Sweden u fadhiya magaalada Muqdisho, Mikael Lindvall iyagoo kulanka labaadna la yeesheen danjiraha Britain ee Soomaaliya, Neil Wigan.

Guddoomiyaha baarlmaanka oo kulammada markii ay soo dhammaadeen la hadlay warbaahinta ayaa tilmaamay in maanta uu guddoonka baarlamaanka qaabilay dajirayaasha Sweden iyo Britain u qaabilsan Somalia isla markaana ay kala hadleen sidii ay dowladahooda kaalin mug leh ugu yeelan lahaayeen hirgelinta qorshayaasha baarlamaanka; gaar ahaanna sannadkan 2014-ka oo ah sannadka howlaha ugu badan laga doonayo inuu baarlamaanka qabto.

Mudane Jawaari ayaa dhanka kale tilmaamay in ka sokoow howlaha golaha shacabka ay safiirradan kala hadleen sidii ay kaalin muuqata ugu yeelan lahaayeen howlaha horumarrada iyo dib u dhiska ah ee ay shcabku hadda wadaan.

Afhayeenka ayaa xusay in danjirayaasha ay muujiyeen sida xiligan ay uga duwan yihiin ballan-qaadyada caalamka ee Soomaaliya kuwii horay loogu sameyn jiray maadaama ay hadda dowladda Soomaaliya dejisay qorshayaal cad-cad.

Safiirradan ayaan ahayn danjirayaashii ugu horreeyay ee dalalka caalamka u fadhiya magaalada Muqdisho ee uu gudoonka baarlamaanka Soomaaliya la kulmo; balse danjireyaashan waxay noqonayaan safiirradii ugu horreeyay ee ay guddoonka ku qaabilaan xafiisyada guddoonka iyo guddiyada golaha shacabka ee ku yaala Villa Hargeysa oo dhawaan xarigga laga jaray.


Maxamed X. Xuseen, Hiiraan Online
[email protected]
Muqdisho, Soomaaliya












Click here
1/16/2014 6:56 PM EST
Jimco, 17 January 2014(HOL)—Ra’iisal Wasaaraha Xukuumadda Federaalka Soomaaliya C/weli Sheekh Axmed Maxamed ayaa goor dhow ku dhawaaqay golaha Wasiirrada cusub ee Xukuumadda Federaalka Soomaaliya, iyadoo Munaasabadda magacaabista Golaha Wasiirrada ay ka dhacday Xarunta Madaxtooyada Villa Somalia.

1/16/2014 4:41 PM EST
Khamiis, Janaayo 16, 2014 (HOL) — Madaxweynaha Uganda, Yoweri Museveni ayaa sheegay markii ugu horreysay in ciidamadiisu ay ka dagalamaayaan, gudaha dalka ay jaarka yihiin ee Koonfurta Suudaan iyagoo gacan siinaya ciidamada dowladda dalkaas ee dagaalka kula jira mucaaradka.

1/16/2014 1:51 PM EST
Khamiis, Janaayo 16, 2014 (HOL) — Warar ay HOL ka heshay xarunta madaxtooyada Soomaaliya ayaa xaqiijinaya in lagu wado in caawa lagu dhawaaqo golaha cusub ee wasiirrada xukuumadda Soomaaliya.

1/16/2014 10:56 AM EST
Khamiis, Janaayo 16, 2014 (HOL) — Madaxweynaha dowlad Deegaanka Soomaalida Itoobiya Cabdi Maxamuud Cumar oo maalmihii ugu danbeeyay ku sugnaa magaalada London ee dalka Ingiriiska ayaa shirar kala duwan la qaatay qaybaha bulshada ka soo jeedda deegaankaas ,iyaga oo kawada-hadlay arimo dhowr ah.

1/16/2014 10:34 AM EST
Khamiis, Janaayo 16, 2014 (HOL) — Waxaa magaalada Kismaayo laga dareemayaa qaban-qaabo ballaaran oo loogu jiro xafladda caleemo-saarka hoggaamiyaha maamulka KMG Jubba iyo dhaarinta xubnaha golaha wasiirada cusub ee maamulka Jubba, taasoo la filayo in ay dhacdo maalinta isniinta ee fooda nagu soo heeyso.

1/16/2014 7:42 AM EST
Khamiis, Janaayo 16, 2014 (HOL) — Madaxweynaha dhawaan la doortay ee Puntland, C/wali Maxamed Cali Gaas ayaa maanta markii ugu horreysay la kulmay wasiirradii xukuumaddii ka horreysay ee C/raxmaan Faroole.

1/16/2014 6:32 AM EST
Khamiis, Janaayo 16, 2014 (HOL) — Wasiirka arrimaha dibadda Somaliland, Maxamed Biixi Yoonis oo hoggaaminaya wafdiga Somaliland uga qaybgalaya wadahadallada dowladda Soomaaliya iyo Somaliland yaa sheegay inaysan ka laabanayn Somaliland gooni-isku-taaggeeda oo uu yahay mid laba taabtaan ah.

1/16/2014 5:42 AM EST
Khamiis, Janaayo 16, 2014 (HOL) — Waxaa goor dhow ka furmay magaalada Istanbuul ee dalka Turkiga wahadalladii u dhexeeyay dowladda Soomaaliya iyo Somaliland, kaasoo socon doona labada maalmood ee soo socota sida uu sheegay sii hayaha xilka wasiirka arrimaha gudaha ee Soomaaliya, C/kariin Xuseen Guuleed oo hoggaaminaya wafdiga dowladda Soomaaliya.

1/16/2014 1:29 AM EST
Khamiis, Janaayo 16, 2014 (HOL) — Xarakada Al-shabaab ayaa waxay ka warbixisay weerar ay habeen hore ku qaadday degmada Mahadaay ee gobolka Shabeellada dhexe, iyagoo sheegay in dagaalkaas ay ku dileen tiro ka tirsan ciidamada dowladda Soomaaliya.

1/16/2014 1:28 AM EST
Khamiis, Janaayo 16, 2014 (HOL) — Ururka Midowga Afrika ayaa sheegay in ciidamada Itoobiya ay si rasmi ah uga mid noqon doonaan dhawaan howlgalka Midowga Afrika ee AMISOM, taasoo lagu sheegay in lagu kordhinayo tirada ciidamadan.

1/16/2014 1:27 AM EST
Khamiis, Janaayo 16, 2014 (HOL) — Dowladd Soomaaliya ayaa markii ugu horreysay ka hadashay ajaanibta dalka ku sugna oo qaarkood la afduubay, iyadoo sheegtay in ajnabigii aan dowladda u diiwaan-gashnayn wixii ku dhaca aysan mas’uul ka ahayn.