4/14/2021
Today from Hiiraan Online:  _
Wararka Maanta- Khamiis, Jan 16, 2014
BIIXI: "Somaliland Marna Kama Laabanayso Gooni isku Taaggeeda”


Khamiis, Janaayo 16, 2014 (HOL) — Wasiirka arrimaha dibadda Somaliland, Maxamed Biixi Yoonis oo hoggaaminaya wafdiga Somaliland uga qaybgalaya wadahadallada dowladda Soomaaliya iyo Somaliland yaa sheegay inaysan ka laabanayn Somaliland gooni-isku-taaggeeda oo uu yahay mid laba taabtaan ah.

Biixi oo u warramayay idaacadda BBC-da ayaa xusay in go’aanka Somaliland ee gooni-isku-taagga Somaliland uu yahay mid ay go’aansadeen shacabka ku nool deegaannadaas oo aanan dib looga laaban doonin.

“Gooni-isku-taagga Somaliland waa mid muqaddas ah oo aan laga laaban doonin, balse waxaan walaaladeen aan la yeelan doonnaa wadahadallo miro-dhal ah,” ayuu yiri wasiirka arrimaha dibadda Somaliland.

Sidoo kale, wasiirku wuxuu sheegay inaysan fulin go’aannadii lagu gaaray shiirkii bishii July ee sannadkii hore aysan waxba ka fulin, isagoo tusaale u soo qaatay maamulka hawada Soomaaliya oo ay labada dhinac heshiis ka gaareen.

Wadahadallada oo furmay ayaa waxaa labada dhinac u saareen guddi gaar ah sidii ay u soo diyaarin lahaayeen ajanadayaasha looga hadlayo shirkan oo socon doona labada maalmood ee soo socota.

Dhanka kale, wasiirka arrimaha gudaha ee Soomaaliya, Cabdikariin Xuseen Guuleed oo wafdiga dowladda Soomaaliya ee shirka ka qaybgalay horkacaya ayaa sheegay inay kawada hadli doonaan iyaga iyo wafdiga Somailand sidii la isugu soo dhawaan lahaa loona heli lahaa Soomaaliya oo mid ah oo ay ka jirto nabad.

Wafdiyda Somaliland iyo Soomaaliya ayaa waxay u muuqdaan kuwo mowqif ahaan aad u kala fog, balse waxaa intii uusan shirku furmin dhexmarayay kaftanno kala duwan oo intood badan ay uga hadlayeen magacaabista golaha wasiirrada cusub ee Soomaaliya.

Xubnaha Somaliland ayaa waxay kula kaftamayeen wafdiga Soomaaliya in ay kusoo bixi kaaraan liiska wasiirrada iyo kale, iyagoo sheegay inay baqdin ka qabaan in hebel iyo hebel ay ka kexeystaan balse ay ku bedel doonaan haddii ay dhacdo xubno kale.

Wadahadallada ayaa waxaa maanta furay safiirka Turkiga u jooga dalka Soomaaliya, Kamaaludiin Kani Turan oo labada dhinac ku boorrinay inay ka soo saaraan wadahadalladooda qodobbo wax ku ool ah.

Maxamed X. Xuseen, Hiiraan Online
[email protected]
Muqdisho, Soomaaliya












Click here
1/16/2014 6:56 PM EST
Jimco, 17 January 2014(HOL)—Ra’iisal Wasaaraha Xukuumadda Federaalka Soomaaliya C/weli Sheekh Axmed Maxamed ayaa goor dhow ku dhawaaqay golaha Wasiirrada cusub ee Xukuumadda Federaalka Soomaaliya, iyadoo Munaasabadda magacaabista Golaha Wasiirrada ay ka dhacday Xarunta Madaxtooyada Villa Somalia.

1/16/2014 4:41 PM EST
Khamiis, Janaayo 16, 2014 (HOL) — Madaxweynaha Uganda, Yoweri Museveni ayaa sheegay markii ugu horreysay in ciidamadiisu ay ka dagalamaayaan, gudaha dalka ay jaarka yihiin ee Koonfurta Suudaan iyagoo gacan siinaya ciidamada dowladda dalkaas ee dagaalka kula jira mucaaradka.

1/16/2014 1:51 PM EST
Khamiis, Janaayo 16, 2014 (HOL) — Warar ay HOL ka heshay xarunta madaxtooyada Soomaaliya ayaa xaqiijinaya in lagu wado in caawa lagu dhawaaqo golaha cusub ee wasiirrada xukuumadda Soomaaliya.

1/16/2014 11:50 AM EST
Khamiis, Janaayo 16, 2014 (HOL) — Guddoonka baarlamaanka federaalka Soomaaliya ayaa maanta Muqdisho ku qaabilay safiirrada dowladaha Britain iyo Sweden u fadhiya Soomaaliya, iyadoo gudoonka uu kala hadlay safiirrada sidii ay dowladahooda kaalin ugu yeelan lahaayeen hirgelinta qorshayaasha golaha shacabka ee sannadkan 2014-ka.

1/16/2014 10:56 AM EST
Khamiis, Janaayo 16, 2014 (HOL) — Madaxweynaha dowlad Deegaanka Soomaalida Itoobiya Cabdi Maxamuud Cumar oo maalmihii ugu danbeeyay ku sugnaa magaalada London ee dalka Ingiriiska ayaa shirar kala duwan la qaatay qaybaha bulshada ka soo jeedda deegaankaas ,iyaga oo kawada-hadlay arimo dhowr ah.

1/16/2014 10:34 AM EST
Khamiis, Janaayo 16, 2014 (HOL) — Waxaa magaalada Kismaayo laga dareemayaa qaban-qaabo ballaaran oo loogu jiro xafladda caleemo-saarka hoggaamiyaha maamulka KMG Jubba iyo dhaarinta xubnaha golaha wasiirada cusub ee maamulka Jubba, taasoo la filayo in ay dhacdo maalinta isniinta ee fooda nagu soo heeyso.

1/16/2014 7:42 AM EST
Khamiis, Janaayo 16, 2014 (HOL) — Madaxweynaha dhawaan la doortay ee Puntland, C/wali Maxamed Cali Gaas ayaa maanta markii ugu horreysay la kulmay wasiirradii xukuumaddii ka horreysay ee C/raxmaan Faroole.

1/16/2014 5:42 AM EST
Khamiis, Janaayo 16, 2014 (HOL) — Waxaa goor dhow ka furmay magaalada Istanbuul ee dalka Turkiga wahadalladii u dhexeeyay dowladda Soomaaliya iyo Somaliland, kaasoo socon doona labada maalmood ee soo socota sida uu sheegay sii hayaha xilka wasiirka arrimaha gudaha ee Soomaaliya, C/kariin Xuseen Guuleed oo hoggaaminaya wafdiga dowladda Soomaaliya.

1/16/2014 1:29 AM EST
Khamiis, Janaayo 16, 2014 (HOL) — Xarakada Al-shabaab ayaa waxay ka warbixisay weerar ay habeen hore ku qaadday degmada Mahadaay ee gobolka Shabeellada dhexe, iyagoo sheegay in dagaalkaas ay ku dileen tiro ka tirsan ciidamada dowladda Soomaaliya.

1/16/2014 1:28 AM EST
Khamiis, Janaayo 16, 2014 (HOL) — Ururka Midowga Afrika ayaa sheegay in ciidamada Itoobiya ay si rasmi ah uga mid noqon doonaan dhawaan howlgalka Midowga Afrika ee AMISOM, taasoo lagu sheegay in lagu kordhinayo tirada ciidamadan.

1/16/2014 1:27 AM EST
Khamiis, Janaayo 16, 2014 (HOL) — Dowladd Soomaaliya ayaa markii ugu horreysay ka hadashay ajaanibta dalka ku sugna oo qaarkood la afduubay, iyadoo sheegtay in ajnabigii aan dowladda u diiwaan-gashnayn wixii ku dhaca aysan mas’uul ka ahayn.