3/28/2024
Today from Hiiraan Online:  _
Wararka Maanta- Khamiis, Jan 16, 2014
Wadahadalkii dowladda Somalia iyo Somaliland oo ka furmay Turkiga


Khamiis, Janaayo 16, 2014 (HOL) — Waxaa goor dhow ka furmay magaalada Istanbuul ee dalka Turkiga wahadalladii u dhexeeyay dowladda Soomaaliya iyo Somaliland, kaasoo socon doona labada maalmood ee soo socota sida uu sheegay sii hayaha xilka wasiirka arrimaha gudaha ee Soomaaliya, C/kariin Xuseen Guuleed oo hoggaaminaya wafdiga dowladda Soomaaliya.

Wasiirka oo la hadlayay warbaahinta isagoo ku sugan magaalada Istanbuul ee dalka Turkiga ayaa sheegay inay u saareen guddi labada dhinac ka kooban diyaarinta ajandayaasha ay shirkoodan uga hadlayaan.

“Innagu waxaan xoogga saarnay sidii lagu heli lahaa Soomaaliya oo mid ah, isla markaan looga wadahadli lahaa waxyaabaha la kala tabanayo. Sidoo kale walaalaha Somaliland iyagun waxay xoogga saareen sidii looga hadli lahaa waxyaabaha la kala tabanayo,” ayuu yiri wasiirka arrimaha gudaha.

Sidoo kale, wasiirka ayaa sheegay in guddi ay u saareen soo diyaarinta wixii ay kawada hadli lahaayeen, kuwaasoo uu sheegay inay siiyeen muddo dhowr saacadood ah, markaas kaddibna fadhiga lagu laaban doono.

“Waxaan qabnaa dhankeenna in khilaafyada jira ay Soomaalida xallin karo, aana kawada hadalno,” ayuu hadalkiisa ku daray, isgaoo xusay inaysan ku dhammaanayn wadahadalladu xilli kooban oo ay sii socon doonaan.

Guuleed ayaa rajo wanaagsan ka muujiyay in wadahadalladan ay kasoo bixi doonaan ajandayaal la isku waafaqsan yahay, isagoo ku adkeysanaya inay filayaa inay shirkan kasoo bixi karaan natiijooyin wanaagsan.

Ma jirto cid u hadashay dhinaca Somaliland, iyadoo wafdiga u qaybgalaya uu shirkan uu hoggaaminayo wasiirka arrimaha dibadda, Maxamed Biixi Yoonis oo ay noqonayso markii uu horreysay oo uu shirkan ka qaybgalo.

Dowladda Soomaaliya iyo Somaliland ayaa waxay saddex jeer oo hore ay ku yesheeen kulammo dalalka Britain iyo Turkiga, kuwaasoo qodobbada looga hadlay ay ka mid yihiin sidii ay labada dhinac isugu soo dhawaan lahaayeen inkastoo aan horumar muuqda laga gaarin.

Bishii July ee sannadkii hore 2013 ayaa waxaa wadahadallo ay goobjoogayaal ka ahaayeen madaxweynaha Soomaaliya, Xasan Sheekh Maxamuud iyo madaxweynaha Somaliland, Xasan Sheekh Maxamuud ka dhaceen dalka Turkiga.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/16/2014 6:56 PM EST
Jimco, 17 January 2014(HOL)—Ra’iisal Wasaaraha Xukuumadda Federaalka Soomaaliya C/weli Sheekh Axmed Maxamed ayaa goor dhow ku dhawaaqay golaha Wasiirrada cusub ee Xukuumadda Federaalka Soomaaliya, iyadoo Munaasabadda magacaabista Golaha Wasiirrada ay ka dhacday Xarunta Madaxtooyada Villa Somalia.

1/16/2014 4:41 PM EST
Khamiis, Janaayo 16, 2014 (HOL) — Madaxweynaha Uganda, Yoweri Museveni ayaa sheegay markii ugu horreysay in ciidamadiisu ay ka dagalamaayaan, gudaha dalka ay jaarka yihiin ee Koonfurta Suudaan iyagoo gacan siinaya ciidamada dowladda dalkaas ee dagaalka kula jira mucaaradka.

1/16/2014 1:51 PM EST
Khamiis, Janaayo 16, 2014 (HOL) — Warar ay HOL ka heshay xarunta madaxtooyada Soomaaliya ayaa xaqiijinaya in lagu wado in caawa lagu dhawaaqo golaha cusub ee wasiirrada xukuumadda Soomaaliya.

1/16/2014 11:50 AM EST
Khamiis, Janaayo 16, 2014 (HOL) — Guddoonka baarlamaanka federaalka Soomaaliya ayaa maanta Muqdisho ku qaabilay safiirrada dowladaha Britain iyo Sweden u fadhiya Soomaaliya, iyadoo gudoonka uu kala hadlay safiirrada sidii ay dowladahooda kaalin ugu yeelan lahaayeen hirgelinta qorshayaasha golaha shacabka ee sannadkan 2014-ka.

1/16/2014 10:56 AM EST
Khamiis, Janaayo 16, 2014 (HOL) — Madaxweynaha dowlad Deegaanka Soomaalida Itoobiya Cabdi Maxamuud Cumar oo maalmihii ugu danbeeyay ku sugnaa magaalada London ee dalka Ingiriiska ayaa shirar kala duwan la qaatay qaybaha bulshada ka soo jeedda deegaankaas ,iyaga oo kawada-hadlay arimo dhowr ah.

1/16/2014 10:34 AM EST
Khamiis, Janaayo 16, 2014 (HOL) — Waxaa magaalada Kismaayo laga dareemayaa qaban-qaabo ballaaran oo loogu jiro xafladda caleemo-saarka hoggaamiyaha maamulka KMG Jubba iyo dhaarinta xubnaha golaha wasiirada cusub ee maamulka Jubba, taasoo la filayo in ay dhacdo maalinta isniinta ee fooda nagu soo heeyso.

1/16/2014 7:42 AM EST
Khamiis, Janaayo 16, 2014 (HOL) — Madaxweynaha dhawaan la doortay ee Puntland, C/wali Maxamed Cali Gaas ayaa maanta markii ugu horreysay la kulmay wasiirradii xukuumaddii ka horreysay ee C/raxmaan Faroole.

1/16/2014 6:32 AM EST
Khamiis, Janaayo 16, 2014 (HOL) — Wasiirka arrimaha dibadda Somaliland, Maxamed Biixi Yoonis oo hoggaaminaya wafdiga Somaliland uga qaybgalaya wadahadallada dowladda Soomaaliya iyo Somaliland yaa sheegay inaysan ka laabanayn Somaliland gooni-isku-taaggeeda oo uu yahay mid laba taabtaan ah.

1/16/2014 1:29 AM EST
Khamiis, Janaayo 16, 2014 (HOL) — Xarakada Al-shabaab ayaa waxay ka warbixisay weerar ay habeen hore ku qaadday degmada Mahadaay ee gobolka Shabeellada dhexe, iyagoo sheegay in dagaalkaas ay ku dileen tiro ka tirsan ciidamada dowladda Soomaaliya.

1/16/2014 1:28 AM EST
Khamiis, Janaayo 16, 2014 (HOL) — Ururka Midowga Afrika ayaa sheegay in ciidamada Itoobiya ay si rasmi ah uga mid noqon doonaan dhawaan howlgalka Midowga Afrika ee AMISOM, taasoo lagu sheegay in lagu kordhinayo tirada ciidamadan.

1/16/2014 1:27 AM EST
Khamiis, Janaayo 16, 2014 (HOL) — Dowladd Soomaaliya ayaa markii ugu horreysay ka hadashay ajaanibta dalka ku sugna oo qaarkood la afduubay, iyadoo sheegtay in ajnabigii aan dowladda u diiwaan-gashnayn wixii ku dhaca aysan mas’uul ka ahayn.