3/18/2024
Today from Hiiraan Online:  _
Wararka Maanta- Talaado, Jan 14, 2014
Maxkamad diidday Rafcaan uu dalbaday Jen. Maxamed Cali Samatar

Talaado, Janaayo 14, 2014 (HOL) — Maxkamadda sare ee gobolka Virginia ayaa diidday rafcaan uu xukun horay loogu diray ka dalbaday madaxweyne ku xigeenkii hore ee Soomaaliya, Jen. Maxamed Cali Samatar.

Maxkamadda ayaa sheegtay in madaxweynihii hore laga doonayo inuu bixiyo 21-milyan oo doollar oo mag-dhow ahaan loo siinayo dad sheegay in xilligii uu xilka ka yahay Soomaaliya uu dhibaatooyin u geystay ehelladooda.

Jen. Samatar ayaa waxaa sannadihii u dambeeyay ku socday dacwad ay ku soo oogeen dhallinyaro Soomaaliyeed oo qaarkood sheegay in waalidkood lagu dilay Muqdisho xilligii ay jirtay dowladdii milateriga ahayd ee uu ka tirsnaa Samatar.

Maxkamadda federaalka ah ee dalka Mareykanka ayaa ku heshay Jen. Samatar dacwooyinkii lagu oogay oo ahaa kuwo ka dhan ah xuquuqda bani’aadamka, markaasoo la dul-dhigay gaxaana lacageed, inkastoo uu isagu beeniyay dhammaan eedeymihii loosoo jeediyay.

Jen. Maxamed Cali Samatar ayaa wuxuu intii ay jirtay dowladdii hore ee milateriga ahayd uu soo qabtay xilalka madaxweyne ku xigeenka koowaad, wasiirka gaashaandhigga iyo ra’iisul wasaare, wuxuuna markii uu burburku dhacay uu u guuray dalka Mareykanka halkaasoo uu ku noolaa.

Samatar oo hadda ay da’diisu tahay 77 sano ayaan la ogeyn go’aanka uu qaadan doono, mar haddii maxkamadda sare ee Mareykanka ay diidday inay ka ogolaato rafcaan uu ka dalbaday xukunkii horay loogu riday.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/14/2014 8:09 AM EST
Talaado, Janaayo 14, 2014 (HOL) — Kulan ay xildhibaannada baarlamaanka Soomaaliya ku yeesheen Muqdisho ayaa lagu diiday mooshinkii wasiiradii xukuumadii Saacid laga keenay, kadib markii mooshin kaas kasoo horjeeda ay baarlamaanka horgeeyeen 12 xildhibaan.

1/14/2014 4:30 AM EST
Talaado, Janaayo 14, 2014 (HOL) — Magaalada Garoowe ee xarunta maamulka Puntland waxaa maanta ka dhacday munaasabad ay xilalka kula kala wareegayeen madaxweynaha -dhowaanta la doortay- ee Puntland C/weli Maxamed Cali Gaas iyo madaxweynihii hore C/raxmaan Maxamed Faroole.

1/14/2014 2:08 AM EST
Talaado, Janaayo 14, 2014 (HOL) — Xarakada Al-shabaab oo dagaal kula jirta dowladda Soomaaliya iyo ciidamada AMISOM ayaa shacabka Muqdisho uga digtay inay u dhawaadaan xarumaha dowladda iyo kuwa hay’aduhu ay daggan yihiin. Iyadoo sidoo kale Muqdisho lagu afduubay laba ruux Kenyan ah.

1/14/2014 1:56 AM EST
Talaado, Janaayo 14, 2014 (HOL) — Kulan ballaaran oo ay si wadajir ah u soo qaban-qaabiyeen guddiga dib u dhiska Maktabadda Qaranka - National Libraray, ee Heritage Institute iyo Rugta Ganacsiga Soomaaliyeed loogana hadlayay dib u soo nooleynta maktaabaddii Qaranka ayaa shalay lagu qabtay xarunta rugta ganacsiga Soomaliyeed.

1/14/2014 1:22 AM EST
Talaado, Janaayo 14, 2014 (HOL) — Xildhibaannada Baarlamaanka Somalia ayaa lagu wadaa inay maanta cod u qaadaan mooshin lagu diiddan yahay in wasiirradii xukuumaddii hore ay ka mid noqdaan xukuumadda cusub ee la soo dhisayo.