3/29/2024
Today from Hiiraan Online:  _
Wararka Maanta- Isniin, Jan 13, 2014
Xarumo War-baahin oo hor leh oo ku Biiray Ururka SIMHA (SAWIRRO)


Isniin, Janaayo 13, 2014 (HOL) — Kaddib munaasabad ka dhacday hoteelka Maka Al-mukarama ee magaalada Muqdisho shalay oo Axad ahayd ayaa lagu soo bandhigay warbaahinno hor leh oo ku biiray ururka Somali independent Media Houses association (SIMHA) iyo welibaha qorshaha uu ururkani hig-sanayo.

Mas’uuliyiin isugu jiray wasrirro, xildhibaanno, la taliyayaal sarsare, qaar ka mid ah agaasimayaasha idaacadeed iyo xubno ka socday ururrada bulshada rayidka ah ayaa ka qaybgalay munaabada.

Ismaaciil Sheekh Khaliif oo ah agaasimaha Star FM ahna guddoomiye ku xigeenka SIMHA ayaa furitaanka munaasadda kusoo dhaweeyay xubnaha cusub ee kusoo biiray iyo mas’uuliyiinta madashada fadhiday, wuxuuna ku nuuxnuxsaday in SIMHA ay u furan tahay cid walba gacma furanna lagu soo dhaweyn doono.

Wasiir ku xigeena wasaaradda warfaafinta, C/shakuur Mire ayaa oo ka mid ahaa mas’uuliyiintii madasha ka hadashay isagoo u mahad-celiyay xubnaha SIMHA, waxuuna ku boorriyay inay u dhabar adeygaan hawlaha horyaalla.

HALKAN KA DAAWO SAWIRRO BADAN:

Xabiibo Axmed Jimcaale “Biibto” oo ah saxafiyad rug caddaa ahna tifaftirana ka ah wargeysyka maalinla ah ee Mogadishu Times oo iyaduna goobta hadal ka jeedisay ayaa sheegtay in dhinaceeda ay soo dhaweyneyso SIMHA ayna qayb ka tahay, waxayna ku baaqday in la muujiyo kalsooni si loo gaaro ah-daafta saxda ah ee SIMHA.

Abwaan Cismaan Cabdullaahi Guure oo ah agaasimaha idaacada Kulmiye oo isna madasha ka hadlay ayaa sheegay in midnimada warbaahinta ay muhiim u tahay dhammaan warbaahinta madaxa-bannaan, isagoo ku dheeraaday muhiimadda ay leedahay midnimada warbaahinta.

Abwaanka ayaa gabayo guubaabo ah ka tiriyay madasha taasoo dhiirri-gelin weyn u ahayd xubnaha ururka SIMHA iyo saxafiyiintii goobta fadhiday oo ay ku jireen kuwii cusbaa ee ku biiray ururkan.

Justin Merrozi iyo Eng Yariisow oo labaduba ah la taliyayaal sar-sare oo ka tirsan madaxtooyada Soomaaliya ayaa si isku mid ah u sheegay in midawga xarumaha warbaahinta dalka uu horseedi karo in horumar deg-deg ah ay ku tallaabsato warbaahinta Soomaalida.

Gaba-gabadii madasha waxaa hadal ka jeediyay guddoomiyaha mee ku gaarka ah ee SIMHA, Xasan Cali Geesey oo sheegay in SIMHA ay xoogga saari doonto dhowr arrimood oo uu ku sheegay inay ahayd munaasbaddii loo aasaasay, kuwaasoo ay ka mid yihiin mideynta xarumaha warbaahineed, in ay helaan tababarro lana tayeeyo dhammaan wariyayaasha iyo inay qayb ka noqdaan xarumaha sharciga warbaahinta ee hadda loo wado baarlamaanka.

Xasan Geseey ayaa sheegay in haddii xarumaha isku duubnaadaan ay sah-lanaan karto in xuquuqdooda ay si fudud ku helaan loona sameeyo shuruuc guud oo dhaxdooda ah.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/13/2014 3:15 PM EST
Isniin, Janaayo 13, 2014 (HOL) —Weeraryahanka kooxda Real Madrida iyo xulka dalka Portugal, Cristiano Ronaldo ayaa markii labaad ku guulaysatay billada laacibka ugu wanaagsan adduunka ,isaga oo la tartamayay xidigaha kala Messi oo Barcelona u ciyaara iyo xidigga kooxda Bayern Munich Frank Ribery.

1/13/2014 1:02 PM EST
Isniin, Janaayo 13, 2014 (HOL) — Taliska ciidanka xoogga Soomaaliya ayaa ciidamadii ugu horreysay ee gudaha lagu tababbaro maanta qalabeeyay, iyadoo saraakiisha ciidamadu ay kula dardaarmeen ciidamadaas inay ka qeyb qaatan howlgallada amniga lagu soo celinayo iyo dagaallada lagula jiro Al-shabaab.

1/13/2014 11:22 AM EST
Isniin, Janaayo 13, 2014 (HOL) — Ra'iisul wasaaraha Soomaaliya, C/weli Sheekh Axmed Maxamed ayaa u muuqda inuu diyaar u yahay inuu magacaabo golihiiisa wasiirrada cusub ee xukuumaddiisa, iyadoo aqoonyahanka siyaasadda dalka falanqeeya ayaa ka digaya in murannada siyaasadeed ee jira ay dib u dhac ku keenaan dhismaha xukuumadda.

1/13/2014 10:31 AM EST
Isniin, Janaayo 13, 2014 (HOL) — Xarunta ururka horumarinta haweenka Soomaaliyeed ee (SWDC) waxaa maanta shir Jaraaid ku qabtay qaar ka mid ah haweenkii lagu marti-qaaday doorashadii Puntland ka dhacday sideedii bishan ee uu kusoo baxay ra’iisul wasaarihii hore ee Soomaaliya, Cabdiweli Maxamed Cali Gaas, kuwaasoo maanta dib ugu laabtay Muqdisho.

1/13/2014 8:21 AM EST
Isniin, Janaayo 13, 2014 (HOL) — Guddoomiyaha maamulka gobolka Hiiraan, Cabdi Faarax Laqanayo oo ay wehliyaan odayaal dhaqameed iyo saraakiisha ciidamada maamulka dowladda iyo kuwa Jabuuti ee howlgalka midowgga Africa AMISOM ayaa socdaal qaatay mudo sadex cisho ah waxaa ay ku tagay deegaannada Kabxaley iyo Deefoow oo dhowr jeer oo hore ay ku dagaallameen maleeshiyo beelleed.

1/13/2014 8:12 AM EST
Isniin, Janaayo 13, 2014 (HOL) — Xarunta Baarlmaanka Puntland oo ku taalla magaalada Garoowe, waxaa maanta ka dhacday munaasabad ay kula kala wareegayeen xilalka guddoomiyaha cusub ee baarlmaanka Puntland, Siciid Xasan Shire iyo guddoomiyihii hore, C/rashiid Maxamed Xirsi.

1/13/2014 6:15 AM EST
Isniin, Janaayo 13, 2014 (HOL) — Waxa caawa magaalda Zurich ee dalka Switzerland lagu qaban doonaa xafladda abaalmarinta xiddiga sanadka adddunka ee loo yaqaan Ballon d’Or ,taasi oo la qabto sanad walba, iyadoo ay ka soo qayb-gali doonaan madaxda FIFA iyo waliba halyeeyo horey u soo maray kubadda cagta adduunka.

1/13/2014 5:59 AM EST
Isniin, Janaayo 13, 2014 (HOL) — Dowladda Kenya ayaa joojisay safarrada basaska xilliyada habeenkii ah, taasoo ay dadweynaha safra iyo madaxda shirkadaha basasku uga hadleen siyaabo kala duwan.

1/13/2014 5:10 AM EST
Isniin, Janaayo 13, 2014 (HOL) — Barnaamijkan indhofiiqista ah oo ay iska kaashadaeen isbitalka Jaamacadda Kismaayo, Jimciyadda Towfiiq iyo isbitalka Al-nuur ee magaalada Muqdisho ayaa indhaha loogu fiiqay in ka badan 5000 oo qof kuwaasoo ay aragtidu ka maqnayd.

1/13/2014 1:38 AM EST
Isniin, Janaayo 13, 2014 (HOL) — Soomaalida qubo-joogta ah ayaa qaar ka mid ah waxay si aad ah isugu taxluujiyaan inay wax-taraan dalkii iyo dadkii ay kasoo tageen; iyagoo qaarad walba oo ay ku sugan yihiin ka sameeyay hay’ado samafal oo ay dadkooda wax ku taraan.

1/13/2014 1:35 AM EST
Isniin, Janaayo 13, 2014 (HOL) — Kaddib markii ay dhawaan soo baxeen warar sheegaya in hub lagala baxay madaxtooyada magaaloyinka Garoowe iyo Boosaaso ayaa arrintan waxaa waxba kama jiraan ku tilmaamay sii hayaha xilka wasiirka amniga Puntland, Khaliif Ciise Mudane.