5/12/2021
Today from Hiiraan Online:  _
Wararka Maanta- Talaado, Feb 9 , 2014
Dowladda Japan oo Booliska Somalia qalab ku wareejisey (SAWIRRO)


Axad, Febaraayo 09, 2014 (HOL) —Wafdi ka socda dalka Japan ayaa maanta deeq qalab-xafiiseed u badan waxay ku wareejiyeen taliska ciidamada booliska Soomaaliyeed.

Wafdigan oo uu horkacayey safiirka Japan u jooga Soomaaliya Tasushi Taradi, islamarkaana uu qayb ka ahaa ku-xigeenka wakiilka xoghayaha guud ee Qaramada Midoobay u qaabilsan Soomaaliya Yunazawi Atsushi, ayaa xarunta dhexe ee booliska Soomaaliya waxay kulan kula qaateen taliyaha guud ee booliska C/xakiim Daahir Saciid (Saacid) iyo saraakiil kale oo ka tirsan booliska Soomaaliya.

Markii uu kulankaasi soo idlaaday, ayaa si wadajir ah waxaa saxaafadda ula hadlay Jen. C/xakiim Daahir Saciid (Saacid) iyo dan-jiraha dowladda Japan u jooga dalka Soomaaliya Tasushi Tiradi.

Jen. Saacid oo hadalka ku horreeyey, ayaa uga mahadceliyey dowladda Japan taageerada hagar la’aaneed ee ay siiso dadka iyo dowladda Soomaaliyeed, wuxuu dhinaca kale tilmaamay in qalabka maanta lagu wareejiyey uu yahay mid si weyn baahi loogu qabay, wax weynna ka tari doona qalabeynta xafiisyada xarunta dhexe ee booliska Soomaaliyeed.

HALKAN KA DAAWO SAWIRRO BADAN:-

Dan-jire Tasushi Tiradi oo intaas kaddib hadalka qaatay ayaa sheegay in ciidamada booliska ee dalka Soomaaliya ay hawlo culus qabtaan weliba iyaga oo ku shaqeynaya jewi aad u adag.

Tasushi oo hadalkiisa sii wata ayaa xusay in dowladda Japan ay sii joogteyn doonto taageerada ay siiso Soomaaliya, maadaama ay Soomaaliya xilligan u baahan tahay taageero intii hore ka badan.

Qalabka maanta lagu wareejiyey ciidamada booliska Soomaaliyeed oo ka kooban shan kunteenar, wuxuu u badan yahay qalabka xafiisyada sida: kuraas, miisas, kumbuyuutarro iyo weliba armaajooyin.

Dowladda Japan oo kamid ah wadamada dunida ugu dhaqaalaha fiican, waxay sanadkii hore booliska Soomaaliyeed ugu deeqday qalab gaadiid u badan.

Maxamed Salaad Xaaji Dirir, Hiiraan Online
[email protected]
Puntland, Soomaaliya











Click here
2/9/2014 4:35 PM EST
Axad, Febraayo 09, 2014 (HOL) – Afhayeenka Madaxtooyada Soomaaliya Inj. C/raxmaan Cumar Cusmaan (Yariisow) ayaa sheegay in Madaxweynaha Soomaaliya Xasan Shiikh Maxamuud uu sababo caaafimaad u aaday dalka Turkiga.

2/9/2014 9:15 AM EST
Axad, Febraayo 09, 2014 (HOL) – Xiisad siyaasadeed ay ka abuurantay Golaha Wakiiladda, Somaliland, ka dib markii ay Ciidan faro badan ee uu hor-kacyo ku-xigeenka Ciidamada Booliska Somaliland Cabdiraxmaan Liibaan Axmed (Fooxle) ay soo galeen gudaha Golaha Wakiilada Somaliland.

2/9/2014 8:53 AM EST
Axad, Febaraayo 09, 2014 (HOL) — Madaxweynaha Soomaaliya Xasan Sheekh Maxamud ayaa amaanay doorka dowladda Burundi ay kaga jirto howlgalka Midowga Afrika ee AMISOM, isagoo sheegay inay yihiin walaalo dhab ah yihiin.

2/9/2014 8:41 AM EST
Axad, Febaraayo 09, 2014 (HOL) — Golaha wasiirrada xukuumadda Soomaaliya ayaa maanta yeeshay kulan aan caadi ahayn, waxaana kulanka shir-guddoominayay ra’iisul wasaaraha Soomaaliya, Cabdiwali Sheekh Axmed Maxamed.

2/9/2014 8:29 AM EST
Axad, Febaraayo 09, 2014 (HOL) — Ergayga Midowga Afrika ee arrimaha Soomaaliya, Danjire Maxamed Saalax Anaadiif ayaa sheegay in ciidammo isku dhaf ah la geynayo magaalada Kismaayo ee xarunta Jubbada Hoose, isagoo ka dhawaajiyay in xusay inaysan ciidamada Kenya ee qaybta ka ah AMISOM aysan ka baxayn magaalada Kismaayo.

2/9/2014 4:42 AM EST
Axad, Febaraayo 09, 2014 (HOL) —Mas’uuliyiin ka tirsan xisbiga African National Congress (ANC) ee haya talada dalka Koonfur Afrika, ayaa magaalada Cape town waxay kulan kula qaateen jaaliyadda Soomaaliyeed ee dalkaas ku dhaqan.

2/9/2014 3:22 AM EST
Axad, Febaraayo 09, 2014 (HOL) — Saddex qof ayaa ku dhintay toddoba qof oo kalena way ku dhaawacmeen, shil gaari oo saqdii dhexe ee xalay ka dhacay meel u dhow degmada Buurtinle ee gobolka Nugaal.

2/9/2014 2:29 AM EST
Axad, Febaraayo 09, 2014 (HOL) —Ciidamada dalka Kenya ayaa gelinkii dambe ee shalay oo Sabti ahayd ku qabtay meel u dhow magaalada Mandheera, saddex nin oo looga shekisan yahay inay ka tirsan yihiin Ururka Al-shabaab.