5/12/2021
Today from Hiiraan Online:  _
Wararka Maanta- Axad, Feb 9 , 2014
Madaxda ANC oo la kulmay jaaliyadda Soomaalida (SAWIRRO)



Axad, Febaraayo 09, 2014 (HOL) —Mas’uuliyiin ka tirsan xisbiga African National Congress (ANC) ee haya talada dalka Koonfur Afrika, ayaa magaalada Cape town waxay kulan kula qaateen jaaliyadda Soomaaliyeed ee dalkaas ku dhaqan.

Ujeedada kulanka ayaa ahayd sidii ay labada dhinac u kala warqaadan lahaayeen, loona xoojin lahaa wada-shaqeynta ka dhexeysa, maadaama ay jiraan cabashooyin badan oo ay Soomaalidu qabaan.

Madaxdii xisbiga ANC ka socdey ee shirkaas ka qayb galay ayaa sheegay inay lagama maarmaan tahay in laga jawaabo cabashada Soomaalida, maadaama ay dadka Soomaaliyeed qayb libaax ka qaateen la-dagaalanka xukunkii midab kala sooca ahaa ee horay dalkaas uga jirey.

Ababaker oo ah ku-xigeenka madaxda xafiiska ANC ee Capte Town ayaa tilmaamay in kulanka ay Soomaalida la qaateeni uu ahaa mid miro dhal ah, arrimaha ugu muhiimsan ee looga wada hadlayna ay ahaayeen: sidii looga jawaabi lahaa cabashada Soomaalida gaar ahaan dhibaatooyinka kasoo wajaha dhanka ammaanka, taas beddelkeedana Soomaalida laga rabo inay taageeraan xisbiga ANC.

Qaar kamid ah Soomaalida kulankaas ka qayb galay oo markii uu soo gaba gaboobay warbaahinta la hadlay, ayaa sheegay inay in muddo ah dhowrayeen fursadan oo kale, maadaama ay u suurtagashay inay si furan ula hadlaan xubno ka tirsan xisbiga dalka u taliya ayna soo bandhigeen waxyaabaha ay tabanayaan.

Koonfur Afrika waxaa ku nool Soomaali badan, waxayna badankoodu ganacsiyo yaryar ku haystaan deegaannada isku-raranka ah ee ay dadka saboolka ahi ku dhaqan yihiin. Sannad walba waxaa Koonfur Afrika lagu dilaa, hantidoodana lagu dhacaa tobannaan ganacsato ah oo kasoo jeeda Geeska Afrika, dadkaas oo qaar badan oo kamid ahi ay Soomaali yihiin.



Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
2/9/2014 4:35 PM EST
Axad, Febraayo 09, 2014 (HOL) – Afhayeenka Madaxtooyada Soomaaliya Inj. C/raxmaan Cumar Cusmaan (Yariisow) ayaa sheegay in Madaxweynaha Soomaaliya Xasan Shiikh Maxamuud uu sababo caaafimaad u aaday dalka Turkiga.

2/9/2014 9:15 AM EST
Axad, Febraayo 09, 2014 (HOL) – Xiisad siyaasadeed ay ka abuurantay Golaha Wakiiladda, Somaliland, ka dib markii ay Ciidan faro badan ee uu hor-kacyo ku-xigeenka Ciidamada Booliska Somaliland Cabdiraxmaan Liibaan Axmed (Fooxle) ay soo galeen gudaha Golaha Wakiilada Somaliland.

2/9/2014 8:53 AM EST
Axad, Febaraayo 09, 2014 (HOL) — Madaxweynaha Soomaaliya Xasan Sheekh Maxamud ayaa amaanay doorka dowladda Burundi ay kaga jirto howlgalka Midowga Afrika ee AMISOM, isagoo sheegay inay yihiin walaalo dhab ah yihiin.

2/9/2014 8:41 AM EST
Axad, Febaraayo 09, 2014 (HOL) — Golaha wasiirrada xukuumadda Soomaaliya ayaa maanta yeeshay kulan aan caadi ahayn, waxaana kulanka shir-guddoominayay ra’iisul wasaaraha Soomaaliya, Cabdiwali Sheekh Axmed Maxamed.

2/9/2014 8:29 AM EST
Axad, Febaraayo 09, 2014 (HOL) — Ergayga Midowga Afrika ee arrimaha Soomaaliya, Danjire Maxamed Saalax Anaadiif ayaa sheegay in ciidammo isku dhaf ah la geynayo magaalada Kismaayo ee xarunta Jubbada Hoose, isagoo ka dhawaajiyay in xusay inaysan ciidamada Kenya ee qaybta ka ah AMISOM aysan ka baxayn magaalada Kismaayo.

2/9/2014 6:20 AM EST
Axad, Febaraayo 09, 2014 (HOL) —Wafdi ka socda dalka Japan ayaa maanta deeq qalab-xafiiseed u badan waxay ku wareejiyeen taliska ciidamada booliska Soomaaliyeed.

2/9/2014 3:22 AM EST
Axad, Febaraayo 09, 2014 (HOL) — Saddex qof ayaa ku dhintay toddoba qof oo kalena way ku dhaawacmeen, shil gaari oo saqdii dhexe ee xalay ka dhacay meel u dhow degmada Buurtinle ee gobolka Nugaal.

2/9/2014 2:29 AM EST
Axad, Febaraayo 09, 2014 (HOL) —Ciidamada dalka Kenya ayaa gelinkii dambe ee shalay oo Sabti ahayd ku qabtay meel u dhow magaalada Mandheera, saddex nin oo looga shekisan yahay inay ka tirsan yihiin Ururka Al-shabaab.