5/12/2021
Today from Hiiraan Online:  _
Wararka Maanta- Axad, Feb 9 , 2014
Shil gaari oo khasaare dhaliyey oo meel Buurtinle u dhow ka dahcay



Axad, Febaraayo 09, 2014 (HOL) — Saddex qof ayaa ku dhintay toddoba qof oo kalena way ku dhaawacmeen, shil gaari oo saqdii dhexe ee xalay ka dhacay meel u dhow degmada Buurtinle ee gobolka Nugaal.

Gaariga shilka galay oo ahaa Toyota Noah waxaa la socdey rikaab u badnaa culimo ka tirsan Jamaacada Tabliiqa, wuxuuna ka yimid magaalada Hargeysa ee xarunta maamulka Somaliland isagoo kusoo jeeday dhanka magaalada Boosaaso.

Saddexda qof ee geeriyoodey ayaa isugu jirey labo rag ah iyo hal qof oo dumar ah, sida uu xaqiijiyey xog-hayaha dowladda hoose ee degmada Buurtilne oo goor hore oo saaka ah warbaahinta la hadlay.

Maamulka degmada Buurtinle iyo dadweynaha ayaa gurmad u fidiyey dadka shilkaasi uu ku dhacay, waxaana dhaawaca loo qaaday dhinaca magaalada Gaalkacayo ee xarunta gobolka Mudug..

Lama oga sababta rasmiga ah ee shilkan keentay, haseyeeshee sarkaal ka tirsan hay’adda nabad gelyada waddooyinka ee gobolka Nugaal ayaa Hiiraan Online u sheegay in gaarigu uu jidka ka baxay isagoo xawaare aad u sarreeya ku socda.

Shilalka gaadiidka ayaa si joogto ah uga dhaca jidka dheer ee laamiga ah ee isku xira magaalooyinka Gaalkacayo iyo Boosaaso, waxaana loo aaneeyaa jidka oo aan wanaagsaneyn iyo wadeyaashaa gaadiidka oo u badan kuwo aan khibrad fiican oo dhanka dareewalnimada ah haysan.

Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
2/9/2014 4:35 PM EST
Axad, Febraayo 09, 2014 (HOL) – Afhayeenka Madaxtooyada Soomaaliya Inj. C/raxmaan Cumar Cusmaan (Yariisow) ayaa sheegay in Madaxweynaha Soomaaliya Xasan Shiikh Maxamuud uu sababo caaafimaad u aaday dalka Turkiga.

2/9/2014 9:15 AM EST
Axad, Febraayo 09, 2014 (HOL) – Xiisad siyaasadeed ay ka abuurantay Golaha Wakiiladda, Somaliland, ka dib markii ay Ciidan faro badan ee uu hor-kacyo ku-xigeenka Ciidamada Booliska Somaliland Cabdiraxmaan Liibaan Axmed (Fooxle) ay soo galeen gudaha Golaha Wakiilada Somaliland.

2/9/2014 8:53 AM EST
Axad, Febaraayo 09, 2014 (HOL) — Madaxweynaha Soomaaliya Xasan Sheekh Maxamud ayaa amaanay doorka dowladda Burundi ay kaga jirto howlgalka Midowga Afrika ee AMISOM, isagoo sheegay inay yihiin walaalo dhab ah yihiin.

2/9/2014 8:41 AM EST
Axad, Febaraayo 09, 2014 (HOL) — Golaha wasiirrada xukuumadda Soomaaliya ayaa maanta yeeshay kulan aan caadi ahayn, waxaana kulanka shir-guddoominayay ra’iisul wasaaraha Soomaaliya, Cabdiwali Sheekh Axmed Maxamed.

2/9/2014 8:29 AM EST
Axad, Febaraayo 09, 2014 (HOL) — Ergayga Midowga Afrika ee arrimaha Soomaaliya, Danjire Maxamed Saalax Anaadiif ayaa sheegay in ciidammo isku dhaf ah la geynayo magaalada Kismaayo ee xarunta Jubbada Hoose, isagoo ka dhawaajiyay in xusay inaysan ciidamada Kenya ee qaybta ka ah AMISOM aysan ka baxayn magaalada Kismaayo.

2/9/2014 6:20 AM EST
Axad, Febaraayo 09, 2014 (HOL) —Wafdi ka socda dalka Japan ayaa maanta deeq qalab-xafiiseed u badan waxay ku wareejiyeen taliska ciidamada booliska Soomaaliyeed.

2/9/2014 4:42 AM EST
Axad, Febaraayo 09, 2014 (HOL) —Mas’uuliyiin ka tirsan xisbiga African National Congress (ANC) ee haya talada dalka Koonfur Afrika, ayaa magaalada Cape town waxay kulan kula qaateen jaaliyadda Soomaaliyeed ee dalkaas ku dhaqan.

2/9/2014 2:29 AM EST
Axad, Febaraayo 09, 2014 (HOL) —Ciidamada dalka Kenya ayaa gelinkii dambe ee shalay oo Sabti ahayd ku qabtay meel u dhow magaalada Mandheera, saddex nin oo looga shekisan yahay inay ka tirsan yihiin Ururka Al-shabaab.