5/12/2021
Today from Hiiraan Online:  _
Wararka Maanta- Axad, Feb 9 , 2014
KENYA: ciidamada ammaanka oo qabtay saddex qof oo laga shekiyey



Axad, Febaraayo 09, 2014 (HOL) —Ciidamada dalka Kenya ayaa gelinkii dambe ee shalay oo Sabti ahayd ku qabtay meel u dhow magaalada Mandheera, saddex nin oo looga shekisanyahay inay ka tirsan yihiin Ururka Al-shabaab.

Saddexdan nin oo sida la sheegay kasoo tallaabay dhinaca Soomaaliya, waxaa lagu qabtay deegaanka Koromei iyagoo markii la qabanayey watey saddex qoryaha fudud ah iyo rasaas badan.

Taliyaha booliska Mandheera Nuux Mwivanda, ayaa sheegay in raggan weli ay boolisku baaritaan ku wadaan, isagoo intaas raaciyey in saddexda nin ay qorsheynayeen weerarro argagixiso oo ay gudaha dalka Kenya ka fuliyaan.

Nimankan oo watey gaari noociisu yahay 
Toyota Land Cruiser, haseyeeshee aan wax taariko ah lahayn, waxaa gacanta ku dhigay qaar kamid ah ciidamada Kenya ee xilliga habeenka ah roondada sameeya.

"Waxaa jira sababo badan oo aan ku rumeysan karno in raggan mileeshiyada ahi ay qorshe xun lahaayeen...aad bay u hubeysnaayeen wayna awoodeen inay magaaladeenna weerarro ka geystaan, laakiin -Ilaah mahadiis- ciidamadeena ma daaleyaasha ah ayaa qabtay kahor intaysan falalkooda xun xun geysan..." Nuux Mwivanda ayaa sidaa yiri.

Ammaanka magaalada Mandheera ayaa toddobaadyadii u dambeeyey ahaa mid aad u wanaagsan, haseyeeshee waxaa sanadkii hore ee 2013 ka dhacay weerarro badan oo qaarkood ay mas'uuliyaddooda sheegteen Ururka Al-shabaab.

Gudaha dalka Kenya waxaa ka dhacayey weerarro joogto ah iyo qaraxyo, wixii ka dambeeyey bishii Oktobar sanadkii 2011, markaas oo cutubyo ka tirsan militeriga Kenya ay Soomaaliya gudaha usoo galeen.

Weerarkii ugu weynaa uguna khasaarha badnaa ee ilaa iyo xilligaas Kenya ka dhaca ayaa ahaa kii lagu qaaday xaruntii ganacsiga ee Westgate Mall, weerarkaas oo qaatay muddo afar maalmood ah waxaa ku dhintay in ka badan 70 qof oo dad rayid ah u badnaa.

Xigasho: Xinhua

Maxamad Salaad Xaaji Dirir, Hiiraan Online
[email protected]
Puntland, Soomaaliya











Click here
2/9/2014 4:35 PM EST
Axad, Febraayo 09, 2014 (HOL) – Afhayeenka Madaxtooyada Soomaaliya Inj. C/raxmaan Cumar Cusmaan (Yariisow) ayaa sheegay in Madaxweynaha Soomaaliya Xasan Shiikh Maxamuud uu sababo caaafimaad u aaday dalka Turkiga.

2/9/2014 9:15 AM EST
Axad, Febraayo 09, 2014 (HOL) – Xiisad siyaasadeed ay ka abuurantay Golaha Wakiiladda, Somaliland, ka dib markii ay Ciidan faro badan ee uu hor-kacyo ku-xigeenka Ciidamada Booliska Somaliland Cabdiraxmaan Liibaan Axmed (Fooxle) ay soo galeen gudaha Golaha Wakiilada Somaliland.

2/9/2014 8:53 AM EST
Axad, Febaraayo 09, 2014 (HOL) — Madaxweynaha Soomaaliya Xasan Sheekh Maxamud ayaa amaanay doorka dowladda Burundi ay kaga jirto howlgalka Midowga Afrika ee AMISOM, isagoo sheegay inay yihiin walaalo dhab ah yihiin.

2/9/2014 8:41 AM EST
Axad, Febaraayo 09, 2014 (HOL) — Golaha wasiirrada xukuumadda Soomaaliya ayaa maanta yeeshay kulan aan caadi ahayn, waxaana kulanka shir-guddoominayay ra’iisul wasaaraha Soomaaliya, Cabdiwali Sheekh Axmed Maxamed.

2/9/2014 8:29 AM EST
Axad, Febaraayo 09, 2014 (HOL) — Ergayga Midowga Afrika ee arrimaha Soomaaliya, Danjire Maxamed Saalax Anaadiif ayaa sheegay in ciidammo isku dhaf ah la geynayo magaalada Kismaayo ee xarunta Jubbada Hoose, isagoo ka dhawaajiyay in xusay inaysan ciidamada Kenya ee qaybta ka ah AMISOM aysan ka baxayn magaalada Kismaayo.

2/9/2014 6:20 AM EST
Axad, Febaraayo 09, 2014 (HOL) —Wafdi ka socda dalka Japan ayaa maanta deeq qalab-xafiiseed u badan waxay ku wareejiyeen taliska ciidamada booliska Soomaaliyeed.

2/9/2014 4:42 AM EST
Axad, Febaraayo 09, 2014 (HOL) —Mas’uuliyiin ka tirsan xisbiga African National Congress (ANC) ee haya talada dalka Koonfur Afrika, ayaa magaalada Cape town waxay kulan kula qaateen jaaliyadda Soomaaliyeed ee dalkaas ku dhaqan.

2/9/2014 3:22 AM EST
Axad, Febaraayo 09, 2014 (HOL) — Saddex qof ayaa ku dhintay toddoba qof oo kalena way ku dhaawacmeen, shil gaari oo saqdii dhexe ee xalay ka dhacay meel u dhow degmada Buurtinle ee gobolka Nugaal.