3/28/2024
Today from Hiiraan Online:  _
Wararka Maanta- Sabti, Feb 8 , 2014
BELEDWEYNE: joojinta adeegga internetka oo aad loo hadal hayo
Sabti, Feberaayo, 08, 2014 (HOL) - Waxaa maalintii saddexaad hawada ka maqan  adeeggii Internet Mobile-ka iyo 3G oo labaduba ay bixin jirtay shirkadda Isgaarsiinta Hormuud, kadib markii ay sidaa amar ku bixiyeen xoogagga Al-shabaab oo wali gacanta ku haya deegaanno ka tirsan koonfurta iyo bartamaha dalka Soomaaliya.

Magaalada Beledweyne ee xarunta gobolka Hiiraan oo ka mid ah qeybaha dalka ee adeegan laga joojiyay ayey bulshada ku dhaqan su'aalo kala duwan iska weydiinayaan sida ay ugu suurtagashay xarrakada  Al-shabaab in ay ka mamnuucaan is-gaarsiinta deegaanno aan gacantooda ku jirin.

Dhalinyarrada oo ah kuwa ugu badan ee ku xirnaa isticmaalka adeega Internet Mobil-ka ayaa labadii cisho  ee la soo dhaafay hadal heyntooda ugu badan waxaa ay aheyd  xariyaaradan lagu soo rogay isticmaalkii Internet Mobil-ka oo ay kuwada xiriri jireen saaxiibo intooda badan ah ay iska  barteen khadka oo ku kala nool dalka gudihiisa iyo dibadiisa.

Laakiin marka laga soo  tago dhalinyarrada u adeegsan jirtay wada sheekeysiga oo kaliya, waxaa siweyn uga xumaaday joojinta adeegan internet-ka, ardeyda wax ka barata Dugsiyada iyo Jaamacada magaalada oo sheegay in ay ka heli jireen Internet-ka macluumaad dheeraad ah oo la xiriira waxbarashada ay ku jiraan.

Shirkada isgaarsiinta Hormuud ee magaalada Beledweyne ayaa maanta waxaa buux dhaafiyay dadweyne doonaya in ay lacagahooda kala baxaan adeega EVC Plus oo suuqa la soo galiyay in la joojinayo.

Hasse ahaatee ma jiro wax war ah ama digniin ah oo ka soo baxay dhinaca shirkada isgaarsiinta Hormuud oo la xiriira in la joojinayo adeega EVC + oo muhiim u ah bulshada Soomaalida, gaar ahaan marka ay timaado xawilaada lacagta oo si fudud dadka isugu gudbin karaan.

Mid ka mid ah waalidiinta Soomaaliyeed ee  ku nool magaalada Beledweyne oo HOL oo arrintan wax ka weydiisay iyo sida ay u arkaan ayaa sheegtay in ay soo dhaweynayaan, madaama sida ay hadalka u dhigtay isticmaalka Internet Mobil-ka iyo caruurtooda dhibaato weyn isku qabeen waqti badanna kaga lumi jiray.

Sikastaba ha ahaatee, waxaa hubaal ah in joojinta adeega Internet-ka saameyn xoog leh yeellatay dad ka kooban qeybaha bulshada oo siyaabo kala duwan ugu xirnaa.

C/raxmaan Diini, Hiiraan Online
[email protected]
Beledweyne, Soomaaliya.












Click here
2/8/2014 8:28 PM EST
Sabti, Febaraayo 08, 2014 (HOL) —Kulan loogu Baroordiiqaayay Allaha u naxriistee Ra'iisul Wasaarihii hore ee Soomaaliya Marxuum C/risaaq Xaaji Xuseen ayaa lagu qabtay Magaalada Den-Haag ee wadanka Netherlands, iyadoo kulankaan ay soo qaban qaabiyeen Xisbiga Hiil-Qaran oo uu Marxuumka kasoo noqday Guddoomiyihii ugu horreeyay ee Xisbigaasi markii ugu danbeeyayna ahaa Guddoomiye Sharafeedka Xisbiga Hiil-Qaran.

2/8/2014 10:30 AM EST
Sabti, Febaraayo 08, 2014 (HOL) —Qunsulka guud ee Somalia u fadhiya dalalka Australia & Newzealand Yonis Yassin Hashi ayaa tacsi qaran u diray shacabka somaliyeed meel kasta ay joogaan gaar ahaan soomalida kunool Australia iyo Newzealand.

2/8/2014 9:46 AM EST
Sabti, Febaraayo 08, 2014 (HOL) —Maxamed Nuur Maxed (Shabeel) oo ka mid ahaa goolhayaaashii ugu fiicnaa ee soo maray Xulka Qaranka Soomaaliya iyo Kooxdii Batroolka ayaa hadda nolol aad u liidata waxay ku haystaa Magaalada Muqdisho.

2/8/2014 7:40 AM EST
Sabti, Febaraayo 08, 2014 (HOL) — Ururka suxufiyiinta Somaliland ee SOLJA, ayaa cambaareeyey dhaawac budad u badan oo loo geystay wariye Cabdilaahi Xuseen Darwiish oo ka hawlgallka magaaladda Ceerigaabo e gobolka Sanaag oo la sheegay inay jidh dil ku sameeyeen koox aan la garanayn oo xafiiskiisa hortiisa ku soo weerartay.

2/8/2014 7:39 AM EST
Sabti, Febaraayo 08, 2014 (HOL) — Madaxweynaha Somaliland Md:Axmed Maxamuud Siilaanyo oo maanta dalka dib ugu soo laabtay ayaa ka warbixiyey safar shaqo oo uu dibadda kaga maqnaa.

2/8/2014 7:37 AM EST
Sabti, Febaraayo 08, 2014 (HOL) — Boqolaal askari oo dhawaan la sheegay inay ruqseeyeen taliska ciidamada xoogga dalka ayaa maanta dibadbax ka dhigay Muqdisho, iyadoo ka cabanayay tallaabadii looga eryay shaqooyinkii ciidanka.

2/8/2014 7:27 AM EST
Sabti, Febaraayo 08, 2014 (HOL) — Gudoomiyaha golaha Wakiiladda Somaliland ahna gudoomiyaha xisbiga WADANI Md:Cabdiraxmaan Maxamed Cabdilaahi (Cirro), ayaa xukuumadda uga digay inay faraha la gasho hawlaha golaha wakiiladda,isla markaana ku eekaadaan shaqooyinkiii loo igmaday.

2/8/2014 7:23 AM EST
Sabti, Febaraayo 08, 2014 (HOL) — Iska-horimaad xooggan ayaa ciidamada dowladda Soomaaliya, kuwa AMISOM iyo Al-Shabaab ayaa xalay ku dhexmaray xaafadda SOS ee degmada Huriwaa, iyadoo dagaalku uu dhacay kaddib markii xoogagga Al-shabaab ay weerareen saldhigyo ay ku sugnaayeen ciidamada dowladda iyo kuwa AMISOM.

2/8/2014 5:30 AM EST
Sabti, February 08, 2014(HOL) :- Kooxo baastoolado ku hubeeysan oo aan heybtooda la aqoon ayaa xalay gudaha magaalada Kismaayo ku toogtay askari ka tirsan ciidamada ammaanka maamulka Jubba.

2/8/2014 2:33 AM EST
Sabti, Febaraayo 08, 2014 (HOL) — Madaxweynaha dalka Kenya Uhuru Kenyatta ayaa sheegay in Kenya aysan marna oggolaan doonin in masjidyada iyo goobaha kale ee cibaadada loo adeegsado in dhallinyarada lagu marin habaabiyo.

2/8/2014 1:25 AM EST
Sabti, Febaraayo 08, 2014 (HOL) — Dowladda Maraykanka ayaa digniin usoo jeedisey muwaadiniinteeda ku sugan dalka Soomaaliya iyo weliba kuwa xilligan doonaya inay usoo safraan.