5/16/2021
Today from Hiiraan Online:  _
Wararka Maanta- Sabti, Feb 8 , 2014
Qunsulka Soomaaliya u fadhiya Australia iyo Newzealand oo tacsi u diray Shacabka Soomaaliyeed



Sabti, Febaraayo 08, 2014 (HOL) —Qunsulka guud ee Somalia u fadhiya dalalka Australia & Newzealand Yonis Yassin Hashi ayaa tacsi qaran u diray shacabka somaliyeed meel kasta ay joogaan gaar ahaan soomalida kunool Australia iyo Newzealand.

Alle hau naxariistee Cabdirisaq Xaaji Xuseen oo ahaa halyeey soo maray dalka somaliya isla markaana ka qeybqaatay xoriyadii dalka oo  31kii Janaayo sanadkan 2014 ku geeriyooday dalka mareykanka ayaa maalintii jimcaha aheyd 7da February lagu aasay  duleedka magaalada muqdisho isagoo weliba lagu ag aasay madaxweynihii koowaad ee umadda somaliyeed Aadan Cabdulle Cismaan oo isna geeriyooday sanadii 2007 .

Mr. Yoonis Haashi ayaa sidoo kale HOL u sheegay in qunsuliyadu ay soo booqdeen diblomaasiyiin saaxiibo la’ah Somalia iyagoo saxiixay buuga tacsida ee la dhigay qunsuliyada guud , "waxaan aad ugu mahadcelinayaan wadamada aynu saaxiibada nahay ee noo soo tacsiyeeyey " ayuu hadalkiisa ku daray  Yonis.

Qunsuliyadda Guud ee  Somaliya ay ku leedahay dalka Australia ayaa fadhigeeda uu yahay Magaalada Melbourne ee xarunta Gobolka Victoria waana halka ay tirade ugu badan ee somalidu ay kaga noolyihiin qaaradan Australia.

Dhanka kale Dalka Australia waxa uu kamid yahay dalalka Deeqaha waxbarasho siinjiray Somalia gaar ahaan tacliinta laxiriirta dhanka beeraha oo mutacalamiin badan  oo Somali ah  halkan jamacada uga baxeen iyagoo qaarkood dalka Somalia iminka ka shaqeeya, waxa sidoo kale jaaliyadda somalida Australia ay ka mid yihiin madaxda dowlada dhexe iyo dowlad goboleedyada  ka jira dalka

 Somalida kunool dalkan Australia ayaa lagu qiyaasaa iney kor u dhaafayaan 30,000 waxaana xusid mudan in madaxdii dalka soo maray xilligii burburka uusan midna soo booqan qaaradan Australia oo larumeysanyahay iney Somali badan ay ku nooshahay hase ahaatee waxa uu qunsulka ii sheegay inuu rajeynayo dowlada federaalka Somalia madaxdeeda ugu sarreyso iney soo booqan doonaan dalka Australia hadii alle idmo.





Ibrahim Omar Baafo, Hiiraan Online
Melbourne Australia
[email protected]












Click here
2/8/2014 8:28 PM EST
Sabti, Febaraayo 08, 2014 (HOL) —Kulan loogu Baroordiiqaayay Allaha u naxriistee Ra'iisul Wasaarihii hore ee Soomaaliya Marxuum C/risaaq Xaaji Xuseen ayaa lagu qabtay Magaalada Den-Haag ee wadanka Netherlands, iyadoo kulankaan ay soo qaban qaabiyeen Xisbiga Hiil-Qaran oo uu Marxuumka kasoo noqday Guddoomiyihii ugu horreeyay ee Xisbigaasi markii ugu danbeeyayna ahaa Guddoomiye Sharafeedka Xisbiga Hiil-Qaran.

2/8/2014 11:51 AM EST
Sabti, Feberaayo, 08, 2014 (HOL) - Waxaa maalintii saddexaad hawada ka maqan adeeggii Internet Mobile-ka iyo 3G oo labaduba ay bixin jirtay shirkadda Isgaarsiinta Hormuud, kadib markii ay sidaa amar ku bixiyeen xoogagga Al-shabaab oo wali gacanta ku haya deegaanno ka tirsan koonfurta iyo bartamaha dalka Soomaaliya.

2/8/2014 9:46 AM EST
Sabti, Febaraayo 08, 2014 (HOL) —Maxamed Nuur Maxed (Shabeel) oo ka mid ahaa goolhayaaashii ugu fiicnaa ee soo maray Xulka Qaranka Soomaaliya iyo Kooxdii Batroolka ayaa hadda nolol aad u liidata waxay ku haystaa Magaalada Muqdisho.

2/8/2014 7:40 AM EST
Sabti, Febaraayo 08, 2014 (HOL) — Ururka suxufiyiinta Somaliland ee SOLJA, ayaa cambaareeyey dhaawac budad u badan oo loo geystay wariye Cabdilaahi Xuseen Darwiish oo ka hawlgallka magaaladda Ceerigaabo e gobolka Sanaag oo la sheegay inay jidh dil ku sameeyeen koox aan la garanayn oo xafiiskiisa hortiisa ku soo weerartay.

2/8/2014 7:39 AM EST
Sabti, Febaraayo 08, 2014 (HOL) — Madaxweynaha Somaliland Md:Axmed Maxamuud Siilaanyo oo maanta dalka dib ugu soo laabtay ayaa ka warbixiyey safar shaqo oo uu dibadda kaga maqnaa.

2/8/2014 7:37 AM EST
Sabti, Febaraayo 08, 2014 (HOL) — Boqolaal askari oo dhawaan la sheegay inay ruqseeyeen taliska ciidamada xoogga dalka ayaa maanta dibadbax ka dhigay Muqdisho, iyadoo ka cabanayay tallaabadii looga eryay shaqooyinkii ciidanka.

2/8/2014 7:27 AM EST
Sabti, Febaraayo 08, 2014 (HOL) — Gudoomiyaha golaha Wakiiladda Somaliland ahna gudoomiyaha xisbiga WADANI Md:Cabdiraxmaan Maxamed Cabdilaahi (Cirro), ayaa xukuumadda uga digay inay faraha la gasho hawlaha golaha wakiiladda,isla markaana ku eekaadaan shaqooyinkiii loo igmaday.

2/8/2014 7:23 AM EST
Sabti, Febaraayo 08, 2014 (HOL) — Iska-horimaad xooggan ayaa ciidamada dowladda Soomaaliya, kuwa AMISOM iyo Al-Shabaab ayaa xalay ku dhexmaray xaafadda SOS ee degmada Huriwaa, iyadoo dagaalku uu dhacay kaddib markii xoogagga Al-shabaab ay weerareen saldhigyo ay ku sugnaayeen ciidamada dowladda iyo kuwa AMISOM.

2/8/2014 5:30 AM EST
Sabti, February 08, 2014(HOL) :- Kooxo baastoolado ku hubeeysan oo aan heybtooda la aqoon ayaa xalay gudaha magaalada Kismaayo ku toogtay askari ka tirsan ciidamada ammaanka maamulka Jubba.

2/8/2014 2:33 AM EST
Sabti, Febaraayo 08, 2014 (HOL) — Madaxweynaha dalka Kenya Uhuru Kenyatta ayaa sheegay in Kenya aysan marna oggolaan doonin in masjidyada iyo goobaha kale ee cibaadada loo adeegsado in dhallinyarada lagu marin habaabiyo.

2/8/2014 1:25 AM EST
Sabti, Febaraayo 08, 2014 (HOL) — Dowladda Maraykanka ayaa digniin usoo jeedisey muwaadiniinteeda ku sugan dalka Soomaaliya iyo weliba kuwa xilligan doonaya inay usoo safraan.