5/9/2021
Today from Hiiraan Online:  _
Wararka Maanta- Khamiis, Feb 6 , 2014
Maalinta dabar-goynta Fircooniga oo Muqdisho laga xusay(SAWIRRO)



Khamiis, Feberaayo 06, 2014 (HOL) —Waxaa xarunta  Somali Women Development Center (SWDC ) ee magaalada Muqdisho,  lagu qabtey munaabasad lagu xusayey maalinta ka hortagga gudniinka fircooniga ah oo ku beegan  6-da February , waxaana munaasabaddaas  ka soo qayb galay qaybaha ka duwan ee Bulshada sida : culimaa’uddiin , sharci-yaqaanno, dhaqaatir, dhallinyaro iyo haween.

Ugu horreyn waxaa goobta ka hadley Shiikh Muuse Caga-weyne oo ka mid ah culimada Soomaaliyeed, waxa uuna sheegey in gudniinku aanu meelna ka soo gelin Diinta Islaamka.

“Waa  dhibaato xoogan oo loo geystey Gabdhaha Soomaaliyeed oo halkaa kuwaayey mid ka mid ah tiirarka nolosha banii’aadamka, kuwii sameeyeyna waxay geleen xad-gudub aad u weyn , marka waxaa bulshada looga baahan yahay in ay baabi’iyaan caadadaas xun” Sheekha ayaa sidaas yiri.
HALKAN KA DAAWO SAWIRRO BADAN:

Sahro Axmed Maxamed oo dhinaca sharciga kala talisa Hay'adda SWDC oo ka hadashey munaasabadda lagu xusayey Maalinta Gudniinka Fircooniga  ah ayaa waxay sheegtay,  in halku-dhigga sanadkaan uu yahay “IN LA WAAYO GUDNIINKA FIRCOONIGA”.

Sahro ayaa intaas raacisay in gudniinka fircooniga ah looga  hortagi karo iyadoo qaybaha kala duwan ee bulshadu ay si wadajir ah isaga kaashaadaan sidii loo joojin lahaa. Ragga dhallinyarada ah ayey ku boorrisay inay arrintaas qayb libaax ka qaataan.

Dhammaan dadkii kulankaas ka qayb galay ayaa ku dheeraaday dhibaatada uu gudniinka fircoonigu leeyahay iyo sida ay lagama maarmaan u tahay in looga takhaluso, maadaama uu yahay dhaqan xaaraan ah oo dhibaato weyn ku reeba gabdhaha Soomaaliyeed.

Maxaemed X. Xuseen, Hiiraan Online
[email protected]
Muqdisho, Soomaaliya











Click here
2/6/2014 2:26 PM EST
Khamiis, Feberaayo 06, 2014 (HOL) —Degmada Wadajir ee gobolka Banaadir, waxaa caawa lagu diley nin sheekh ah oo kamid ahaa culimaa’uddiinka magaalada Muqdisho caanka ka ah.

2/6/2014 9:32 AM EST
Khamiis, Feberaayo 06, 2014 (HOL) — Shirkadda Isgaarsiinta Hormuud ayaa ka jartay maanta Muqdihso adeeggii Internet-ka taleefoonka, kaddib go’aan horay uga soo baxay Al-shabaab, kaasoo ahaa in la joojiyo adeeggan.

2/6/2014 9:29 AM EST
Khamiis, Feberaayo 06, 2014 (HOL) — Kulan ballaaran oo ay ka soo qeyb galeen waxgaradka iyo odayaasha dhaqanka Soomaaliyeed ayaa maanta lagu qabtay magaalada Muqdisho, waxaana kulankaasi looga hadlay qodobo dhowr ah oo ku saabsan qaabka ay iskula shaqeyn karaan odayaasha dhaqanka iyo Dowladda Federaalka.

2/6/2014 8:52 AM EST
Khamiis, Feberaayo 06, 2014 (HOL) —Ra’iisul Wasaaraha Xukuumadda Federaalka ee Soomaaliya Cabdiwali Shiikh Axmed Maxamed ayaa maanta magaalada Muqdisho ku soo dhoweeyey Madaxweynaha Dawlad Goboleedka Puntland Cabdiwali Maxamed Cali ( Gaas) iyo wafdi ballaaran oo uu hoggaaminayey...

2/6/2014 6:39 AM EST
Khamiis, Feberaayo, 06, 2014 (HOL) - Dagaal leysku adeegsaday hubka noocyadiisa kala duwan ayaa xalay ku dhaxmaray galbeedka magaalada Beledweyne ciidamada maamulka gobolka Hiiraan oo gacan militariga ka hellaya kuwa AMISOM iyo xoogaga xarrakada Al-shabaab.

2/6/2014 6:37 AM EST
Khamiis, Feberaayo 06, 2014 (HOL) --Xiriirka Kubadda Kolayga Soomaaliyeed ayaa dib u soo celiyay wada shaqayntii kala dhaxeysay dhiggiisa dalka Masar ,kaddib kulamo miro-dhal ah oo labada dhinac ku dhex maray magaalada Qaahira.

2/6/2014 4:26 AM EST
Khamiis, Feberaayo 06, 2014 (HOL) — Wasiirka amniga qaranka ee dowladda federaalka Soomaaliya C/kariin Xuseen Guuleed, ayaa kulan la qaatay xubno ka socdey rugta ganacsiga iyo wershedaha ee Soomaaliya iyo qaar kamid ah ganacsatada magaalada Muqdisho.

2/6/2014 1:29 AM EST
Khamiis, Feberaayo 06, 2014 (HOL) —Guddiga heerka qaran ee loo saaray qaban qaabada aaska ra'iisul wasaarihii hore ee Soomaaliya -AHN- C/risaaq Xaaji Xuseen, ayaa kulan ay magaalada Muqdisho ku yeesheen, waxay ku go'aamiyeen waqtiga iyo goobta uu aaska marxuumku ka dhici doono.