5/9/2021
Today from Hiiraan Online:  _
Wararka Maanta- Khamiis, Feb 6 , 2014
WASIIR GUULEED " waa muhiim in amniga laga wada shaqeeyo"



Khamiis, Feberaayo 06, 2014 (HOL) — Wasiirka amniga qaranka ee dowladda federaalka Soomaaliya C/kariin Xuseen Guuleed, ayaa kulan la qaatay xubno ka socdey rugta ganacsiga iyo wershedaha ee Soomaaliya iyo qaar kamid ah ganacsatada magaalada Muqdisho.

Wasiir Guuleed oo markii uu kulankaasi soo gaba gaboobay warbaahinta la hadlay, ayaa wuxuu sharraxaad ka bixiyey shirka uu ganacsatada la qaatay iyo weliba arrimihii ugu muhiimsanaa ee looga wada hadlay.

Ujeedada ugu weyn ee kulanka ayuu sheegay inay ahayd sidii ay ganacsatada Soomaaliyeed gacan uga geysan lahaayeen sugidda ammaanka dalka, gaar ahaan magaalada caasimadda ah ee Muqdisho.

Wasiirka amniga qaranka Soomaaliya C/kariim Xuseen Guuleed oo hadalkiisa sii wata ayaa sheegay, in ganacsatada ay isku afgarteen dhammaan arrimihii ay ka wada hadleen, isagoo xusay inay jiri doonaan kulammo caynkan oo kale ah oo ay dowladda iyo ganacsatadu si joogto ah u yeelan doonaan.

Qaar kamid ah ganacsatada oo iyaguna shirka kaddib saxaafadda si kooban ula hadlay, ayaa sheegay inay muhiim tahay in ammaanka laga wada shaqeeyo, maadaama haddii nabad la waayo aan si hagaagsan loo ganacsan karin.

Kulankan ayaa imaanaya xilli todobaadyadii u dambeeyey laga dayrinayey ammaanka magaalada Muqdisho. Dhacdadii ugu dambeysey ayaa ahayd saddex habeen kahor, markaas oo la duqeeyey degmooyin magaalada Muqdisho ka tirsan

Duqeynta oo aan khasaare badan geysan, waxaa mas'uuliyaddeeda sheegtay Ururka Al-shabaab oo dagaal kula jira ciidamada dowladda Soomaaliya iyo kuwa howlgalka nabad-ilaalinta Soomaaliya u jooga ee AMISOM.

Maxamed Salaad Xaaii Dirir, Hiiraan Online
[email protected]
Puntland, Soomaaliya












Click here
2/6/2014 2:26 PM EST
Khamiis, Feberaayo 06, 2014 (HOL) —Degmada Wadajir ee gobolka Banaadir, waxaa caawa lagu diley nin sheekh ah oo kamid ahaa culimaa’uddiinka magaalada Muqdisho caanka ka ah.

2/6/2014 11:14 AM EST
Khamiis, Feberaayo 06, 2014 (HOL) —Waxaa xarunta Somali Women Development Center (SWDC ) ee magaalada Muqdisho, lagu qabtey munaabasad lagu xusayey maalinta ka hortagga gudniinka fircooniga ah oo ku beegan 6-da February , waxaana munaasabaddaas ka soo qayb galay qaybaha ka duwan ee Bulshada sida : culimaa’uddiin , sharci-yaqaanno, dhaqaatir, dhallinyaro iyo haween.

2/6/2014 9:32 AM EST
Khamiis, Feberaayo 06, 2014 (HOL) — Shirkadda Isgaarsiinta Hormuud ayaa ka jartay maanta Muqdihso adeeggii Internet-ka taleefoonka, kaddib go’aan horay uga soo baxay Al-shabaab, kaasoo ahaa in la joojiyo adeeggan.

2/6/2014 9:29 AM EST
Khamiis, Feberaayo 06, 2014 (HOL) — Kulan ballaaran oo ay ka soo qeyb galeen waxgaradka iyo odayaasha dhaqanka Soomaaliyeed ayaa maanta lagu qabtay magaalada Muqdisho, waxaana kulankaasi looga hadlay qodobo dhowr ah oo ku saabsan qaabka ay iskula shaqeyn karaan odayaasha dhaqanka iyo Dowladda Federaalka.

2/6/2014 8:52 AM EST
Khamiis, Feberaayo 06, 2014 (HOL) —Ra’iisul Wasaaraha Xukuumadda Federaalka ee Soomaaliya Cabdiwali Shiikh Axmed Maxamed ayaa maanta magaalada Muqdisho ku soo dhoweeyey Madaxweynaha Dawlad Goboleedka Puntland Cabdiwali Maxamed Cali ( Gaas) iyo wafdi ballaaran oo uu hoggaaminayey...

2/6/2014 6:39 AM EST
Khamiis, Feberaayo, 06, 2014 (HOL) - Dagaal leysku adeegsaday hubka noocyadiisa kala duwan ayaa xalay ku dhaxmaray galbeedka magaalada Beledweyne ciidamada maamulka gobolka Hiiraan oo gacan militariga ka hellaya kuwa AMISOM iyo xoogaga xarrakada Al-shabaab.

2/6/2014 6:37 AM EST
Khamiis, Feberaayo 06, 2014 (HOL) --Xiriirka Kubadda Kolayga Soomaaliyeed ayaa dib u soo celiyay wada shaqayntii kala dhaxeysay dhiggiisa dalka Masar ,kaddib kulamo miro-dhal ah oo labada dhinac ku dhex maray magaalada Qaahira.

2/6/2014 1:29 AM EST
Khamiis, Feberaayo 06, 2014 (HOL) —Guddiga heerka qaran ee loo saaray qaban qaabada aaska ra'iisul wasaarihii hore ee Soomaaliya -AHN- C/risaaq Xaaji Xuseen, ayaa kulan ay magaalada Muqdisho ku yeesheen, waxay ku go'aamiyeen waqtiga iyo goobta uu aaska marxuumku ka dhici doono.