5/9/2021
Today from Hiiraan Online:  _
Wararka Maanta- Khamiis, Feb 6 , 2014
Waqtiga la aasayo ra'iisul wasaarihii hore ee dalka oo la shaaciyey



Khamiis, Feberaayo 06, 2014 (HOL) —Guddiga heerka qaran ee loo saaray qaban qaabada aaska ra'iisul wasaarihii hore ee Soomaaliya -AHN- C/risaaq Xaaji Xuseen, ayaa kulan ay magaalada Muqdisho ku yeesheen, waxay ku go'aamiyeen waqtiga iyo goobta uu aaska marxuumku ka dhici doono.

Wasiirka  awqaafta iyo arrimaha diinta ee Dowladda Federaalka Soomaaliya,  Ridwaan Xirsi Maxamed oo xubin ka ah guddiga qaban qaabada aaska, ayaa sheegay in meydka marxuumka berri o oJimce ah magaalada Muqdisho la keeni doono.

Isla berri oo Jimce ah ayuu sheegay in lagu aasi doono magaalada Muqdisho ee xarunta dalka Soomaaliya. Jinaasada C/risaaq Xaaji Xuseen, waxaa kasoo qayb gelaya -sida uu wasiirku sheegay- wufuud tira badan oo dalka iyo dibaddiisa ka kala imaan doona.

“ waqtiga marxuumka la aasi doono waa maalinta Jimcaha, waxaana lagu aasi doonaa magaalada Muqdisho...aaska  waxaa kasoo qayb geli doona wufuud tira badan oo ka kala socota dalka iyo dibadda...” wasiirka ayaa sidaas yiri.

Wufuudda badankooda ayaa ka imaan doona dalalka Jabuuti, Kenya, Uganda, Itoobiya Midowga Yurub iyo Maraykanka. Sidoo kale waxaa aaska kasoo qayb geli doona madaxda maamul goboleedyada dalka  sida: Puntland, Jubba iyo Gal-mudug.

Dhanka kale, wafdi ballaaran oo uu horkacayo Madaxweynaha Puntland C/weli Maxamed Cali Gaas, ayaa maanta ka duulaya magaalada Garoowe, iyaga oo ku wajahan caasimadda dalka ee Muqdisho, halkaas oo ay munaasabadda aaska kaga qayb geli doonaan

C/risaaq Xaaji Xuseen oo ahaa ra’iisul wasaarihii labaad ee dalka Soomaliya uu yeesho kaddib markii uu xornimada qaatay 1960-kii, wuxuu lix maalmood kahor ku geeriyooday magaalada Minneapolis ee dalka Maraykanka.

Maxamed Salaad Xaaji Dirir, Hiiraan Online
[email protected]
Puntland, Soomaaliya











Click here
2/6/2014 2:26 PM EST
Khamiis, Feberaayo 06, 2014 (HOL) —Degmada Wadajir ee gobolka Banaadir, waxaa caawa lagu diley nin sheekh ah oo kamid ahaa culimaa’uddiinka magaalada Muqdisho caanka ka ah.

2/6/2014 11:14 AM EST
Khamiis, Feberaayo 06, 2014 (HOL) —Waxaa xarunta Somali Women Development Center (SWDC ) ee magaalada Muqdisho, lagu qabtey munaabasad lagu xusayey maalinta ka hortagga gudniinka fircooniga ah oo ku beegan 6-da February , waxaana munaasabaddaas ka soo qayb galay qaybaha ka duwan ee Bulshada sida : culimaa’uddiin , sharci-yaqaanno, dhaqaatir, dhallinyaro iyo haween.

2/6/2014 9:32 AM EST
Khamiis, Feberaayo 06, 2014 (HOL) — Shirkadda Isgaarsiinta Hormuud ayaa ka jartay maanta Muqdihso adeeggii Internet-ka taleefoonka, kaddib go’aan horay uga soo baxay Al-shabaab, kaasoo ahaa in la joojiyo adeeggan.

2/6/2014 9:29 AM EST
Khamiis, Feberaayo 06, 2014 (HOL) — Kulan ballaaran oo ay ka soo qeyb galeen waxgaradka iyo odayaasha dhaqanka Soomaaliyeed ayaa maanta lagu qabtay magaalada Muqdisho, waxaana kulankaasi looga hadlay qodobo dhowr ah oo ku saabsan qaabka ay iskula shaqeyn karaan odayaasha dhaqanka iyo Dowladda Federaalka.

2/6/2014 8:52 AM EST
Khamiis, Feberaayo 06, 2014 (HOL) —Ra’iisul Wasaaraha Xukuumadda Federaalka ee Soomaaliya Cabdiwali Shiikh Axmed Maxamed ayaa maanta magaalada Muqdisho ku soo dhoweeyey Madaxweynaha Dawlad Goboleedka Puntland Cabdiwali Maxamed Cali ( Gaas) iyo wafdi ballaaran oo uu hoggaaminayey...

2/6/2014 6:39 AM EST
Khamiis, Feberaayo, 06, 2014 (HOL) - Dagaal leysku adeegsaday hubka noocyadiisa kala duwan ayaa xalay ku dhaxmaray galbeedka magaalada Beledweyne ciidamada maamulka gobolka Hiiraan oo gacan militariga ka hellaya kuwa AMISOM iyo xoogaga xarrakada Al-shabaab.

2/6/2014 6:37 AM EST
Khamiis, Feberaayo 06, 2014 (HOL) --Xiriirka Kubadda Kolayga Soomaaliyeed ayaa dib u soo celiyay wada shaqayntii kala dhaxeysay dhiggiisa dalka Masar ,kaddib kulamo miro-dhal ah oo labada dhinac ku dhex maray magaalada Qaahira.

2/6/2014 4:26 AM EST
Khamiis, Feberaayo 06, 2014 (HOL) — Wasiirka amniga qaranka ee dowladda federaalka Soomaaliya C/kariin Xuseen Guuleed, ayaa kulan la qaatay xubno ka socdey rugta ganacsiga iyo wershedaha ee Soomaaliya iyo qaar kamid ah ganacsatada magaalada Muqdisho.