5/18/2021
Today from Hiiraan Online:  _
Wararka Maanta- Talaado, Feb 11, 2014
Maxkamadda Gobolka Banaadir oo Xukunno ku ridday Eedeysanayaal


Talaado, Federaayo, 11, 2014 (HOL) – Maxkamadda gobolka Banaadir ayaa maanta xukunno kala duwan ku ridday eedeysanayaal la horkeenay, kuwaasoo ku kala eedeysanaa dilal kala duwan iyo kufsi, waxaana dib loo celiyay dacwooyin eedeysanayaal kale.

Maxkamadda ayaa la horkeenay 15 eedeysane oo gabi ahaantood rag ahaa, waxaana saddex ka mid ah lagu helay dilal ay geysteen, kuwaasoo laba ka mid ah lagu xukumay dil toogasho, halka midka kalena lagu xukumay inuu bixiyo diyo.

Eedeysanayaasha lagu xukumay dilka toogasho ayaa waxay kala yihiin: Cabdi Cabdulle Xasan oo 30-jir ah iyo Maxamed Axmed Dalmar oo 35-jir kuwaasoo ay maxkamaddu sheegtay in lagu helay dilal bareer ah oo ay geysteen. Sidoo kalena, Maxamed Joodax Cali oo 55-jir ah laguna helay inuu si aan kas ahayn u dilay Xaawo Maxamed Daahir lagu xukumay inuu bixiyo diyo.

Guddoomiyaha maxkamadda gobolka Banaadir, Xaashi Cilmi Nuur ayaa ku dhawaaqay natiijada, isagoo xusay in eedeysane Axmed Maxamuud Abiib oo 30-jir ah lagu xukumay xabsi laba sano ah, kaddib markii uu isku dayay inuu kufsado gabar 12-jir ah oo lagu magacaabo, Deeqo Maxamed Aadan.

Sidoo kale, guddoomiyaha ayaa sheegay in eedeysanayaasha kale dib loo dhigay dacwooyinkooda, kaddib markii markhaati cad lagu waayay. Waxaana goobta uu xukunku ka dhacayay ku suganaa dacwoodayaasha iyo sidoo kale ehellada dadka eedeysan.

Ma ahan markii ugu horreysay oo maxkamadda gobolka Banaadir ay xukunno ku riddo eedeysanayaal lagu soo eedeeyay kufsi iyo dilal ay geysteen, waxaana bishii hore ay sidan oo kale maxkamaddu xukunno ugu ridday dhowr eedeysane.

Maxamed X. Xuseen, Hiiraan Online
[email protected]
Muqdisho, Soomaaliya












Click here
2/11/2014 10:23 AM EST
Talaado, Federaayo, 11, 2014 (HOL) -Maxkamadda ciidamada qalabka sida ee Puntland -laanteeda gobollada Bari, Sanaag, Karkaar iyo Gardafuuy- ayaa maanta xukunno kala duwan ku riddey 3 nin oo lagu soo eedeeyey inay ka tirsan yihiin Ururka Al-shabaab.

2/11/2014 6:56 AM EST
Talaado, Federaayo, 11, 2014 (HOL) – Kulan ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 6:54 AM EST
Talaado, Federaayo, 11, 2014 (HOL) – Shir ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 4:09 AM EST
Talaado, Febraayo 11, 2014 (HOL) — Dood-cilmiyeedka loo yaqaano FAGAARAHA oo horay taxane uga ahayd magaalada Minnesota ee waddanka Maraykanka ayaa markii ugu horraysay ka dhacday magaalada Muqdisho; iyadoo ay ka qaybgaleen wasiirro ka tirsan xukuumada Soomaaliya, xildhibaano, siyaasiyiin iyo aqoonyahanno.

2/11/2014 3:49 AM EST
Talaado, Febraayo 11, 2014 (HOL) — War murtiyeed ay si wadajir ah u soo saareen wasiirka arrimaha dibadda Soomaaliya, Dr. C/raxmaan Ducaale Bulxan iyo dhiggiisa dalka Burundi, Laurent Kavakure ayaa lagu faahfaahiyay isfaham labada dowladood dhexmaray kaddib booqasho seddex cisho ah oo uu Muqdisho ku joogay wafdiga ka socda dowladda Burundi oo garoonka Muqdisho uu kusii sagootiyay gelinkii hore ee shalay wasiir-u-dowlaha wasaaradda, Burci Maxamed Xamza.

2/11/2014 3:29 AM EST
Talaado, Febraayo 11, 2014 (HOL) — Ra'iisul wasaaraha Soomaaliya, Cabdiweli Sheekh Axmed Maxamed ayaa ka qaybgalay munaasabad ballaaran oo looga hadlayay horumarinta kalluumeysiga iyo kheyraadka badda.

2/11/2014 3:20 AM EST
Talaado, Febraayo 11, 2014 (HOL) — Ciidamada Itoobiya ee qaybta ka ah howgalka Midowga Afirka ee AMISOM ayaa dhaqdhaqaaqyo ciidan ka billaabay gobolka Gedo oo ka mid ah gobollada lagu wareejiyay inay sugaan ammaankooda.

2/11/2014 3:19 AM EST
Talaado, Federaayo, 11, 2014 (HOL) - Kaddib markii uu soo baxay maalintii shalay warka ku saabsan qarax ka dhacay degmada Buula-burte ee gobolka Hiiraan, kaas oo ka dhashay gaari lagu dul diyaarinayay walxaha qarxa, ayaa saraakiisha ammaanka ee maamulka gobolka Hiiraan waxay sheegeen inay ka feejigan yihiin weerarro is qarxin ah oo ay damacsan yihiin Al-shabaab.

2/11/2014 3:10 AM EST
Talaado, Febraayo 11, 2014 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qayb-galay kulan looga hadlayay ammaanka oo ka dhacay degmada Howlwadaag ayaa sheegay in loo baahan yahay inay iskaashadaan dadweynaha iyo maamulka.

2/11/2014 2:57 AM EST
Talaado, Febraayo 11, 2014 (HOL) — Dowlada jarmalka ayaa u diyaar-garoobaysa sidii ay ugu biiri lahaayeen howl-galka Midowga Yurub ee Soomaaliya ,waxaana lagu wadaa in tiro ka tirsan ciidamada difaaca jarmalka ay ka qayb-qaataan tababarrada Midowga Yurub uu siiyo ciidamada dowladda Soomaaliya.