5/10/2021
Today from Hiiraan Online:  _
Wararka Maanta- Talaado, Feb 11, 2014
Ciidanka Itoobiya oo Dhaqdhaqaaqyo ka Billaabay Koonfurta Somalia


Talaado, Febraayo 11, 2014 (HOL) — Ciidamada Itoobiya ee qaybta ka ah howgalka Midowga Afirka ee AMISOM ayaa dhaqdhaqaaqyo ciidan ka billaabay gobolka Gedo oo ka mid ah gobollada lagu wareejiyay inay sugaan ammaankooda.

Wararka ka imaanaya Gobolka Gedo ayaa sheegaya in ciidammo fara badan oo Itoobiyaan ah ay kasoo tallaabeen soohdinta ay wadaagaan Soomaaliya iyo Itoobiya, kuwaasoo qaarkood ay u soo tallaabeen dhinaca degmada Baydhabo oo ay xarun weyn ku leeyihiin.

Sidoo kale, ciidamadan ayaa qaarkood waxay gaareen degmooyinka Luuq iyo Garbahaarey oo ah xarunta gobolka Gedo, iyadoo saraakiil ka tirsan dowladda ay xaqiijiyeen inay iska kaashanayaan howlgal ku wajahan degmooyinka Baardheere iyo Buurdhuubo oo ka tirsan gobolka Gedo ayna gacanta ku hayso Al-shabaab.

Tallaabadan ayaa kusoo beegmaysa xilli dhawaan ay Al-shabaab ku dhawaaqday in laga hortago dagaallada looga horjeedo ciidamada Itoobiya ku biiray AMISOM, waxaana saraakiisha kooxdan ay tallaabooyinka ay qaadeen ciidamada Itoobiya ku tilmaameen kuwo lagu doonayo in Soomaaliya lagu kala jar-jaro.

Inkastoo wararka laga helayo gobolka Gedo ay sheegayaan in ciidamada Itoobiya ay isku ballaarinayaan gobolka ayaanay jirin haddana warar kasoo baxay Al-shabaab oo ku saabsan dhaqdhaqaaqyada ciidan ee ay billaabeen ciidamada Itoobiya.

Dhanka kale, ciidamada Itoobiya ayaa iyaguna dhaqdhaqaaq ka billaabay gobollada Bay, Bakool oo ay qaybo ka mid ah gacanta ku hayso Al-shabaab. Iyadoo dhawaan uu taliska AMISOM sheegay inay howgallo ka billaabayaan guud ahaan Soomaaliya si ay Al-shabaab uga saaraan deegannada ay gacanta ku hayso.

Taliska AMISOM ayaa sheegay in dhowaan howl galo ballaaran ka dhici doonaan gobolada dalka, kadib markii la kordhiyay tirada ciidamada, isla markaana la kordhiyay qeybaha ciidamada AMISOM ka howl galayaan oo qorshuhu yahay in sanadkan Al-Shabaab laga saaro deegaanada ay kaga sugan yihiin gobolada dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
2/11/2014 10:23 AM EST
Talaado, Federaayo, 11, 2014 (HOL) -Maxkamadda ciidamada qalabka sida ee Puntland -laanteeda gobollada Bari, Sanaag, Karkaar iyo Gardafuuy- ayaa maanta xukunno kala duwan ku riddey 3 nin oo lagu soo eedeeyey inay ka tirsan yihiin Ururka Al-shabaab.

2/11/2014 7:43 AM EST
Talaado, Federaayo, 11, 2014 (HOL) – Maxkamadda gobolka Banaadir ayaa maanta xukunno kala duwan ku ridday eedeysanayaal la horkeenay, kuwaasoo ku kala eedeysanaa dilal kala duwan iyo kufsi, waxaana dib loo celiyay dacwooyin eedeysanayaal kale.

2/11/2014 6:56 AM EST
Talaado, Federaayo, 11, 2014 (HOL) – Kulan ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 6:54 AM EST
Talaado, Federaayo, 11, 2014 (HOL) – Shir ay ka soo qayb-galeen madax kala duwan oo Afrikaan ah iyo hay'adaha Qaramada Midoobay loogana hadlayay arimaha Qaxootiga Soomaaliya ayaa lagu qabtay magaalada Nairobi ee dalka Kenya,kaasi oo arimo badan lagu lafa-guray.

2/11/2014 4:09 AM EST
Talaado, Febraayo 11, 2014 (HOL) — Dood-cilmiyeedka loo yaqaano FAGAARAHA oo horay taxane uga ahayd magaalada Minnesota ee waddanka Maraykanka ayaa markii ugu horraysay ka dhacday magaalada Muqdisho; iyadoo ay ka qaybgaleen wasiirro ka tirsan xukuumada Soomaaliya, xildhibaano, siyaasiyiin iyo aqoonyahanno.

2/11/2014 3:49 AM EST
Talaado, Febraayo 11, 2014 (HOL) — War murtiyeed ay si wadajir ah u soo saareen wasiirka arrimaha dibadda Soomaaliya, Dr. C/raxmaan Ducaale Bulxan iyo dhiggiisa dalka Burundi, Laurent Kavakure ayaa lagu faahfaahiyay isfaham labada dowladood dhexmaray kaddib booqasho seddex cisho ah oo uu Muqdisho ku joogay wafdiga ka socda dowladda Burundi oo garoonka Muqdisho uu kusii sagootiyay gelinkii hore ee shalay wasiir-u-dowlaha wasaaradda, Burci Maxamed Xamza.

2/11/2014 3:29 AM EST
Talaado, Febraayo 11, 2014 (HOL) — Ra'iisul wasaaraha Soomaaliya, Cabdiweli Sheekh Axmed Maxamed ayaa ka qaybgalay munaasabad ballaaran oo looga hadlayay horumarinta kalluumeysiga iyo kheyraadka badda.

2/11/2014 3:19 AM EST
Talaado, Federaayo, 11, 2014 (HOL) - Kaddib markii uu soo baxay maalintii shalay warka ku saabsan qarax ka dhacay degmada Buula-burte ee gobolka Hiiraan, kaas oo ka dhashay gaari lagu dul diyaarinayay walxaha qarxa, ayaa saraakiisha ammaanka ee maamulka gobolka Hiiraan waxay sheegeen inay ka feejigan yihiin weerarro is qarxin ah oo ay damacsan yihiin Al-shabaab.

2/11/2014 3:10 AM EST
Talaado, Febraayo 11, 2014 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo ka qayb-galay kulan looga hadlayay ammaanka oo ka dhacay degmada Howlwadaag ayaa sheegay in loo baahan yahay inay iskaashadaan dadweynaha iyo maamulka.

2/11/2014 2:57 AM EST
Talaado, Febraayo 11, 2014 (HOL) — Dowlada jarmalka ayaa u diyaar-garoobaysa sidii ay ugu biiri lahaayeen howl-galka Midowga Yurub ee Soomaaliya ,waxaana lagu wadaa in tiro ka tirsan ciidamada difaaca jarmalka ay ka qayb-qaataan tababarrada Midowga Yurub uu siiyo ciidamada dowladda Soomaaliya.