5/18/2021
Today from Hiiraan Online:  _
Wararka Maanta- Isniin, Feb 10, 2014
KISMAAYO: Siyaasiyiin kasoo Horjeeday Axmed Madoobe oo Kismaayo Gaaray (SAWIRRO)



Isniin, Febraayo 10, 2014 (HOL) –Wafdi uu hogaaminayo Madaxweeynaha maamulka Jubba Sheekh Axmed Max'ed Islaam (Axmed Madoobe) iyo qaar kamid ah siyaasiyiintii kasoo horjeeday maamulkiisa islamarkaana mudooyinkii u danbeeyay ku sugnaa magaalada Muqdisho ayaa maanta si diiran loogu soo dhaweeyay garoonka diyaaradaha magaalada Kismaayo.

Siyaasiyiinta maanta Kismaayo soo gaartay waxaa kamid ah Iftiin Xasan Baasto iyo Cabdi Baaleey Xuseen, oo kamid ahaa dhinacyadii magaalada Kismaayo kula dagaalamay maamulka Jubba.

Wafdigan ayaa markii uu kasoo dagay garoonka diyaaradaha magaalada Kismaayo waxaa halkaasi si diiran ugu soo dhaweeyay Madaxweeyne kuxigeenka 1-aad ee maamulka Jubba Jen. C/laahi Sheekh Ismaaciil Fartaag, Xubno ka tirsan golaha wasiirada maamulka Jubba, waxgarad iyo siyaasiyiin kale.

Intaa kadib ayay shir jaraa'id si wadajir ah ugu qabteen hoolka nasashada garoonka Kismaayo Madaxweeynaha maamulka Jubba iyo xubnihii wehlinayayay, waxaana ugu horeeyay goobta ka hadlay madaxweeyne kuxigeenka 1-aad ee maamulka Jubba Jen. Fartaag, kaasoo wafdiga kusoo dhaweeyay magaalada Kismaayo.
HALKAN KA DAAWO SAWIRRO BADAN:-

Madaxweeynaha maamulka Jubba Sheekh Axmed Max'ed Islaam (Axmed Madoobe) oo isna madasha ka hadlay ayaa sheegay in ay kasoo qeybgaleen aaskii AUN Ra'isul wasaarihii hore ee dalka C/risaaq Xaaji Xuseen, wuxuuna xusay in safarkoodii uu ahaa mid ay waxyaalo badan kasoo faa'iideen.

Masuulkan ayaa xusay in ay hore usoo raaceen siyaasiyiinta kala ah Iftiin Xasan Baasto iyo Cabdi Baaleey Xuseen oo uu sheegay in ay hore u wada gaareen heshiis balse ay maanta suurogashay in ay dib ugu soo laabtaan gobolka.

Intaa kadib ayaa waxa isna goobta ka hadlay Cabdi Baaleey Xuseen, kaasoo sheegay in magaalada Kismaayo ay u yimaadeen sidii ay uga qeybqaadan lahaayeen nabadda iyo dhismaha maamulka Jubba, wuxuuna kula dardaarmay siyaasiyiinta kasoo jeeda Jubooyinka in ay ka shaqeeyaan nabadda iyo sidii ay xallin lahaayeen waxyaalaha dhexdooda ah.

Xubnahan maanta soo gaaray magaalada Kismaayo ayaa kamid ahaa siyaasiyiintii magaalada Muqdisho heshiiska kula sixiixday maamulka Jubba.

Hasan Nuur, Hiiraan Online
[email protected]
Kismaayo, Soomaaliya











Click here
2/10/2014 9:18 AM EST
Isniin, Febaraayo 10, 2014 (HOL) - Faahfaahin dheeraad ah ayaa ka soo baxaya qaraxa Muqdisho lagula eegtay maanta mas'uul sare oo ka tirsan maamulka gobolka Shabeellada Hoose, kaasoo aanay jirin illaa hadda sheegatay mas'uuliyaddiisa.

2/10/2014 8:36 AM EST
Isniin, Febaraayo 10, 2014 (HOL) — Madaxweynaha Puntland, C/wali Maxamed Cali Gaas ayaa maanta shir-guddoomiyey kulankii ugu horreeyay ee ay yeeshan golaha wasiirrada cusub ee Puntland, waxaana looga hadlay arrimo badan.

2/10/2014 8:27 AM EST
Isniin, Febaraayo 10, 2014 (HOL) — Khilaafkii siyaasadeed ee golaha wakiiladda Somaliland ka taagnaa ayaa waxa maanta dajiyey xubno ka tirsan golaha Guurtidda iyo Akadamiga nabadda Somaliland, kuwaas oo muddo todobaad ah ka codsaday golaha inay fasax galaan ka dibna dib la iskugu soo noqdo

2/10/2014 7:33 AM EST
Isniin, Febraayo 10, 2014 (HOL) – Ciidammo ka tirsanaa jabhadda ONLF ayaa la sheegay inay isku soo dhiibeen Taliska amniga dowlad deegaanka Soomaalida Itoobiya, iyadoo ciidamadan lagu qanciyay inay nabadda qaataan si looga gudbo caqabadaha hortaagan is-fahan dhamaystiran oo ay gaaraan dhinacyada dowladda iyo mucaaradka.

2/10/2014 7:27 AM EST
Isniin, Febraayo 10, 2014 (HOL) – Taliska ciidanka nabadgelyada waddooyinka Muqdisho ayaa sheegay in in bishii lasoo dhaafay ee Jannaayo ay dhaceen shilalkii ugu badnaa uguna khasaaraha badnaa, iyadoo ay ku soo badanayaan Muqdisho gaadiidka yar-yar ee sida gaarka ah loo leeyahay.

2/10/2014 7:14 AM EST
Isniin, Febraayo 10, 2014 (HOL) – Guddoomiyaha howlaha baarlamaanka Kenya, Aadan Barre Ducaale ayaa ka hadlay arrimaha ciidanka Kenya ee qaybta ka ah howlgalka AMISOM oo la sheegay inay ka baxayaan magaalada Kismaayo ee xarunta gobolka Jubbada Hoose, isagoo beeniyay in ciidanka Kenya ay ka baxayaan Kismaayo.

2/10/2014 6:46 AM EST
Isniin, Febraayo 10, 2014 (HOL) – Qarax ayaa goor dhow ka dhacay jidka Maka Al-mukarama ee magaalada Muqdisho. Gaari laga soo buuxiyey walxaha qarxa ayaa la sheegay inuu ku qarxay inta u dhexeysa Taree Biyaano iyo KM4.

2/10/2014 6:33 AM EST
Isniin, Feberaayo 10, 2014 (HOL) - Mas'uuliyiinta maamul gobolka Hiiraan ayaa faah faahin dheeraad ah ka bixiyay xariga rag sheegtay in ay madax ka yihiin maamul gobolleedka la baxay Hiiraan State, oo dhawaan soo gaaray magaalada Beledweyne.

2/10/2014 1:45 AM EST
Isniin, Febraayo 10, 2014 (HOL) –Xaflad gelinkii dambe ee shalay magaalada Boosaaso ka dhacday, ayaa waxaa si rasmi ah xilka ugula wareegay wasiirka cusub ee madaxweynaha Puntland C/weli Maxamed Cali Gaas uu dhowaan xilkaas usoo magacaabay.