5/16/2021
Today from Hiiraan Online:  _
Wararka Maanta- Isniin, Feb 10, 2014
Ciidammo ONLF ah oo isku dhiibay Ismaamulka Soomaalida Itoobiya


Isniin, Febraayo 10, 2014 (HOL) – Ciidammo ka tirsanaa jabhadda ONLF ayaa la sheegay inay isku soo dhiibeen Taliska amniga dowlad deegaanka Soomaalida Itoobiya, iyadoo ciidamadan lagu qanciyay inay nabadda qaataan si looga gudbo caqabadaha hortaagan is-fahan dhamaystiran oo ay gaaraan dhinacyada dowladda iyo mucaaradka.

Sida lagu sheegay war ay dowladdu arrintaa kasoo saartay, waxaa kooxda isa soo dhiibtay hoggaaminayay nin lagu magacaabo Muxumad Aani oo isagu muddo ka tirsanaa jabhadaas, kana soo jeeda magaalada Dhagax-buur oo xarun u ah gobolka Jarar ee Ismaamulka Soomaalida Itoobiya.

Masuulka isa soo dhiibay oo la weydiiyay sababta keentay arintan ayaa sheegay in ay qadka Taleefanka kuwada hadleen Sulub Cabdi Axmed oo ka tirsan dowladda ,isla markaana uu ku qancay dalabka loo soo jeediyay, isaga iyo tiro ciidan ah oo la socota.

Qaar kamid ah xubnaha ay wada socdeen sargaalkan oo magacyadooda la shaaciyay ayaa waxa ku jiray Carab Xawawar iyo waliba Mukhtaar Casood oo labaduba u dhashay dowlada deegaanka Soomaalida, lamana sheegin halka looga hortagay kooxdan iyo tiradooda guud inta ay tahay.

Madax ka tirsan hogaanka nabad-galyada DDSI ayaa ugu baaqay qurba-joogta ka tirsan ONLF in ay nabadda fahmaan ,isla markaana ay isa soo dhiibaan, waxaana loo ballan qaaday in ay qayb ka noqon doonaan harumarka ka socda guud ahaan gobolka, isla markaan si wacan loo soo dhaweyn doono.

Cabdi Maxamuud Cumar madaxweynaha dowlad deegaanka oo dhawaan booqasho ku tagay magaalada London ayaa si lamid ah sheegay in cid walba oo nabadda ka soo horjeedsata laga hortagi doono.

Ugu danbayntii ma ahan markii ugu horeysay oo xubno ka tirsan jabhadda ONLF ay isku soo dhiibaan dowladda deegaanka ,waxaana arintan ay ku soo aadaysaa, iyadoo dhawaan dowladda Itoobiya ay beenisay in xubno ka tirsan ururkaas laga soo afduubay Kenya.

Faysal Mohamed Hassan
[email protected]  












Click here
2/10/2014 10:23 AM EST
Isniin, Febraayo 10, 2014 (HOL) –Wafdi uu hogaaminayo Madaxweeynaha maamulka Jubba Sheekh Axmed Max'ed Islaam (Axmed Madoobe) iyo qaar kamid ah siyaasiyiintii kasoo horjeeday maamulkiisa islamarkaana mudooyinkii u danbeeyay ku sugnaa magaalada Muqdisho ayaa maanta si diiran loogu soo dhaweeyay garoonka diyaaradaha magaalada Kismaayo.

2/10/2014 9:18 AM EST
Isniin, Febaraayo 10, 2014 (HOL) - Faahfaahin dheeraad ah ayaa ka soo baxaya qaraxa Muqdisho lagula eegtay maanta mas'uul sare oo ka tirsan maamulka gobolka Shabeellada Hoose, kaasoo aanay jirin illaa hadda sheegatay mas'uuliyaddiisa.

2/10/2014 8:36 AM EST
Isniin, Febaraayo 10, 2014 (HOL) — Madaxweynaha Puntland, C/wali Maxamed Cali Gaas ayaa maanta shir-guddoomiyey kulankii ugu horreeyay ee ay yeeshan golaha wasiirrada cusub ee Puntland, waxaana looga hadlay arrimo badan.

2/10/2014 8:27 AM EST
Isniin, Febaraayo 10, 2014 (HOL) — Khilaafkii siyaasadeed ee golaha wakiiladda Somaliland ka taagnaa ayaa waxa maanta dajiyey xubno ka tirsan golaha Guurtidda iyo Akadamiga nabadda Somaliland, kuwaas oo muddo todobaad ah ka codsaday golaha inay fasax galaan ka dibna dib la iskugu soo noqdo

2/10/2014 7:27 AM EST
Isniin, Febraayo 10, 2014 (HOL) – Taliska ciidanka nabadgelyada waddooyinka Muqdisho ayaa sheegay in in bishii lasoo dhaafay ee Jannaayo ay dhaceen shilalkii ugu badnaa uguna khasaaraha badnaa, iyadoo ay ku soo badanayaan Muqdisho gaadiidka yar-yar ee sida gaarka ah loo leeyahay.

2/10/2014 7:14 AM EST
Isniin, Febraayo 10, 2014 (HOL) – Guddoomiyaha howlaha baarlamaanka Kenya, Aadan Barre Ducaale ayaa ka hadlay arrimaha ciidanka Kenya ee qaybta ka ah howlgalka AMISOM oo la sheegay inay ka baxayaan magaalada Kismaayo ee xarunta gobolka Jubbada Hoose, isagoo beeniyay in ciidanka Kenya ay ka baxayaan Kismaayo.

2/10/2014 6:46 AM EST
Isniin, Febraayo 10, 2014 (HOL) – Qarax ayaa goor dhow ka dhacay jidka Maka Al-mukarama ee magaalada Muqdisho. Gaari laga soo buuxiyey walxaha qarxa ayaa la sheegay inuu ku qarxay inta u dhexeysa Taree Biyaano iyo KM4.

2/10/2014 6:33 AM EST
Isniin, Feberaayo 10, 2014 (HOL) - Mas'uuliyiinta maamul gobolka Hiiraan ayaa faah faahin dheeraad ah ka bixiyay xariga rag sheegtay in ay madax ka yihiin maamul gobolleedka la baxay Hiiraan State, oo dhawaan soo gaaray magaalada Beledweyne.

2/10/2014 1:45 AM EST
Isniin, Febraayo 10, 2014 (HOL) –Xaflad gelinkii dambe ee shalay magaalada Boosaaso ka dhacday, ayaa waxaa si rasmi ah xilka ugula wareegay wasiirka cusub ee madaxweynaha Puntland C/weli Maxamed Cali Gaas uu dhowaan xilkaas usoo magacaabay.