3/28/2024
Today from Hiiraan Online:  _
Wararka Maanta- Arbaco, Jan 8 , 2014
C/raxmaan Faroole: " walaalkay C/weli waan u hambalyeynayaa..."

Arbaco, Janaayo 08, 2014 (HOL) —Madaxweynihii hore ee Puntland C/raxmaan Maxamed Maxamuud Faroole oo maanta looga guuleystay doorashada madaxweynaha, ayaa u hambalyeeyey madaxweynaha cusub C/weli Maxamed Cali Gaas.

Mudane Faroole ayaa sheegay inuu si aad ah ugu faraxsan yahay guusha uu C/weli Gaas gaarey, isagoo u hambalyeeyey Eebana uga rajeeyey inuu u fududeeyo xilka uu qaaday.

"walaalkey C/weli aad iyo aad baan ugu tahniyadeynayaa guusha uu gaaray" Madaxweynihii hore ayaa yiri isagoo intaas raaciyey "waxanna rajeynayaa inuu Putland u hogaamiyo sidii aan usoo hoggaaminay iyo si kasii fiican...isagoo ilaalinaya midnimada dadka reer Putnald cadowgana la diririya..."

Madaxweynihii hore wuxuu si weyn ugu mahad celiyey wasiirradii lasoo shaqeeyey, ciidamada qalabka sida iyo dhamaan shalaaha dowladda Puntland, isagoo sheegay inay si wanaagsan ula soo shaqeeyeen la'aantoodna aysan waxba u qabsoomeen.

Shaqaalaha dowladda wuxuu ku boorriyey inay si dhow ula shaqeeyaan madaxweynaha cusub C/weli Maxamed Cali Gaas, taas isagoo ka hadlayey wuxuu yiri: "waxan ka codsanayaa intii ila soo shaqeysay inay si wanaagsan ula shaqeeyaan oo ay C/weli gacan siiyaan"

Ugu dambeyntii wuxuu dardaaran u jeediyey umadda reer Puntland isagoo ugu baaqay inay midnimadooda xoojiyaan si dadka iyo deegaanada Puntland ay horumar u gaaraan.

Maxamed Salaad Xaaji Dirir, Hiiraan Online
[email protected]
Garoowe, Soomaaliya












Click here
1/8/2014 1:11 PM EST
Arbaco, Janaayo 08, 2014 (HOL) — Ururka Midowga Afrika ayaa ka hadlay doorashadii madaxweynimo ee maanta ka dhacday Puntland, taasoo lagu doortay madaxweyne cusub iyo madaxweyne ku xigeen cusub oo shanta sano ee soo socota hoggaamin doona Puntland.

1/8/2014 12:49 PM EST
Arbaco, Janaayo 08, 2014 (HOL) — Naadiga Badbaado Qaran oo ay ku mideysan yihiin golihii wasiirrada ee xukuumadii KMG ahayd ee uu ra’iisal wasaaraha ka ahaa, C/weli Gaas oo maanta loo doortay madaxweynaha Puntland ayaa ugu hambalyeeyay xilka loo doortay, kaddib kulan ay ku yeesheen Muqdisho.

1/8/2014 12:12 PM EST
Arbaco, Janaayo 08, 2014 (HOL) — Safaaradda Soomaaliya ay ku leedahay magaalada Juba ee xarunta dalka Koonfurta Sudan ayaa diiwaan-gelineysa dadka Soomaaliyeed ee ku nool dalkaas ee ka cararaya goobaha dagaallada, doonayana inay dib ugu laabtaan dalkooda Soomaaliya, xilli xukuumaddu ay sheegtay inay u diryso dalkaas diyaarado kale oo Soomaalida lagu soo daad-gureeyo.

1/8/2014 11:40 AM EST
Arbaco, Janaayo 08, 2014 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) ayaa u hambalyeeyay madaxweynaha iyo madaxweyne ku xigeenka Puntland ee maant la doortay, isagoo ku tilmaamay doorashadan inay tahay guul u soo hoyatay Soomaaliya oo dhan.

1/8/2014 10:31 AM EST
Arbaco, Janaayo 08, 2014 (HOL) — Magaalada Garoowe ee xarunta maamulka Puntland ayaa waxaa maanta ka dhacday doorashada madaxweynaha iyo madaxweyne ku xigeenka Puntland, xilalkaas oo ay kusoo kala baxeen madaxweynaha cusub ee Puntland, C/weli Maxamed Cali Gaas iyo madaxweyne ku xigeenka cusub ee Puntland, C/xakiin C/llaahi Xaaji Cumar (Camey).

1/8/2014 9:58 AM EST
Arbaco, Janaayo 08, 2014 (HOL) — Xarunta rugta ganacsiga Soomaaliya ayaa lagu qabtay maanta oo Arbaco ah kulan looga hadlay sidii Soomaalida dibadaha u qaxay ay uga qaybqaatan lahaayeen dib u dhiska dalka.

1/8/2014 9:23 AM EST
Arbaco, Janaayo 08, 2014 (HOL) — Madaxweynaha Puntland, C/weli Maxamed Cali Gaas iyo madaxweyne ku xigeenka, C/xakiin C/llaahi Xaaji Cumar (Camey) ayaa lagu dhaariyay hoolka baarlamaanka oo maanta lagu doortay.

1/8/2014 8:38 AM EST
Arbaco, Janaayo 08, 2014 (HOL) — Xukuumadda Somaliland ayaa maant si taxadar leh uga hadshay doorashada madaxweynaha iyo madaxweyne ku xigeenka maamulka Puntland, iyagoo sheegay inay la shaqeyn doonaan ciddii ay soo doortaan maamulka Puntland.

1/8/2014 8:07 AM EST
Arbaco, Janaayo 08, 2014 (HOL) — Golaha wakiillada ee Puntland ayaa u doortay madaxweyne ku-xigeenka cusub ee Puntland C/xakiin C/laahi Xaaji Cumar (Camey).

1/8/2014 7:57 AM EST
Arbaco, January 08, 2014(HOL) :-Maamulka KMG ee Jubba ayaa soo dhaweeyay doorashadii madaxtinimo ee maanta ka dhacday Puntland, taasoo uu ku guuleystay xilka madaxweeynaha maamulkaasi Prof: C/weli Max’ed Cali (Gaas).

1/8/2014 7:36 AM EST
Arbaco, Janaayo 08, 2014 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) oo warbaahinta la hadlay ayaa sheegay in shacabka Soomaaliyeed looga baahan yahay inay ilaaliyaan muwaadiniinta Turkiga eek a howlgalaya Muqdisho.

1/8/2014 7:01 AM EST
Arbaco, Janaayo 08, 2014 (HOL) — Danjire Nickolas Kay oo munaasaadda doorashada Puntland ka hadlay ayaa shacabka Puntland ugu hambalyeeyay madaxweynaha cusub ee maanta loo doortay , isagoo sheegay in beesha caalamku ay soo dhaweynayso isbedelka ka dhacay Puntland.

1/8/2014 6:58 AM EST
Arbaco, Janaayo 08, 2014 (HOL) — Waxaa soo gaba gaboobey Wareegga koowaad ee codbixinta doorashada madaxweyne ku-xigeenka Puntland , waxaana hooggaaminaya Musharax C/xakiin C.laahi Xaaji Cumar Camay oo helay 26 cod.

1/8/2014 6:36 AM EST
Arbaco, Janaayo 08, 2014 (HOL) — Isku-soo-bax balaaran oo ay soo qaban-qaabiyeen mas’uuliyiinta maamulka Khaatumo ayaa lagu qabtay fagaaraha garoonka kubadda cagta ee degmada Buuhoodle.

1/8/2014 6:21 AM EST
Arbaco, Janaayo 08, 2014 (HOL) —Magaalooyinka waaweyn ee Puntland waxaa ka soconaya dibadbaxyo lagu taageerayo madaxweynaha cusub ee Puntland C/weli Maxamed Cali Gaas.

1/8/2014 6:11 AM EST
Arbaco, Janaayo 08, 2014 (HOL) — Madaxweynaha iyo ra’iisul wasaaraha Soomaaliya ayaa u hambalyeeyay madaxweynaha cusub ee Puntland, C/weli Maxamed Cali Gaas oo maanta loo doortay xilka, iyagoo xusay in guushan ay tahay mid u soo hoyatay shacabka Soomaaliyeed oo dhan.

1/8/2014 4:50 AM EST
Arbaco, Janaayo 08, 2014 (HOL) — C/weli Maxamed Cali Gaas ayaa loo doortay madaxweynaha cusub ee Puntland hoggaamin doona shanta sano ee soo socota. C/weli Gaas ayaa kusoo baxay wareeggii saddexaad ee doorashada, kaddib markii uu ka guuleystey madaxweynihii hore C/raxmaan Faroole oo doonayey in mar kale xilkaas loo doorto.

1/8/2014 4:45 AM EST
Arbaco, Janaayo 08, 2014 (HOL) — Madaxweynaha cusub ee Puntland C/weli Maxamed Cali Gaas oo waxyar kaddib markii lagu dhawaaqay natiijada doorashada islamarkaana la shaaciyey in uu doorashada ku guuleystey hadlay, ayaa si aad ah ugu mahadceliyey xildhibaanada baarlamaanka ee codkooda siiyey.

1/8/2014 3:37 AM EST
Arbaco, Janaayo 08, 2014 (HOL) — Magaalada Baydhabo ayaa Salaasadii shalay waxaa si weyn loogu soo dhaweeyay fannaaniin ka socday Hargeyss oo la magac baxay Walaalaha Hargeysa; iyagoo fannaaniintan markii dambe ay ka qaybgaleen shirweynaha maamulka Koonfur Galbeed eelLixda gobol.

1/8/2014 3:20 AM EST
Arbaco, Janaayo 08, 2014 (HOL) —Waxaa soo idlaaday wereegii labaad ee doorashada madaxweynaha Puntland. Wareegga labaad waxaa ku tartamay madaxweynaha xafiiska soo joogey -shantii sano ee ugu dambeysey- ee C/raxmaan Faroole, Ra'iisul wasaarihii ugu dambeeyey dowladdii kumeel gaarka ahayd ee Soomaaliya C/weli Maxamed Cali Gaas iyo Cali Xaaji Warsame oo ah dhaqaale yahan markii ugu dambeyseyna ahaa maareeyaha shirkadda is-gaarsiinta ee Golis.

1/8/2014 2:49 AM EST
Arbaco, Janaayo 08, 2014 (HOL) —Wareegga koowaad ee codbixinta doorashada madaxweynaha Puntland ayaa soo gaba gaboobey, waxaana hooggaaminaya Madaxweynihii hore C/raxmaan Faroole oo helay 27 cod.

1/8/2014 2:45 AM EST
Arbaco, Janaayo 08, 2014 (HOL) — Hoolka ay ka dhacayso doorashada madaxtinimada ee Puntalnd ayaa waxaa goor dhow ka bilaabatay cod bixinta xildhibaanada baarlamaanka ee dooran doona madaxweynaha iyo madaxweyne ku-xigeenka Puntland ee shanta sano ee soo socota.

1/8/2014 12:53 AM EST
Arbaco, Janaayo 08, 2014 (HOL) — Doorashada madaxweynaha iyo madaxweyne ku-xigeenka maamulka Puntland ee shanta sano ee soo socota ayaa maanta ka dhacaysa Aqalka Baarlamaanka ee magaalada Garoowe.