4/28/2017
Today from Hiiraan Online:  _
Wararka Maanta- Arbaco, Jan 29, 2014
Ra’iisul Wasaaraha Soomaaliya oo la kulmay beeralayda (SAWIRRO)



Arbaco, Janaayo 29, 2014 (HOL) — Ra’iisul wasaaraha Soomaaliya C/weli Sheekh Axmed ayaa maanta kulan la qaatay beeralayda Soomaaliyeed isagoo kala hadlay caqabadaha haysta iyo kaalinta ay dowladdu ka qaadan kaalmo loo fidiyo si kor ay ugu qaadaan wax-soosaarka, waxana ra’iisul wasaaruhu ka sheegay kulanka in xukuumaddiisu ay muhiimad weyn siin doonto wax-soosaarka dalka si dhaqaalaha dalku u soo kabto.

Kulankan ayaa ra’iisul wasaaruha waxaa ku wehelinayay wasiirka beeraha mudane Cabdi Axmed Maxamed iyo ku-xigenkiisa, Cismaan Libaax Ibraahim, waxaana beeralayda maanta la kulmay ra’iisul wasaaraha ay kala yimaadeen gobollada Shabeelaha Hoose iyo Shabeelaha Dhexe, iyadoo laga arrinsaday sidii labada dhinac ay isaga kaashan lahaayeen in la qaado caqabadaha hor taagan kor-u-qaadista wax-soo-saarka dalka.

Beeralayda ayaa soo jeediyay cabashooyin dhinaca ammaanka ah, waxaana ra’iisul wasaaraha oo garowsanaya caqabadaha dhinaca amniga ah isagoo ballan-qaaday in xukuumaddiisu ay muhiimad weyn siin doonto adkeynta ammaanka, si dhammaan ujeedooyinka iyo himilooyinka shacabka loo wada xaqiijiyo.

“Kulammada noocan oo kale ah ee ay isugu imanayaan dadka xirfadleyda ah waa muhiim, waxaan fursad u helnay inaan si toos ah u dhegeysanno dadkii beerayda ahaa oo sheegay caqabadaha haysta, anigu waxaan kasoo jeedaa qoys beeralay ah, waxaana wax ka bartay dugsigii sare ee beeraha Afgooye, iyadoo aan qarankana ugu soo shaqeeyay,” ayuu yiri ra’iisul wasaare C/weli Sheekh.

Sidoo kale wuxuu mar kale yiri: “Waxaan garawsannahay caqabadaha ay waajahayaan beeralayda Soomaaliyeed oo ay ka mid yihiin fatahaadaha, abaaraha iyo lacagaha ay ka qaadaan dhinacyada ka baxsan xayndaabka dowladda, waaxaan si cad idin kugu sheegayaa in arrimahaan aanu wax ka qaban doonno. Soo celinta dhoofinta iyo horumarinta wax-soo-saarka beeruhu waxay ka mid yihiin qorshayaasha horumarka ee qaranka, waxayna abuurmi doonanaan shaqooyin iyo fursado kale oo horumarineed.”

Dhinaca kale, wasiirka beeraha ee dowladda federaalka Soomaaliya, Cabdi Axmed Maxamed oo kulanka kalmad ka jeediyay ayaa sheegay in shirkan oo ah kii ugu horreeyey oo noociisa ah ay kasoo bixi doonto qaab ay kuwada shaqeeyaan dadka beeralayda ah iyo hay’adaha dowladda federaalka ugu wakiilka ah beeraha.

Maxamed X. Xuseen, Hiiraan Online
[email protected]
Muqdisho, Soomaaliya





Post your comments

1/29/2014 9:24 AM EST
Arbaco, Janaayo 29, 2014 (HOL) — Mas’uuliyiinta maamulka Khaatumo ayaa si kulul u cambaareeyay maamulka Puntland kaddib markii xilal kala duwan loo magcaabay rag ay ku sheegeen dabiilayaal.

1/29/2014 9:21 AM EST
Arbaco, Janaayo 29, 2014 (HOL) — Ciidamada dalka Itoobiya ayaa toddobaadkii hore ku biiray howlgalka Midowga Afrika ee AMISOM, iyadoo la sheegay inay ka howlgalayaan gobollada Gedo, Bay iyo Bakool oo ah qaybta saddexaad ee howlgalka AMISOM.

1/29/2014 6:44 AM EST
Arbaco, Janaayo 29, 2014 (HOL) — Madaxweynaha Puntland, Cabdiwali Maxamed Cali Gaas ayaa maanta shirkiis ugu horreeyay la qaatay inta badan wasiirrada cusub ee uu shalay magacaabay. Wasiirrada uu la kulmay madaxweyne Gaas ayaa isugu jiray wasiirro ku xigeenno iyo wasiir-u-dowlayaal.

1/29/2014 6:34 AM EST
Arbaco, Janaayo 29, 2014 (HOL) — Madaxda dowladaha ku midaysan ururka Midowga Afrika ayaa maalmihii ugu dambeeyay kusoo qulqulayay magaalada Addis Ababa oo uu ka furmay maanta shirkii 22-aad ee ay isku arkayaan hogamiyayaasha qaaradda Afrika.

1/29/2014 6:31 AM EST
Arbaco, Janaayo 29, 2014 (HOL) — Ugu yaraan toddoba qof ayaa ku dhintay 15 kalena way ku dhaawacmeen dagaal culus oo ciidammo kawada tirsan dowladda Soomaaliya ku dhexmaraya gudaha degmada Wanlaweyn ee gobolka Shabeellada Hoose.

1/29/2014 1:47 AM EST
Arbaco, Janaayo 29, 2014 (HOL) — Hay’adda xuquuqda aadanaha ee Human Rights Watch ayaa warbixin ay soo saartay ku eedeysay dowladda Somalia iyo Al-shabaab inay mas'uul ka yihiin xadgudubyo ka dhan ah bani’aadamka sida: weerarro aan loo meel-dayin, xadgdubyo jinsi iyo dad si aan kaal sooc lahayn loo qabqabtay loona xiray.

1/29/2014 1:33 AM EST
Arbaco, Janaayo 29, 2014 (HOL) — Kooxo hubeysan ayaa xalay toogasho ku dilay laba qof oo shacab ah mid kalena dhaawacay, kaddib markii ay rasaas ku fureen gaadiid waday khudaar oo ka yimid deegaanno ka tirsan gobolka Shabeellada Hoose.

1/29/2014 1:12 AM EST
Arbaco, Janaayo 29, 2014 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa ku boorriyay golaha wasiirrada xukuumadda Soomaaliya inay dagaan degmooyinka gobolka Banaadir oo aysan ku ekaan madaxtooyada.