3/7/2021
Today from Hiiraan Online:  _
Wararka Maanta- Jimco, Jan 24, 2014
Dowladda Holland oo Magangalyo iyo degenaasho siinaysa Somalida



Jimco, Janaayo 24, 2014 (HOL) — Xoghayaha cadaallada iyo amniga dowladda Holland Fred Teeven ayaa sheegay in wax laga badalay siyaasadihii dowladda ee ku aadanaa arimaha dadka magan-galyo doonka ah ee inta badan gudaha u galla dalkaas gaar ahaan Soomaalida.

Waxaa uu sheegay in ay jiraan dad  Soomaaliyeed  oo Holland u soo cararay si ay naftooda uga bad-baadiyaan kooxaha argagaxisada ah sida kooxda Al-shabaab, waxaana uu xusay in dowladdooda ay u ogolaan doonto deggenaasho ay ku joogi karaan dalka gudihiisa isla markaana ay xaq-u leeyihiin.

“Kooxda Al-shabaab waxa ay bartilmaameed ka dhigteen dadka dowladda u shaqeeya oo ay ku jiraan barlamanka ,AMISOM ,iyo cid kasta oo ka tirsan  hay’adaha caalamiga ah “ayuu ku sheegay Fred qoraal uu arimahan kaga hadlayay ,waxaana wali jira tiro boqaal Soomaali ah oo wali wadankaas ku nool.

Sanadkii hore dhamaadkiisa war ka soo baxay Holland ayaa lagu sheegay in Soomaalida magan-galyo doonka ah dib loogu celin doono magaalada Muqdisho,iyaga oo markaas u arkayay in xaaladda Soomaaliya ay sidii hore ka wanaagsantahay.

Teeven ayaa tilmaamay in lagu deg-degay hubinta xaaladda dalkii ay ka yimaadeen Soomaalida horey loo tarxiilay,isagoo xusay in Holland ay hagaajin doonto habka loola macaamilo dadka magan-galyo doonka,mana uusan xusin xilliga rasmiga ah ee arintan ay dib u bilaabayaan.

Ugu danbayntii hadalkan ka soo yeeray Netherland ayaa fursad u noqon doona Soomaalida halkaas ku dhaqan iyo kuwa  kale ee doonaya inay isku dhiibaan magan-galya doonimada, waana markii ugu horeysay oo Netherland ay  warkan soo saarto tan iyo intii la bilaabay qorshaha dib loogu celinayo Soomaalida dalkoodi hooyo.

Faysal Mohamed Hassan
[email protected]













Click here
1/24/2014 1:54 PM EST
Jimco, Janaayo 24, 2014 (HOL) — Avv. Xasan Sheekh Ibraahim (Xaseey) ayaa maanta lagu aasay Baydhabo iyadoo gebi ahaan goobaha ganacsiga ay maanta ahaayeen kuwo xiran, iyadoo waddooyinka lagu arkayay ciidamada Itoobiya ee dhawaan ku biiray AMISOM oo ilaalinaya ammaanka.

1/24/2014 1:52 PM EST
Jimco, Janaayo 24, 2014 (HOL) — Soomaaliya ayaa weli ah goobta ugu halista badan ee ay ka howlgalaan suxufiyiinta iyadoo sannadkii hore lagu dilay afar wariye magaalada Muqdisho, sida ay hay’adda xuquuqda aadanaha ee Human Rights Watch ku sheegtay warbixin ay soo saartay.

1/24/2014 11:26 AM EST
Jimco, Janaayo 24, 2014 (HOL) — Magaalooyinka Minneapolis iyo St Paul ee gobolka Minnesota waxaa ku yaal qiyaastii 26 masaajid oo ay maamulaan dadka Soomaaliyeed, qaarkood waa la iibiyay qaarna waxaa loogu jiraa kiro; haddaba inta badan waxaa lasoo darsa dhibaatooyin dhaqaale oo looga baqo in masaajiddu ka baxaan gacanta muslimiinta.

1/24/2014 9:12 AM EST
Jimco, Janaayo 24, 2014 (HOL) — Magaalada Muqdisho ayaa waxaa shalay lagu qabtay hoteelka City Palace shirw looga tashanayay sidii deegaannada Koonfurta dalka Soomaaliya loogu sameyn maamul goboleedyo.

1/24/2014 7:58 AM EST
Jimco, Janaayo 24, 2014 (HOL) —Wasiirka cusub ee dhowaan uu ra'iisul wasaare C/weli Sheekh Axmed usoo magacaabay wasaaradda waxbarashada ee dalka Axmed Maxamed Guraase, oo waraysigiisii ugu horreeyey siiyey Shabakadda Hiiraan Online, ayaa ka warbixiyey waxyaabaha u qorsheysan iyo weliba dhinacyada ay wasaaraddiisu sida gaarka ah diiradda u saari doonto.

1/24/2014 7:10 AM EST
Jimco, Janaayo 24, 2014 (HOL) — Madaxweynaha Puntland, C/weli Maxamed Cali Gaas oo maanta caleemo-saarkiisu ka socdo magaalada Garoowe ee xarunta Puntland ayaa kulan gaar ah la qaatay wafti ka socda dalka Jabuuti, waxaana kulanku uu ka dhacay xarunta madaxtooyada Puntland.

1/24/2014 6:44 AM EST
Jimco, Janaayo 24, 2014 (HOL) — Munaasabad lagu soo bandhigay cuntada dalka kasoo baxda ayaa lagu qabtay xarunta dugsiga Khadiija ee magaalada Laascaanood ee xarunta Gobolka Sool.

1/24/2014 6:40 AM EST
Jimco, Janaayo 24, 2014 (HOL) — Magaalada Garoowe ee xarunta maamulka Puntland waxaa goor dhow kusoo gabagaboobay wejiga koowaad ee xafladda caleema saarka madaxda cusub ee Maamulka Puntland.

1/24/2014 6:25 AM EST
Jimco, Janaayo 24, 2014 (HOL) — Prof Axmed Ismaaciil Samatar oo ka mid ahaa xubnihii isku soo taagay xilka madaxweynenimo ee Soomaaliya sannadkii 2012 ayaa ku dhawaaqay inuu ka tagay siyaasadii Soomaali-weyn isagoo sabab uga dhigay qabyaalad.

1/24/2014 5:45 AM EST
Jimco, Janaayo 24, 2014 (HOL) — Maamulka Puntland ayaa ku eedeeyay Al-shabaab falalka ammaan xumo ee ka dhaca guddaha deegaannada ay ka taliso.

1/24/2014 5:35 AM EST
Jimco, Janaayo 24, 2014 (HOL) —Munaasabad ballaaran oo lagu caleema saarayo madaxda cusub ee dhowaan Puntland loo doortay ayaa ka socota hoolka shirarka ee Hay'adda Cilmi Baarista Puntland (PDRC) ee magaalada Garoowe.

1/24/2014 3:08 AM EST
Jimco, Janaayo 24, 2014 (HOL) — Madaafiic ay Al-shabaab sheegtay inay ku weerartay garoonka diyaaradaha ee Muqdisho ayaa qaarood waxay dhaawac u geysteen dad rayid ah oo deggenaa xaafadda Buulo-xuubey ee degmada Wadajir.

1/24/2014 1:42 AM EST
Jimco, Janaayo 24, 2014 (HOL) — Munaasabad koob loogu magac-daray ka waan-towga tahriibta ayaa lagu qabtay xarunta ururka waddaniga ah ee SCOODO ay ku leedahay magaalada Laascaanood Gobolka Sool.

1/24/2014 1:25 AM EST
Jimco, Janaayo 24, 2014 (HOL) — Xarakada Al-shabaab ayaa howlgallo ay ka sameysay degmada Baardheere ee gobolka Gedo ayay ku qabqabatay in ka badan 100-qof oo qaar ka mid ah lagu eedeeyay inay ka dambeeyeen dab la qabadsiiyay guryo ku yaalla degmadaas.

1/24/2014 1:13 AM EST
Jimco, Janaayo 24, 2014 (HOL) — Madaxweynaha Soomaaliya, Xasan Shiikh Maxamuud ayaa ka hadlya markii ugu horreysay ku biirista ciidamada Itoobiya ay ku biireen howgalka AMISOM, isagoo sheegay inay tahay arrin uu soo dhaweynayo.