3/7/2021
Today from Hiiraan Online:  _
Wararka Maanta- Jimco, Jan 24, 2014
Xaflad lagu bixiynayay Koob oo lagu qabtay Laascaanood (SAWIRRO)



Jimco, Janaayo 24, 2014 (HOL) — Munaasabad koob loogu magac-daray ka waan-towga tahriibta ayaa lagu qabtay xarunta ururka waddaniga ah ee SCODO ay ku leedahay magaalada Laascaanood Gobolka Sool.

Xafladda oo ay soo qaban-qaabiyeen mas’uuliyiinta ururka waddaniga ah ee SCODO ayaa waxaa kasoo qayb-galay bulshada, maamulka degmada iyo wax-garad kala duwan, waxaana looga hadlay sidii loo xoojin lahaa wacyi-gelinta tahriibta.

Cawil Maxamed Daroor oo ku hadlaayay magaca ururka SCODO ayaa ugu horreyn ka warbixiyey ujeeddada koobkan loo dhigay, wuxuuna xusay inay tahay sidii dhallinyarada loo tusi lahaa mar kastana loo xusuusin lahaa dhibaatadda tahriibta, isagoo xusay inay fikirkan lahaayeen naadiga magacooda ku ciyaarayay oo ugu dambeyna ku guulaystay.

Subeer Cismaan Idiris oo ku hadlayay magaca ururada daladda NAGAAD ayaa soo dhaweeyay tallaabada dhiirri-gelinta ah ee ururka SOCODO ku tallaabsaday, wuxuuna ballan-qaaday inay iyaguna qaban doonaan tartammo noocan oo kale ah.

HALKAN KA DAAWO SAWIRRO BADAN:

Maamulaha shirkadda isgaarsiinta TELESOM, C/raxmaan Sayn oo magaca ganacsatada ku hadlayay ayaa ballan-qaaday in wixii talaabo noocan oo kale ah ay qayb libaax ka geysan doonaan, loona baahan yahay buu raaciyay in si guud la isaga kaashado wacyi-gelinta barbaarta.

Isku-duwaha wasaaradda ciyaaraha, Jaamac Khaliif ayaa ka warbixiyey tar-tankan oo ay ka qayb-galeen 10 kooxood oo heerka koowaad ah iyo sidii uu ku dhammaaday, waxaanu intaas ku daray in da'yarta ciyaaraha la gacan qabto sida uu ururka SCODO u qaabilay naadigooda taasoo uu ku sheegay inay dhiirri-gelin u tahay kooxaha, waxaanu bidhaamiyay inay ifafaale weyn u tahay gobolka.

Ku xigeenka duqa degmada Laascaanood, C/raxmaan Maahir Cashuur ayaa u mahad-celiyay ururukan iyo kooxahaba, wuxuuna ugu baaqay naadiga in ay sii wadaan ciyaaraha illaa ay ka gaarayaan guul heer qaran ah, waxaanu ballan-qaaday inay gacan ka gaysanayaan wixii wacyigelin ah ee la xidhiidha horumarka bulshada.

Ugu dambeyn, waxaa naadiga la guddoonsiiyay agab kala duwan iyo koobkii waxayna mas’uuliyiinta kooxaha u mahad-celiyeen dhamaan dadkii kasoo qayb-galay munaasabadda iyo kuwii gacanta ka geystay intii ay socdeen tartanka.

Koobkan oo ahaa kii ugu daawashada badnaa ee lagu qabto magaalada Laascaanood ayaa la oran karaa waa mid faa’iido badan u soo hoyn karaan da'yarta wax badanna lagaga qaban karo arrimaha ragaadiyey bulshada oo ay ka mid yihiin qabyaaladda iyo balwadda.

Seynab Cabdi Warsame, Hiiraan Online
[email protected]
Laascaanood, Gobolka Sool













Click here
1/24/2014 1:54 PM EST
Jimco, Janaayo 24, 2014 (HOL) — Avv. Xasan Sheekh Ibraahim (Xaseey) ayaa maanta lagu aasay Baydhabo iyadoo gebi ahaan goobaha ganacsiga ay maanta ahaayeen kuwo xiran, iyadoo waddooyinka lagu arkayay ciidamada Itoobiya ee dhawaan ku biiray AMISOM oo ilaalinaya ammaanka.

1/24/2014 1:52 PM EST
Jimco, Janaayo 24, 2014 (HOL) — Soomaaliya ayaa weli ah goobta ugu halista badan ee ay ka howlgalaan suxufiyiinta iyadoo sannadkii hore lagu dilay afar wariye magaalada Muqdisho, sida ay hay’adda xuquuqda aadanaha ee Human Rights Watch ku sheegtay warbixin ay soo saartay.

1/24/2014 11:26 AM EST
Jimco, Janaayo 24, 2014 (HOL) — Magaalooyinka Minneapolis iyo St Paul ee gobolka Minnesota waxaa ku yaal qiyaastii 26 masaajid oo ay maamulaan dadka Soomaaliyeed, qaarkood waa la iibiyay qaarna waxaa loogu jiraa kiro; haddaba inta badan waxaa lasoo darsa dhibaatooyin dhaqaale oo looga baqo in masaajiddu ka baxaan gacanta muslimiinta.

1/24/2014 9:12 AM EST
Jimco, Janaayo 24, 2014 (HOL) — Magaalada Muqdisho ayaa waxaa shalay lagu qabtay hoteelka City Palace shirw looga tashanayay sidii deegaannada Koonfurta dalka Soomaaliya loogu sameyn maamul goboleedyo.

1/24/2014 7:58 AM EST
Jimco, Janaayo 24, 2014 (HOL) —Wasiirka cusub ee dhowaan uu ra'iisul wasaare C/weli Sheekh Axmed usoo magacaabay wasaaradda waxbarashada ee dalka Axmed Maxamed Guraase, oo waraysigiisii ugu horreeyey siiyey Shabakadda Hiiraan Online, ayaa ka warbixiyey waxyaabaha u qorsheysan iyo weliba dhinacyada ay wasaaraddiisu sida gaarka ah diiradda u saari doonto.

1/24/2014 7:10 AM EST
Jimco, Janaayo 24, 2014 (HOL) — Madaxweynaha Puntland, C/weli Maxamed Cali Gaas oo maanta caleemo-saarkiisu ka socdo magaalada Garoowe ee xarunta Puntland ayaa kulan gaar ah la qaatay wafti ka socda dalka Jabuuti, waxaana kulanku uu ka dhacay xarunta madaxtooyada Puntland.

1/24/2014 6:44 AM EST
Jimco, Janaayo 24, 2014 (HOL) — Munaasabad lagu soo bandhigay cuntada dalka kasoo baxda ayaa lagu qabtay xarunta dugsiga Khadiija ee magaalada Laascaanood ee xarunta Gobolka Sool.

1/24/2014 6:40 AM EST
Jimco, Janaayo 24, 2014 (HOL) — Magaalada Garoowe ee xarunta maamulka Puntland waxaa goor dhow kusoo gabagaboobay wejiga koowaad ee xafladda caleema saarka madaxda cusub ee Maamulka Puntland.

1/24/2014 6:31 AM EST
Jimco, Janaayo 24, 2014 (HOL) — Xoghayaha cadaallada iyo amniga dowladda Holland Fred Teeven ayaa sheegay in wax laga badalay siyaasadihii dowladda ee ku aadanaa arimaha dadka magan-galyo doonka ah ee inta badan gudaha u galla dalkaas gaar ahaan Soomaalida.

1/24/2014 6:25 AM EST
Jimco, Janaayo 24, 2014 (HOL) — Prof Axmed Ismaaciil Samatar oo ka mid ahaa xubnihii isku soo taagay xilka madaxweynenimo ee Soomaaliya sannadkii 2012 ayaa ku dhawaaqay inuu ka tagay siyaasadii Soomaali-weyn isagoo sabab uga dhigay qabyaalad.

1/24/2014 5:45 AM EST
Jimco, Janaayo 24, 2014 (HOL) — Maamulka Puntland ayaa ku eedeeyay Al-shabaab falalka ammaan xumo ee ka dhaca guddaha deegaannada ay ka taliso.

1/24/2014 5:35 AM EST
Jimco, Janaayo 24, 2014 (HOL) —Munaasabad ballaaran oo lagu caleema saarayo madaxda cusub ee dhowaan Puntland loo doortay ayaa ka socota hoolka shirarka ee Hay'adda Cilmi Baarista Puntland (PDRC) ee magaalada Garoowe.

1/24/2014 3:08 AM EST
Jimco, Janaayo 24, 2014 (HOL) — Madaafiic ay Al-shabaab sheegtay inay ku weerartay garoonka diyaaradaha ee Muqdisho ayaa qaarood waxay dhaawac u geysteen dad rayid ah oo deggenaa xaafadda Buulo-xuubey ee degmada Wadajir.

1/24/2014 1:25 AM EST
Jimco, Janaayo 24, 2014 (HOL) — Xarakada Al-shabaab ayaa howlgallo ay ka sameysay degmada Baardheere ee gobolka Gedo ayay ku qabqabatay in ka badan 100-qof oo qaar ka mid ah lagu eedeeyay inay ka dambeeyeen dab la qabadsiiyay guryo ku yaalla degmadaas.

1/24/2014 1:13 AM EST
Jimco, Janaayo 24, 2014 (HOL) — Madaxweynaha Soomaaliya, Xasan Shiikh Maxamuud ayaa ka hadlya markii ugu horreysay ku biirista ciidamada Itoobiya ay ku biireen howgalka AMISOM, isagoo sheegay inay tahay arrin uu soo dhaweynayo.