3/7/2021
Today from Hiiraan Online:  _
Wararka Maanta- Khamiis, Jan 23, 2014
Wafdi uu horkacayo Axmed Madoobe oo u dhoofay Garoowe (Sawiro)



Khamiis, Janaayo 23, 2014 (HOL) — Wafdi ballaaran oo uu horkacayo madaxweeynaha maamulka KMG ah ee Jubba Sheekh Axmed Maxamed Islaam (Axmed Madoobe) ayaa manta u ambabaxay magaalada Garoowe ee caasimadda dowlad goboleedka Puntland.

Madaxweeynaha oo ay safarkiisa ku wehlinayeen xubno ka tirsan golihiisa wasiirada, odoyaal, haween, iyo siyaasiyiin kale ayaa intii uusan bixin kahor waxa uu shir jara’id ku qabtay gudaha garoonka, iyadoona shirkiisa uu uga hadlay arimo kala duwan.

Masuulkan ayaa ugu horeyn ka hadlay arimaha dhanka ammaanka, isagoo sheegay in ammaanku yahay waxa ugu muhiimsan ee ay tahay in ahmiyadda koobaad la siiyo, wuxuuna kula dardaarmay shacabka iyo masuuliyiinta maamulka Jubba in ay ka shaqeeyaan amniga.

HALKAN KA DAAWO SAWIRRO BADAN:

“Waxaa xaqiiqo ah waxaa jiro cadow, dadkoo dhan u dhexeeya oo aan ninna deyneyn, ilmaha yar, qofka waayeelka ah, qofka aqoonyahanka ah, hooyada midna aan dhaafeyn oo dhibaatadiisu joogto tahay, waxaan guud ahaan Soomaalida kula dardaarmayaa iyo beesha caalamkaba in cadawgaas oo aan moodo inuu waqtigiisu sii dhamaanayo lays raaciyo,” ayuu hadalkiisii raaciyay.

Intaa kadib ayaa madaxweeynaha iyo wafdigiisa waxa ay u duuleen dhanka magaalada Garowe ee xarunta maamulka Puntlan, halkaasoo la filayo in maalinta berito ah ay ka dhacdo xafladda caleemosaarka madaxweeynaha maamulkaasi.

Xasan Nuur, Hiiraan Online
[email protected]
Kismaayo-Soomaaliya













Click here
1/23/2014 12:30 PM EST
Khamiis, Janaayo 23, 2014 (HOL) — Madaxweyne xilliyeedkii u dambeeyay ee maamulka Khaatumo, C/nuur Cilmi Qaaje (Biindhe) ayaa shaaciyay inay ku faraxsan yihiin maamulka cusub ee loo doortay Puntland, wuxuuna xusay inay noqon karaan kuwo horumar u horseeda maamulkaas.

1/23/2014 11:00 AM EST
Khamiis, Janaayo 23, 2014 (HOL) — Kooxo hubeysan oo aan haybtooda la garanayn ayaa ku dilay maanta duleedka magaalada Qaahira ee xarunta Masar shan ka mid ah askarta booliiska dalkaas, iyagoo weerarka six un ugu dhaawacay laba askari oo kale.

1/23/2014 10:52 AM EST
Khamiis, Janaayo 23, 2014 (HOL) — Hay’adda Hormuud Foundation ayaa maanta ugu deeqday isbitaalka Dayniile ee Muqdisho 30-fuusto oo shidaal ah si howlaha isbitaalka loogu sii wado.

1/23/2014 10:40 AM EST
Khamiis, Janaayo 23, 2014 (HOL) — Culummaa’uddiinka Ahlusunna Waljamaaca ayaa kulan lagu taageerayo ka mid noqoashada ciidamada dalka Itoobiya ay ka mid noqdeen AMISOM ku qabtay maanta magaalada Baydhabo ee xarunta gobolka Bay.

1/23/2014 10:20 AM EST
Khamiis, Janaayo 23, 2014 (HOL) — Wafdiyo ka socda maamulka KMG Jubba iyo dalka Jabuuti oo ay kala hoggaaminayaan madaxweynaha Jubba, Sheekh Axmed Madoobe iyo wasiirka arrimaha diinta iyo dhaqanka Jabuuti, Xasan Aadan Xasan ayaa si weyn loogu soo dhaweeyay magaalada Garoowe ee xarunta Puntland.

1/23/2014 10:02 AM EST
Khamiis, Janaayo 23, 2014 (HOL) — Kadib markii shalay munaasabad lagu qabtay magaalada Baydhabo ee xarunta gobolka Bay si rasmi ah ciidamada Itoobiya ugu biireen howlgalka midowgga Africa AMISOM, ayeey aragtiyo kala duwan ka dhiibteen arrintaa iyada ah dadka ku dhaqan magaalada Beledweyne ee xarunta gobolka Hiiraan oo ay ku sugan yihiin tirrada ugu badan ciidamada Itoobiya ee ka howlgallada gobollada dhexe.

1/23/2014 7:25 AM EST
Khamiis, Janaayo 23, 2014 (HOL) — Maamulka gobolka Banaadir ayaa maanta qalab isboorti u qaybiyay cayaartoyda 17-ka degmo ee gobolka Banaadir, kuwaasoo isugu jiray dhar, kabo iyo kubbado kala duwan sida kuwa kubadda miiska iyo kuwa kubadda cagta.

1/23/2014 7:10 AM EST
Khamiis, Janaayo 23, 2014 (HOL) — Golaha wasiirrada xukuumadda cusub ee Soomaaliya ayaa maanta kulankoodii ugu horreeyay ku yeeshay Muqdisho, kaasoo ay uga hadleen xeer hoosaadka ay ku shaqeynayaan iyo sidii ay xilalka ula wareegi lahaayeen.

1/23/2014 2:28 AM EST
Khamiis, Janaayo 23, 2014 (HOL) — Abaanduulaha ciidamada xoogga dalka, Jen. C/risaaq Khaliif Cilmi ayaa soo dhaweeyay ka mid noqoshada ciidamada Itoobiya ay ka mid noqdeen kuwa Midowga Afrika ee AMISOM, isgaoo xusay in tani ay isbedel weyn ku sameynayso dagaallada looga horjeedo kooxda Al-shabaab.

1/23/2014 2:17 AM EST
Khamiis, Janaayo 23, 2014 (HOL) — Ciidamada dowladda Soomaaliya ayaa isaga baxay degmada Mahadaay ee gobolka Shabeellada dhexe iyadoo la sheegay inay xoogagga Al-shabaab qarka u saran yihiin degmadaas.

1/23/2014 1:36 AM EST
Khamiis, Janaayo 23, 2014 (HOL) — Munaasabad casho sharaf ah oo qayb ka ahayd xiritaanka Kalfadhiga saddexaad ee golaha shacabka ayaa xalay lagu qabtay xarunta Villa Hargeysa ee magaalada Muqdisho.