3/7/2021
Today from Hiiraan Online:  _
Wararka Maanta- Arbaco, Jan 22, 2014
Wasiirka caafimaadka Jubba oo la shiray hay’ado gargaar (SAWIRRO)



Arbaco, Janaayo 22, 2014 (HOL) — Wasiirka caafimaadka iyo fayadhowrka maamulka Jubba Xasan Daahir Yaroow ayaa Hotel Qiilmawaaye ee magaalada Kismaayo kulan isbarasho ah kula qaatay qaar kamid ah hay’adaha samafalka ee ka howlgalada degmada Kismaayo.

Kulankan ayaa waxaa kasoo qeybgalay ku dhawaad 35 hay’adood oo isugu jira kuwo gudaha ka shaqeeya iyo qaar kaloo caalami ah, iyadoo kulankan diirada lagu saarayay isbarasho iyo sidii hay’adahaasi ay ula shaqeyn lahaayeen maamulka.

Hay’adihii kulanka kazoo qeybgalay ayaa soo dhaweeyay kulanka ay maanta la qaateen wasiirka caafimaadka iyo fayadhowrka, iyagoo sidoo kale goobta kusoo bandhigay waxqabadkooda, waxayna ballan qaadeen in ay la shaqeyn doonaan maamulka.

Isu duwaha caafimaadka Jubooyinka Axmed Sidiiq ayaa sheegay in kulankii maanta uu si guul ah kusoo dhamaaday, isagoo xusay in wasiirka iyo hay'adaha ay ka wada hadleen islamarkaana muhiimada kulanku ay ahayd isbarasho iyo wadashaqeyn dhexmarta wasiirka iyo hay'adaha dhanka caafimaadka ee Jubooyinka.

Kulanka markii uu soo dhamaaday kadib ayaa waxa saxafaadda uga warbixiyay wasiirka caafimaadka iyo fayadhowrka maamulka Jubba Xasan Daahir Yaroow, waxa uuna sheegay in hay'adaha ay kala hadleen sidii ay u dhexmari lahayd wada shaqeyn, wuxuuna xusay in hada wixii ka danbeeyo ay la xisaabtami doonaan hay'adaha islamarkaana ay dabagal ku sameyn doonaan waxqabadkooda.

Kulankan uu wasiirku la qaatay hay'adaha ka howlgala degmada Kismaayo ayaa kusoo beegmaya iyadoo dhawaan wafdi uu hogaaminayo wasiirka ay booqasho ku tageen qaar kamid ah goobaha caafimaadka ee degmada Kismaayo sida isbitalka guud ee degmada Kismaayo.




Xasan Nuur, Hiiraan Online
[email protected]
Kismaayo, Soomaaliya













Click here
1/22/2014 1:28 PM EST
Arbaco, Janaayo 22, 2014 (HOL) — Danjirihii hore ee Mareykanka u fadhiyay Itoobiya, David Shinn ayaa walaac ka muujiyay in ciidanka Itoobiya ay ku biiraan xilligan howlgalka Midowga Afrika ee AMISOM, isagoo tallaabadan ku tilmaamay mid khalad ah.

1/22/2014 1:26 PM EST
Arbaco, Janaayo 22, 2014 (HOL) — Al-shabaab ayaa la sheegay in xalay internet-ka laga isticmaalo taleefoonnada gacanta lagu qaato ee Mobile-ka loo yaqaan ka jartay deegaannada ay ka taliso ee ku yaalla bartamaha iyo Koonfurta Soomaaliya.

1/22/2014 9:51 AM EST
Arbaco, Janaayo 22, 2014 (HOL) — Ciidamada Ethiopia ayaa si rasmi ah maanta loogu wareejiyay amaanka gobollada Bay, Bakool iyo Gedo ee Koonfurta Soomaaliya, kaddib xaflad ka dhacday Magaalada Baydhabo ee Xarunta Gobolka Bay sida uu sheegay Afhayeenka AMISOM Col. Cali Aadan Xumad.

1/22/2014 9:01 AM EST
Arbaco, Janaayo 22, 2014 (HOL) — Barkhad Cabdi oo ah jilaa Soomaaliyeed kuna soo can-baxay filinkii Captain Phillips oo ah filin ay duubtay shirkadda Hollywood-ka ayaa ka hadlay dareenkiisa la xiriira inuu ka mid yahay aktarada sanadkan u sharaxan billadda Oskarka oo xafladeeda la qaban doono dhawaan.

1/22/2014 8:47 AM EST
Arbaco, Janaayo 22, 2014 (HOL) — Madaxweynaha Soomaaliya, Xasan Sh. Maxamuud ayaa xafiiskiisa ku qaabilay xoghayaha guud ee Hay’adda NRC Norwegian Refugee Council, Jan Egeland oo maanta booqasho ku yimid magaalada Muqdisho ee xarunta Soomaaliya.

1/22/2014 8:23 AM EST
Arbaco, Janaayo 22, 2014 (HOL) — Madaxweynaha Somalia Xasan Sheekh Maxamuud iyo ra'iisul wasaarihiisa C/weli Sheekh Axmed Maxmed ayaa sheegay in dowladooda ay ka go’an tahay inay Al-shabaab oo ka talisa deegaanno fara badan ay cagta marin doonaan kana saari doonaan dhammaan deegaanada ay ka taliso.

1/22/2014 7:46 AM EST
Arbaco, Janaayo 22, 2014 (HOL) — Maamulka gobolka Benaadir iyo taliska ciidamada nabadgelyada waddooyinka Muqdisho oo iskaashanaya ayaa ku guuleystay mar kale inay nalalka samaafaraha ka hirgeliyaan isgoysyo hor leh oo ku yaalla Muqdisho, kuwaasoo kala ah isgoysyada Sayidka iyo Dabka.

1/22/2014 7:38 AM EST
Arbaco, Janaayo 22, 2014 (HOL) — Kalfadhigii labaad ee golaha Akadeemiye goboleedka Af-Soomaaliga (AGA) ayaa ku qabsoomay 15 illaa 16-kii bishan Janaayo 2014-ka magaalada Jigjiga ee xarunta Ismaamulka Soomaalida ee dalka Itoobiya, iyadoo laga soo saaray go’aammo wax ku ool ah.

1/22/2014 7:16 AM EST
Arbaco, Janaayo 22, 2014 (HOL) — Wasiirarda cusub ee golaha wasiirrada xukuumadda Soomaaliya ayaa maanta lagu hordhaariyay baarlamaanka Soomaaliya, iyadoo dhaarinta ay goobjoog ka ahaayeen madaxweynaha Soomaaliya, Xasan Sheekh Maxamuud, ra’iisul wasaarihiisa C/weli Sheekh Axmed Maxamed iyo guddoomiyaha baarlamaanka Maxamed Sh. Cismaan Jawaari oo kulanka shir-guddoominayay.

1/22/2014 6:03 AM EST
Arbaco, Janaayo 22, 2014 (HOL) — Ciidamada Itoobiya ee ku sugan Soomaaliya ayaa si rasmi ah ugu biiray maanta oo Arbaco ah howgalka Midowga Afrika ee AMISOM, si loo xoojiyo dagaallada lagula jiro Xarakada Al-shabaab ee ka dagaalanta gudaha Soomaaliya.

1/22/2014 1:55 AM EST
Arbaco, Janaayo 22, 2014 (HOL) — Ha’yad maxalli ah oo ka howlgasha Kenya laguna magacabo WARDO ayaa indho fiiqis u sameysay qoxootiga ku jira xeryaha qoxootiga Dhadhaab-Kenya iyo Kenyanka ku nool deegaannada ku dhow-dhow xeryaha Qoxootiga.

1/22/2014 1:37 AM EST
Arbaco, Janaayo 22, 2014 (HOL) — Ha’yadda xuquuqul insaanka ee Human Rights Watch (HRW) ayaa ku eedeysay xukuumadda Kenya inay beegsatay Soomaalida qoxootiga ku ah dalkeeda, kaddib weerarkii Westgate Mall oo 21-kii September sannadkii hore.

1/22/2014 12:51 AM EST
Arbaco, Janaayo 22, 2014 (HOL) — Madaxweynaha Soomaaliya, Xasan Sh. Maxamuud ayaa ka hadlay wadahadallada u dhexeeya dowladda Soomaaliya iyo Somaliland iyo weliba shirkadaha ammaanka ka shaqeeya ee ku sugan Muqdisho.