3/7/2021
Today from Hiiraan Online:  _
Wararka Maanta- Arbaco, Jan 22, 2014
Ciidamada Itoobiya oo si Rasmi ah ugu Biiray Howl-galka AMISOM


Arbaco, Janaayo 22, 2014 (HOL) — Ciidamada Itoobiya ee ku sugan Soomaaliya ayaa si rasmi ah ugu biiray maanta oo Arbaco ah howgalka Midowga Afrika ee AMISOM, si loo xoojiyo dagaallada lagula jiro Xarakada Al-shabaab ee ka dagaalanta gudaha Soomaaliya.

Xarakada Al-shabaab ayaa weli ka talisa deegaanno badan oo Koonfurta iyo bartamaha Soomaaliya ku yaalla, iyagoo weerarro gaadmo ah ka sameeya deegaannada iyo degmooyinka ay gacanta ku hayaan ciidamada dowladda iyo kuwa AMISOM oo ay ku jirto Muqdisho.

Ciidamada Itoobiya ayaa looga fadhiyaan inay weeraraan deegaanno ay ka mid yihiin Shabeelada Hoose, Shabeellada dhexe iyo gobolka Jubbada dhexe, halka gobolka Jubbada hoose gacanta ay ka dagaalamaan ciidanka dalka Kenya iyo kuwa Sierra Leone, halka ciidamada Uganda, Jabuuti iyo Burundi ay iyaguna ka dagaalama deegaano ku gobolllada waqooyiga kaga beegan caasimadda iyo weliba gobolka Banaadir.

“Itoobiya waxay noqonaysaa dowladdii lixaad oo ciidammo u soo dirta Soomaaliya, iyagoo ku biiraya kuwa Jabuuti, Uganda, Burundi, Kenya iyo Sierra Leone ka socda,” ayaa lagu yiri war-saxaafadeed soo baxay maanta oo Arbaco ah.

Wararka ayaa waxay intaas ku darayaan in ciidamada Itoobiya ee qaybta ka noqonaya kuwa AMISOM ay gaarayaan 2,000 oo askari, inkastoo ay ciidan ka badan intaas kaga sugan yihiin Soomaaliya.

Ciidamada Itoobiya ayaa waxay saldhigyo horay ugu lahaayeen deegaanno ay ka mid yihiin Baydhabo iyo Baladweyne, halkaasoo ay ka saareen kooxda Al-shabaab sannadihii 2011 iyo 2012-kii.

“Askarta Itoobiya kuwa Burundi iyo kuwa Uganda ayaa lagu wada inay si wadajir ah howgallo uga fuliyaan deegaanno ay ka mid yihiin gobolllada Shabeellooyinka oo Waqooyi iyo Koonfur kaga beegan Muqdisho,” ayaa lagu yiri warsaxaafadeedka.

Howgalka AMISOM ayaa waxaa markii ugu horreysay Somalia laga bilaabay sannadkii 2007, xilligaasoo ay dalka ku sugnaayeen ciidammo Itoobiyaan ah oo dagaal kula jiray xoogaggii maxkamadaha Islaamka oo ay u arkayeen kuwo khatar ku ah ammaanka guud ee Itoobiya.

Tallaabadan ayaa waxay imaanaysaa xilli golaha ammaanka ee Qaramada Midoobay ay go’aamiyeen sannadkii hore in ciidamada AMISOM tiradooda la gaarsiiyo 22,000 oo askari si ay u xoojiyaan dagaallada lagula jiro kooxda Al-shabaab.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/22/2014 1:28 PM EST
Arbaco, Janaayo 22, 2014 (HOL) — Danjirihii hore ee Mareykanka u fadhiyay Itoobiya, David Shinn ayaa walaac ka muujiyay in ciidanka Itoobiya ay ku biiraan xilligan howlgalka Midowga Afrika ee AMISOM, isagoo tallaabadan ku tilmaamay mid khalad ah.

1/22/2014 1:26 PM EST
Arbaco, Janaayo 22, 2014 (HOL) — Al-shabaab ayaa la sheegay in xalay internet-ka laga isticmaalo taleefoonnada gacanta lagu qaato ee Mobile-ka loo yaqaan ka jartay deegaannada ay ka taliso ee ku yaalla bartamaha iyo Koonfurta Soomaaliya.

1/22/2014 9:51 AM EST
Arbaco, Janaayo 22, 2014 (HOL) — Ciidamada Ethiopia ayaa si rasmi ah maanta loogu wareejiyay amaanka gobollada Bay, Bakool iyo Gedo ee Koonfurta Soomaaliya, kaddib xaflad ka dhacday Magaalada Baydhabo ee Xarunta Gobolka Bay sida uu sheegay Afhayeenka AMISOM Col. Cali Aadan Xumad.

1/22/2014 9:01 AM EST
Arbaco, Janaayo 22, 2014 (HOL) — Barkhad Cabdi oo ah jilaa Soomaaliyeed kuna soo can-baxay filinkii Captain Phillips oo ah filin ay duubtay shirkadda Hollywood-ka ayaa ka hadlay dareenkiisa la xiriira inuu ka mid yahay aktarada sanadkan u sharaxan billadda Oskarka oo xafladeeda la qaban doono dhawaan.

1/22/2014 8:47 AM EST
Arbaco, Janaayo 22, 2014 (HOL) — Madaxweynaha Soomaaliya, Xasan Sh. Maxamuud ayaa xafiiskiisa ku qaabilay xoghayaha guud ee Hay’adda NRC Norwegian Refugee Council, Jan Egeland oo maanta booqasho ku yimid magaalada Muqdisho ee xarunta Soomaaliya.

1/22/2014 8:23 AM EST
Arbaco, Janaayo 22, 2014 (HOL) — Madaxweynaha Somalia Xasan Sheekh Maxamuud iyo ra'iisul wasaarihiisa C/weli Sheekh Axmed Maxmed ayaa sheegay in dowladooda ay ka go’an tahay inay Al-shabaab oo ka talisa deegaanno fara badan ay cagta marin doonaan kana saari doonaan dhammaan deegaanada ay ka taliso.

1/22/2014 7:46 AM EST
Arbaco, Janaayo 22, 2014 (HOL) — Maamulka gobolka Benaadir iyo taliska ciidamada nabadgelyada waddooyinka Muqdisho oo iskaashanaya ayaa ku guuleystay mar kale inay nalalka samaafaraha ka hirgeliyaan isgoysyo hor leh oo ku yaalla Muqdisho, kuwaasoo kala ah isgoysyada Sayidka iyo Dabka.

1/22/2014 7:38 AM EST
Arbaco, Janaayo 22, 2014 (HOL) — Kalfadhigii labaad ee golaha Akadeemiye goboleedka Af-Soomaaliga (AGA) ayaa ku qabsoomay 15 illaa 16-kii bishan Janaayo 2014-ka magaalada Jigjiga ee xarunta Ismaamulka Soomaalida ee dalka Itoobiya, iyadoo laga soo saaray go’aammo wax ku ool ah.

1/22/2014 7:16 AM EST
Arbaco, Janaayo 22, 2014 (HOL) — Wasiirarda cusub ee golaha wasiirrada xukuumadda Soomaaliya ayaa maanta lagu hordhaariyay baarlamaanka Soomaaliya, iyadoo dhaarinta ay goobjoog ka ahaayeen madaxweynaha Soomaaliya, Xasan Sheekh Maxamuud, ra’iisul wasaarihiisa C/weli Sheekh Axmed Maxamed iyo guddoomiyaha baarlamaanka Maxamed Sh. Cismaan Jawaari oo kulanka shir-guddoominayay.

1/22/2014 6:17 AM EST
Arbaco, Janaayo 22, 2014 (HOL) — Wasiirka caafimaadka iyo fayadhowrka maamulka Jubba Xasan Daahir Yaroow ayaa Hotel Qiilmawaaye ee magaalada Kismaayo kulan isbarasho ah kula qaatay qaar kamid ah hay’adaha samafalka ee ka howlgalada degmada Kismaayo.

1/22/2014 1:55 AM EST
Arbaco, Janaayo 22, 2014 (HOL) — Ha’yad maxalli ah oo ka howlgasha Kenya laguna magacabo WARDO ayaa indho fiiqis u sameysay qoxootiga ku jira xeryaha qoxootiga Dhadhaab-Kenya iyo Kenyanka ku nool deegaannada ku dhow-dhow xeryaha Qoxootiga.

1/22/2014 1:37 AM EST
Arbaco, Janaayo 22, 2014 (HOL) — Ha’yadda xuquuqul insaanka ee Human Rights Watch (HRW) ayaa ku eedeysay xukuumadda Kenya inay beegsatay Soomaalida qoxootiga ku ah dalkeeda, kaddib weerarkii Westgate Mall oo 21-kii September sannadkii hore.

1/22/2014 12:51 AM EST
Arbaco, Janaayo 22, 2014 (HOL) — Madaxweynaha Soomaaliya, Xasan Sh. Maxamuud ayaa ka hadlay wadahadallada u dhexeeya dowladda Soomaaliya iyo Somaliland iyo weliba shirkadaha ammaanka ka shaqeeya ee ku sugan Muqdisho.