3/7/2021
Today from Hiiraan Online:  _
Wararka Maanta- Talaado, Jan 21, 2014
Faahfaahino ku saabsan Qaraxyadii ka dhacay Magaalada Gaalkacyo


Talaado, Janaayo 21, 2014 (HOL) — Maamulka degmada Gaalkacyo iyo saraakiisha caafimaadka gobolka Mudug ayaa goor-dhow tafaasiil ka bixiyay qaraxyo maanta ka dhacay magaalada Gaalkacyo.

Qaraxyada maanta Gaalkacyo ka dhacay waxaa ay ahaayeen labo qarax oo lugu sheegay inay ahaayeen nooca dhulka lugu aaso oo maalaha fog-fog laga hago. Waxayna ka dhceen waddada laamiga ah ee u dhaxeeysa  isbitaalka GMC ee Dr. Dhegacadde ee Waqooyiga Gaalkacyo iyo suuq Barwaaqo.

Duqa magaalada Gaalkacyo, Axmed Cali Salaad oo warbaahinta la hadlay ayaa sheegay in wax laga xumaado ay yihiin qaraxyada dhacay, isagoo intaa ku dhacay inay dad shacab ah waxyeello kasoo gaartay.

"Waan ka tacsiyeenaynaa dhimashada ay sababeen qaraxyadan, dadka ku dhaawacmayna caafimaad rabbi ha siiyo. Dad shacab ah ayaa lugu laayay qaraxyadan, xilliganna ciidamada ammaanka ayaa wada baaritaanno lugu baadi goobayo dadkii dhibaatadan geystay. Ciidamada ayaana xilligan ku sugan oo la wareegay goobtii uu qaraxa ka dhacay," ayuu yiri Axmed Cali Salaad.

Sidoo kale maamulaha isbitaalka gobolka Mudug, Axmed Diiriye Sugulle oo isna dhankiisa la hadlay warbaahinta qaraxyada khasaaraha geystay ayaa shegay in saddex ruux oo uu ilmo yar uu ku jiro inay ku dhinteen lix qof oo kalena ay ku dhaawacmeen.

"Saddex ruux ayaa dhimatay, lix kalwna dhaawacyo kala duwan ayaa soo gaaray, kuwaas oo dadweyntoodu ay socoto, xaaladdooduna way wanagsan tahay," ayuu mar kale yiri maamulaha isbitaalka gobolka Mudug.

Mas'uuliyadda qaraxyadan wali ma jirto cid sheegatay, mana jirto illaa hadda waxaan shacab ahayn oo qaraxa lala eegtay, sida maamulka degamada ay sheegeen.

Si kataba ha ahaateen, qaraxyadan waxay kusoo beegmayaa xilli muddadii dambe ammaanka Gaalkacyo uu ahaa mid kasoo raynaya oo ay aad ugu yaraadeen dhacdooyinka noocan oo kale ah.

Iimaan Maxamed, Hiiraan Online
[email protected]
Gaalkacyo, Soomaaliya













Click here
1/21/2014 10:53 AM EST
Talaado, Janaayo 21, 2014 (HOL) — Madaxweynaha dowladda federaalka Somalia, Xasan Sheekh Maxamud ayaa soo dhaweeyey ansixintii golaha wasiirrada cusub ee xukuumadda Soomaaliya.

1/21/2014 10:00 AM EST
Talaado, Janaayo 21, 2014 (HOL) — Xildhibaannada baarlamaanka Soomaaliya ayaa goor dhow cod aqlabiyad ah ku ansixiyay xukuumadda cusub ee uu soo dhisay dhawaan ra’iisul wasaaraha Soomaaliya, iyadoo ay ogolaadeen inta badan xildhibaanadii kulanka ku sugnaa.

1/21/2014 8:12 AM EST
Talaado, Janaayo 21, 2014 (HOL) — Ra’iisul wasaaraha Somalia ayaa la hadlay maanta xildhibaannada baarlamaanka Soomaaliya, isagoo sheegay in haddii la meelmariyo xukuumadda uu soo dhisi doono ciidan gaaraya 28,000 oo askari oo isugu jira kuwa dhulka, cirka iyo badda.

1/21/2014 6:11 AM EST
Talaado, Janaayo 21, 2014 (HOL) — Xilli la qaban-qaabinayo gogol nabadeen oo loo fidiyo beellihii ku dagaallamay dhawaan deegaanno ka tirsan gobolka Hiiraan, ayeey ku baaqeen guddigga nabadeynta beellaha dirirtu dhaxmartay in aan la carqaladeynin dadaallada la doonayo lagu soo afjaro colaada.

1/21/2014 6:06 AM EST
Talaado, Janaayo 21, 2014 (HOL) — Magaalada Gaalkacyo ayaa waxaa goor-dhow ka dhacay labo qarax oo is-xiga, waxayna dhaliyeen khasaare isagu jirta dhimasho iyo dhaawac.

1/21/2014 3:16 AM EST
Talaado, Janaayo 21, 2014 (HOL) — Xafiiska arrimaha siyaasadda AMISOM ayaa shalay ugu deeqay kambiyuutarro guddiga ammaanka iyo arrimaha gudaha ee baarlamaanka federaalka Soomaaliya.

1/21/2014 2:14 AM EST
Talaado, Janaayo 21, 2014 (HOL) — Guddoomiyaha xisbiga UCID oo ka mid ah asxaabta mucaaradka Somaliland, Faysal Cali Waraabe ayaa sheegay inaysan aqoonsanayn heshiiskii ay dowladda Soomaaliya iyo Somaliland ku kala saxiixdeen magaalada Istanbuul ee dalka Turkiga.

1/21/2014 1:46 AM EST
Talaado, Janaayo 21, 2014 (HOL) — Intaan ka hadlin hoos u dhaca ku yimid falalka kooxaha burcabdeedda Somalia ay kusoo qafaalan jireen maraakiibta shisheeye, bal aan xoogaa tab-taabanno dhibaatooyinka ay burcadbadeeddu abuureen. Waxaaan Xaqiiqo ah in saameyn weyn ay ku yeesheen nolosha iyo dhaqanka ummadda Soomaaliyeed.

1/21/2014 1:05 AM EST
Talaado, Janaayo 21, 2014 (HOL) — Madaxweynaha Soomaaliya, Xasan Sh. Maxamuud ayaa markii ugu horreysay ka hadlay xirnaashaha waddooyinka Muqdisho qaarkood, isagoo ku tilmaamay xrinaashahan kuwo lagu bad-baadinayo nolosha shacabka Soomaaliyeed iyo ajaanibta dalka ku sugan.