3/7/2021
Today from Hiiraan Online:  _
Wararka Maanta- Talaado, Jan 21, 2014
AMISOM oo qalab ugu deeqday baarlamanka Soomaaliya (SAWIRRO)



Talaado, Janaayo 21, 2014 (HOL) — Xafiiska arrimaha siyaasadda ciidamada Midowaga Afrika ee AMISOM ayaa shalay oo Isniin ahayd ugu deeqay guddiga amniga iyo arrimaha gudaha ee baarlamaanka federaalka Soomaaliya kambiyuutarro isugu jiray kuwo waaweyn iyo kuwa yar-yar.

Deeqdan ayaa noqonaysa wajigii saddexaad qorshe ay AMISOM ku doonayso inay ku dhiso awoodda shaqo ee guddiyada baarlamaanka Soomaaliya, iyadoo horay siminnaaro ugu qabtay guddigan iyo guddiyo kale oo baarlamaanka ka tirsan.

Wareejinta deeqdan oo ka dhacday xarunta AMISOM ee Xalane ayaa waxaa goobjoog ka ahaa ergayga Midowga Afrika ee arrimaha Soomaaliya, danjire Maxamed Saalax Anadiif, isagoo sheegay inay ka go’an tahay caawinta dowladda iyo shacabka Soomaaliya.

“Kaalmadan waxay u sahlaysaa in guddigu si fudud howlihiisa ku qabsado, waa mid qayb ka qaadanaysa dib u dhiska iyo xoojinta howlaha guddigan,” ayuu yiri dajire Anaadiif.

Deeqdan ayaa waxaa lagu wareejiyay guddoomiyaha guddiga ammaanka iyo arrimaha gudaha baarlamaanka Soomaaliya, Fowsiyo Maxamed Sheekh, iyadoo goobta ka tiri: “Shacabka Soomalaiyee iyo dowladdooda waxay uga mahadcelinayaa AMISOM taageerada joogtada ah ee ay la garab-taagan tahay. Waxaana diyaar u nahay inaan kala shaqeyno dib u dhiska Somalia iyo dib u soo celinta nabadda.”

Waa markii labaad oo AMISOM ay deeq noocan oo kale ku wreejiyaan guddiga iyadoo wajigii hore ee howshan oo sannadkii la qabtay siminnaar socday afar casho siiyay xubnaha guddigan iyo xildhibaanno baarlamaanka kuwaasoo tiradoodu gaaraysay 39-qof.

Bishii September ee sannadkii hore AMISOM waxay deeq ka koobnayd 45 kambiyuutarro, 45-shaahadood, kuraas iyo miisas ay ku wareejisay dowladda federaalka Soomaaliya.

Dhanka kale, AMISOM waxay sidoo kale tababarro siisay 160-qof oo ka tirsan shaqaalaha rayidka ah ee dowladda Soomaaliya, kuwaasoo lagu kala qabtay dalalka Rwanda, Liberia, Sierra Leone, Burundi iyo Uganda.



Maxamed X. Xuseen, Hiiraan Online
[email protected]
Muqdisho, Soomaaliya













Click here
1/21/2014 10:53 AM EST
Talaado, Janaayo 21, 2014 (HOL) — Madaxweynaha dowladda federaalka Somalia, Xasan Sheekh Maxamud ayaa soo dhaweeyey ansixintii golaha wasiirrada cusub ee xukuumadda Soomaaliya.

1/21/2014 10:00 AM EST
Talaado, Janaayo 21, 2014 (HOL) — Xildhibaannada baarlamaanka Soomaaliya ayaa goor dhow cod aqlabiyad ah ku ansixiyay xukuumadda cusub ee uu soo dhisay dhawaan ra’iisul wasaaraha Soomaaliya, iyadoo ay ogolaadeen inta badan xildhibaanadii kulanka ku sugnaa.

1/21/2014 8:12 AM EST
Talaado, Janaayo 21, 2014 (HOL) — Ra’iisul wasaaraha Somalia ayaa la hadlay maanta xildhibaannada baarlamaanka Soomaaliya, isagoo sheegay in haddii la meelmariyo xukuumadda uu soo dhisi doono ciidan gaaraya 28,000 oo askari oo isugu jira kuwa dhulka, cirka iyo badda.

1/21/2014 7:32 AM EST
Talaado, Janaayo 21, 2014 (HOL) — Maamulka degmada Gaalkacyo iyo saraakiisha caafimaadka gobolka Mudug ayaa goor-dhow tafaasiil ka bixiyay qaraxyo maanta ka dhacay magaalada Gaalkacyo.

1/21/2014 6:11 AM EST
Talaado, Janaayo 21, 2014 (HOL) — Xilli la qaban-qaabinayo gogol nabadeen oo loo fidiyo beellihii ku dagaallamay dhawaan deegaanno ka tirsan gobolka Hiiraan, ayeey ku baaqeen guddigga nabadeynta beellaha dirirtu dhaxmartay in aan la carqaladeynin dadaallada la doonayo lagu soo afjaro colaada.

1/21/2014 6:06 AM EST
Talaado, Janaayo 21, 2014 (HOL) — Magaalada Gaalkacyo ayaa waxaa goor-dhow ka dhacay labo qarax oo is-xiga, waxayna dhaliyeen khasaare isagu jirta dhimasho iyo dhaawac.

1/21/2014 2:14 AM EST
Talaado, Janaayo 21, 2014 (HOL) — Guddoomiyaha xisbiga UCID oo ka mid ah asxaabta mucaaradka Somaliland, Faysal Cali Waraabe ayaa sheegay inaysan aqoonsanayn heshiiskii ay dowladda Soomaaliya iyo Somaliland ku kala saxiixdeen magaalada Istanbuul ee dalka Turkiga.

1/21/2014 1:46 AM EST
Talaado, Janaayo 21, 2014 (HOL) — Intaan ka hadlin hoos u dhaca ku yimid falalka kooxaha burcabdeedda Somalia ay kusoo qafaalan jireen maraakiibta shisheeye, bal aan xoogaa tab-taabanno dhibaatooyinka ay burcadbadeeddu abuureen. Waxaaan Xaqiiqo ah in saameyn weyn ay ku yeesheen nolosha iyo dhaqanka ummadda Soomaaliyeed.

1/21/2014 1:05 AM EST
Talaado, Janaayo 21, 2014 (HOL) — Madaxweynaha Soomaaliya, Xasan Sh. Maxamuud ayaa markii ugu horreysay ka hadlay xirnaashaha waddooyinka Muqdisho qaarkood, isagoo ku tilmaamay xrinaashahan kuwo lagu bad-baadinayo nolosha shacabka Soomaaliyeed iyo ajaanibta dalka ku sugan.