3/7/2021
Today from Hiiraan Online:  _
Wararka Maanta- Talaado, Jan 21, 2014
Faysal Cali Waraabe: Ma Aqoonsanin Heshiiskii lagu saxiixay Turkiga



Talaado, Janaayo 21, 2014 (HOL) — Guddoomiyaha xisbiga UCID oo ka mid ah asxaabta mucaaradka Somaliland, Faysal Cali Waraabe ayaa sheegay inaysan aqoonsanayn heshiiskii ay dowladda Soomaaliya iyo Somaliland dhawaan ku kala saxiixdeen magaalada Istanbuul ee dalka Turkiga.

Faysal Cali ayaa ugu baaqay dowladda Turkiga inay faraha kala baxdo dhex-dhexaadinta Soomaaliya iyo Somaliland, isagoo xusay in wadhadallada dib loogu celiyo dalalka Britain, Norway iyo kuwo kale oo reer galbeed ah.

“Annagu haddaan UCID nahay ma aqoonsanin wixii kasoo baxay heshiiskii lagu gaaray Turkiga, waxaana u aragnaa mid jidkii uu ku socday laga weeciyay,” ayuu Faysal Waraabe ku yiri shir jaraa’id oo uu Hargeysa ku qabtay.

Guddoomiyaha xisbiga UCID ayaa hadalkiisa ku daray in waxyaabaha ay sida aadka ah ugu diiddan yihiin heshiiskaas ay ka mid tahay in la bedelay orahdii hore ee ahayd in Somaliland laga geystay xasuuq lagula bedelay in dadka la laayay oo keliya, arrintuna aysan sidaas ahayn, balse si cad oo aan gabasho lahayn loo laayay dadka reer Somaliland.

“Dhibaatadii ka dhacday Soomaaliya iyo tii ka dhacday Somaliland in la simo aad ayaan uga xunnahay, kuwii heshiiskaas saxiixayna waxaan u arkaa inay yihiin kuwo khalad ka galay reer Somaliland. Waxaan kaloo khalad u arkaa in wasiirka arrimaha dibadda ee Somaliland uu saxiixo heshiis ay ku qoran tahay inay isku mid yihiin dhibaatooyinkii ka kala dhacay Soomaaliya iyo Somaliland,” ayuu Faysal hadalkiisa ku daray.

Hoggaamiyaha UCID wuxuu shirkiisa jaraa’id ku sheegay inaan xilligan loo baahnayn in dowladda Soomaaliya wadahadallo lala galo, maadaama uu sheegay inaysan aqoonsanayn gooni-isku-taagga Somaliland, nabadda iyo maamulka ka jira iyo Somaliland weliba in loo geystay xasuuq shacabka Somaliland.

Ugu dambeyn, Faysal Cali Waraabe ayaa sheegay inuu ku talinayo in la joojiyo gabi ahaan wadahadallada lagula jiro dowladda Soomaaliya, isagoo ku daray hadalkiisa in Somaliland looga adkaaday heshiiskii lagu saxiixay Turkiga.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/21/2014 10:53 AM EST
Talaado, Janaayo 21, 2014 (HOL) — Madaxweynaha dowladda federaalka Somalia, Xasan Sheekh Maxamud ayaa soo dhaweeyey ansixintii golaha wasiirrada cusub ee xukuumadda Soomaaliya.

1/21/2014 10:00 AM EST
Talaado, Janaayo 21, 2014 (HOL) — Xildhibaannada baarlamaanka Soomaaliya ayaa goor dhow cod aqlabiyad ah ku ansixiyay xukuumadda cusub ee uu soo dhisay dhawaan ra’iisul wasaaraha Soomaaliya, iyadoo ay ogolaadeen inta badan xildhibaanadii kulanka ku sugnaa.

1/21/2014 8:12 AM EST
Talaado, Janaayo 21, 2014 (HOL) — Ra’iisul wasaaraha Somalia ayaa la hadlay maanta xildhibaannada baarlamaanka Soomaaliya, isagoo sheegay in haddii la meelmariyo xukuumadda uu soo dhisi doono ciidan gaaraya 28,000 oo askari oo isugu jira kuwa dhulka, cirka iyo badda.

1/21/2014 7:32 AM EST
Talaado, Janaayo 21, 2014 (HOL) — Maamulka degmada Gaalkacyo iyo saraakiisha caafimaadka gobolka Mudug ayaa goor-dhow tafaasiil ka bixiyay qaraxyo maanta ka dhacay magaalada Gaalkacyo.

1/21/2014 6:11 AM EST
Talaado, Janaayo 21, 2014 (HOL) — Xilli la qaban-qaabinayo gogol nabadeen oo loo fidiyo beellihii ku dagaallamay dhawaan deegaanno ka tirsan gobolka Hiiraan, ayeey ku baaqeen guddigga nabadeynta beellaha dirirtu dhaxmartay in aan la carqaladeynin dadaallada la doonayo lagu soo afjaro colaada.

1/21/2014 6:06 AM EST
Talaado, Janaayo 21, 2014 (HOL) — Magaalada Gaalkacyo ayaa waxaa goor-dhow ka dhacay labo qarax oo is-xiga, waxayna dhaliyeen khasaare isagu jirta dhimasho iyo dhaawac.

1/21/2014 3:16 AM EST
Talaado, Janaayo 21, 2014 (HOL) — Xafiiska arrimaha siyaasadda AMISOM ayaa shalay ugu deeqay kambiyuutarro guddiga ammaanka iyo arrimaha gudaha ee baarlamaanka federaalka Soomaaliya.

1/21/2014 1:46 AM EST
Talaado, Janaayo 21, 2014 (HOL) — Intaan ka hadlin hoos u dhaca ku yimid falalka kooxaha burcabdeedda Somalia ay kusoo qafaalan jireen maraakiibta shisheeye, bal aan xoogaa tab-taabanno dhibaatooyinka ay burcadbadeeddu abuureen. Waxaaan Xaqiiqo ah in saameyn weyn ay ku yeesheen nolosha iyo dhaqanka ummadda Soomaaliyeed.

1/21/2014 1:05 AM EST
Talaado, Janaayo 21, 2014 (HOL) — Madaxweynaha Soomaaliya, Xasan Sh. Maxamuud ayaa markii ugu horreysay ka hadlay xirnaashaha waddooyinka Muqdisho qaarkood, isagoo ku tilmaamay xrinaashahan kuwo lagu bad-baadinayo nolosha shacabka Soomaaliyeed iyo ajaanibta dalka ku sugan.