3/7/2021
Today from Hiiraan Online:  _
Wararka Maanta- Talaado, Jan 21, 2014
Madaxweynaha oo ka Hadlay Jidadka Xiran iyo Is-Casilaaddii Tarsan



Talaado, Janaayo 21, 2014 (HOL) — Madaxweynaha Soomaaliya, Xasan Sh. Maxamuud ayaa markii ugu horreysay ka hadlay xirnaashaha waddooyinka Muqdisho qaarkood, isagoo ku tilmaamay xrinaashahan kuwo lagu bad-baadinayo nolosha shacabka Soomaaliyeed iyo ajaanibta dalka ku sugan.

Sidoo kale, madaxweynaha ayaa ka hadlay go’aankii uu ka qaatay xilkii wasiirnimo ee loo magacaabay guddoomiyaha gobolka Banaadir iyo duqa Muqdisho Maxamuud Axmed Nuur (Tarsan), isagoo xusay in Tarsan uu howl badan soo qabtay muddadii uu xilka hayay uuna mudan yahay in loo mahadceliyo.

“Waddooyinka xiran ee Muqdisho waa kuwo lagu badbaadinayo shacabka Soomaaliyeed iyo ajaanibta. Maalin walba inta qarax la sameeyo oo 30-qof oo ajnabi ah ayaa dhimatay la yiraahdo oo dalka laga kala cararo ma ahan wax wanaagsan,” ayuu yiri madaxweyne Xasan Sheekh.

Sidoo kale, madaxweynuhu wuxuu sheegay in xirnaashaha waddooyinka qaarkood ay tahay arrin xaaladda amni ee jirta ay keentay, balse aysan noqon doonin mid joogto ah, loogana baahan yahay shacabka inay dul-qaataan; mar dhowna la furi doono.

Madaxweynaha ayaa sheegay in kooxaha amniga kasoo horjeeda ay khatar sameyn karaan haddii waddooyinkaas la furo, arrintuna ay tahay mid duruufto ay keentay, laakiinse aysan ahayn mid ujeeddo kale laga leeyahay.

Dhanka kale, madaxweynaha Soomaaliya ayaa ka hadlay go’aankii Tarsan uu ka qaatay xilkii loo magacaabay ee wasiir ku xigeenka dhallinyarada iyo isboortiga, isagoo sheegay inuu isagu khiyaar u leeyahay inuu qabto xilkaas iyo in kale, balse ay uga mahadcelinayaan howlihii uu qabtay muddadii sannadaha ahayd ee uu shaqeynayay.

“Maxamuud Axmed Nuur (Tarsan) howlo badan ayuu soo qabtay dhowrkii sano ee uu xilka hayay, wuxuu qabtayna ummadda iyo dowladduba markhaati ayuu ka yahay, balse taasi macnaheedu ma ahan in qofku uu la dhashay xilka uu hayo, waana la bedeli karaa wuxuu qabtayna waa mid ammaanteeda ay isaga u taallo, mas’uul walbana waa la bedeli karaa,” ayuu yiri madaxweyne Xasan Sheekh.

Madaxweynaha oo hadalkiis sii wata ayaa sheegay in Tarsan isagu go’aan ku gaari karo inuu qabto xilka loo magacaabay iyo inuu diido, cid ku qasbaysa aysan jirin, balse wixii uu dalka iyo dadka u qaban karo ayuu u qaban doonaa.

Hadalka madaxweynaha Soomaaliya ayaa kusoo beegmaya xilli dhawaan uu guddoomiyaha gobolka Banaadir ahna duqa Muqdisho Maxamuud Axmed Nuur (Tarsan) uu sheegay inuusan diyaar u ahayn inuu qabto xilka wasiir ku xigeennimo ee loo magacaabay.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/21/2014 10:53 AM EST
Talaado, Janaayo 21, 2014 (HOL) — Madaxweynaha dowladda federaalka Somalia, Xasan Sheekh Maxamud ayaa soo dhaweeyey ansixintii golaha wasiirrada cusub ee xukuumadda Soomaaliya.

1/21/2014 10:00 AM EST
Talaado, Janaayo 21, 2014 (HOL) — Xildhibaannada baarlamaanka Soomaaliya ayaa goor dhow cod aqlabiyad ah ku ansixiyay xukuumadda cusub ee uu soo dhisay dhawaan ra’iisul wasaaraha Soomaaliya, iyadoo ay ogolaadeen inta badan xildhibaanadii kulanka ku sugnaa.

1/21/2014 8:12 AM EST
Talaado, Janaayo 21, 2014 (HOL) — Ra’iisul wasaaraha Somalia ayaa la hadlay maanta xildhibaannada baarlamaanka Soomaaliya, isagoo sheegay in haddii la meelmariyo xukuumadda uu soo dhisi doono ciidan gaaraya 28,000 oo askari oo isugu jira kuwa dhulka, cirka iyo badda.

1/21/2014 7:32 AM EST
Talaado, Janaayo 21, 2014 (HOL) — Maamulka degmada Gaalkacyo iyo saraakiisha caafimaadka gobolka Mudug ayaa goor-dhow tafaasiil ka bixiyay qaraxyo maanta ka dhacay magaalada Gaalkacyo.

1/21/2014 6:11 AM EST
Talaado, Janaayo 21, 2014 (HOL) — Xilli la qaban-qaabinayo gogol nabadeen oo loo fidiyo beellihii ku dagaallamay dhawaan deegaanno ka tirsan gobolka Hiiraan, ayeey ku baaqeen guddigga nabadeynta beellaha dirirtu dhaxmartay in aan la carqaladeynin dadaallada la doonayo lagu soo afjaro colaada.

1/21/2014 6:06 AM EST
Talaado, Janaayo 21, 2014 (HOL) — Magaalada Gaalkacyo ayaa waxaa goor-dhow ka dhacay labo qarax oo is-xiga, waxayna dhaliyeen khasaare isagu jirta dhimasho iyo dhaawac.

1/21/2014 3:16 AM EST
Talaado, Janaayo 21, 2014 (HOL) — Xafiiska arrimaha siyaasadda AMISOM ayaa shalay ugu deeqay kambiyuutarro guddiga ammaanka iyo arrimaha gudaha ee baarlamaanka federaalka Soomaaliya.

1/21/2014 2:14 AM EST
Talaado, Janaayo 21, 2014 (HOL) — Guddoomiyaha xisbiga UCID oo ka mid ah asxaabta mucaaradka Somaliland, Faysal Cali Waraabe ayaa sheegay inaysan aqoonsanayn heshiiskii ay dowladda Soomaaliya iyo Somaliland ku kala saxiixdeen magaalada Istanbuul ee dalka Turkiga.

1/21/2014 1:46 AM EST
Talaado, Janaayo 21, 2014 (HOL) — Intaan ka hadlin hoos u dhaca ku yimid falalka kooxaha burcabdeedda Somalia ay kusoo qafaalan jireen maraakiibta shisheeye, bal aan xoogaa tab-taabanno dhibaatooyinka ay burcadbadeeddu abuureen. Waxaaan Xaqiiqo ah in saameyn weyn ay ku yeesheen nolosha iyo dhaqanka ummadda Soomaaliyeed.