3/7/2021
Today from Hiiraan Online:  _
Wararka Maanta- Isniin, Jan 20, 2014
Qaramada Midoobay oo Iiraan ku casuntay shirka Geneva II


Isniin, Janaayo 20, 2014 (HOL) — Qaramada Midoobay ayaa ku casuntay dowladda Iiraan inay kasoo qayb gasho shirka Geneva II, shirkaas oo looga arrinsanayo xaaladda dalka -ay dagaallada sokeeye ka  soconayaan- ee Suuriya iyo weliba sidii dalkaas dowlad kumeel gaar ah loogu sameyn lahaa.

Xog-hayaha guud ee Qaramada Midoobay Ban Ki-Moon ayaa sheegay inuu casumaad u fidiyey Iiraan, islamarkaana wasiirka arrimaha dibadda ee Iiraan Javad Zarif uu xaqiijiyey in Iiraan ay codsiga Qarmada Midoobay aqbashay.

Mucaaradka Suuriya ayaa sheki geliyey ka qayb galkooda shirka Geneva II, iyagoo u sababeeyey casumaadda Ban Ki-Moon uu u fidiyey xukuumadda Dahraan.

Mas’uuliyiin u hadlay mucaaradka Suuriya ayaa sheegay in Iiraan aysan xaq u lahayn inay kasoo qayb gasho shirka labo maalmood kaddib furmaya, ilaa iyo inta ay la baxayso dagaal-yahannada iyo khuburada ka joogta Suuriya, waa sida uu hadalka u dhigaye.

Dhanka kale, dowladda Maraykanka ayaa iyaduna ugu baaqday Qaramada Midoobay inay go’aankan ka laabato, tan iyo inta Iiraan ay si cad uu qeexeyso mowqifkeeda ku aaddan shirka Geneva II.

Haweenayda Af-hayeenka u ah wasaaradda arrimaha dibadda ee Maraykanka Jen Psaki ayaa lagama maarmaan ku tilmaantay in si cad loo ogaado qorshaha Iiraan ee shirka, taas iyadoo ka hadlaysay waxay tiri:

"Tani waa mid Iiraan aanay horay u samaynin, waana arrin loo baahnaa hadda kahor inay dhacdo...haddii Iiraan aysan cod dheer ku sheegin inay aqbashay go'aammadii shirka Geneve I waa in laga laabto casumaadda loo fidiyey..."

Iiraan oo xulufo la ah maamulka Bashaar Al-asad ee Suuriya, kama qayb gelin shirkii Geneva I ee dhacay sanadkii 2012.


Maxamed Salaad Xaaji Dirir, Hiiraan Online
[email protected]
Puntland, Soomaaliya














Click here
1/20/2014 10:08 AM EST
Isniin, Janaayo 20, 2014 (HOL) —Magaalo madaxda dalka Kuwait ee Kuwait waxaa kusoo dhammaaday shir muddo labo maalmood ah soconayey oo ay yeesheen baarlamaannada dalalka xubnaha ka ah ururka Jaamacadda Carabta.

1/20/2014 9:58 AM EST
Isniin, Janaayo 20, 2014 (HOL) — Kulan uu shir guddoomiye ka ahaa duqa Muqdisho ahna guddoomiyaha gobolka Banaadir, Maxamuud Axmed Nuur Tarsan oo ay wehliyeen ku xigeennadiisa ayaa lagu qabtay maanta xarunta maamulka gobolka Banaadir, kaasoo looga hadlayay adkeynta ammaanka.

1/20/2014 9:41 AM EST
Isniin, Janaayo 20, 2014 (HOL) — Hay’adda cuntada iyo beeraha adduunka u qaabilsan Qaramada Midoobay ee FAO ayaa lacag dhan 120 million oo dallar ku taageeraysa Soomaaliya sanadkan aynu ku jirno si loo hormariyo beeraha, xoolaha nool iyo waliba cuntada.

1/20/2014 7:01 AM EST
Isniin, Janaayo 20, 2014 (HOL) —Xildhibaannada Baarlamaanka Soomaaliya ayaa maanta loo qaybiyey qorshaha xukuumadda cusub ee uu maalmo kahor soo magacaabay Ra'iisul Wasaare C/weli Sheekh Axmed. Xildhibaannada ayaa fursad loo siiyey muddo 24saac ah oo ay qorshaha xukuumadda kusoo eegayaan iyagoo maalinta xigtana ka doodi doona.

1/20/2014 6:18 AM EST
Isniin, Janaayo 20, 2014 (HOL) —Kaddib markii shalay la shaaciyey in burcad-badeedka Soomaalidu ay afduubteen markab ganacsi oo marayey Badda Cas, ayaa waxaa soo baxaya warar sheegaya in kooxda weerarka geysatay aanay burcad-badeed ahayn.

1/20/2014 3:37 AM EST
Isniin, Janaayo 20, 2014 (HOL) — Baarlamaanka dalka Afrikada Dhexe ayaa maanta oo Isniin ah dooranaya madaxweyne si kumeel gaar ah dalkaas usii hoggaamiya, xilli ay sii soconayaan rabshadaha uu dhiigga badani ku daatay ee u dhexeeya dadka Muslimiinta ah iyo kuwa kale ee haysta diinta Kiristanka.

1/20/2014 2:51 AM EST
Isniin, Janaayo 20, 2014 (HOL) —Guddoomiyaha gobolka Banaadir, ahna duqa magaalada caasimadda ah ee Muqdisho, Maxamed Axmed Nuur Tarsan, ayaa sheegay in qorshe la'aanta dhanka dhismaha ee magaalada Muqdisho ay si aad ah u caawiso kororka fal-dambiyeedyada iyo weliba ammaan xumida.

1/20/2014 2:05 AM EST
Isniin, Janaayo 20, 2014 (HOL) —Magaalada Kismaayo ee xarunta maamulka Jubba, waxaa ka socota xaflad ballaaran oo lagu caleema saarayo madaxda maamulkaas, xafladdaas oo loogu magac daray Daah-furka Jubbaland.

1/20/2014 1:30 AM EST
Isniin, Janaayo 20, 2014 (HOL) —Waxaa maanta Golaha Baarlamaanka ee Soomaaliya la horkeeni doonaa barnaamijka siyaasadeed iyo qorshaha ay ku shaqeyn doonto xukuumadda cusub ee uu dhowaanta soo dhisay ra’iisul wasaare C/weli Sheekh Axmed.