3/7/2021
Today from Hiiraan Online:  _
Wararka Maanta- Isniin, Jan 20, 2014
Madaxweyne kumeel gaar ah oo loo dooranayo Afrikada Dhexe



Isniin, Janaayo 20, 2014 (HOL) — Baarlamaanka dalka Jamhuuriyadda Afrikada Dhexe ayaa maanta oo Isniin ah dooranaya madaxweyne si kumeel gaar ah dalkaas usii hoggaamiya, xilli ay sii soconayaan rabshadaha uu dhiigga badani ku daatay ee u dhexeeya dadka Muslimiinta ah iyo kuwa kale ee haysta diinta Kiristanka.

In ka badan 24 qof oo ay ku jiraan siyaasiyiin caan ah oo horay dalkaas xilal kala duwan ugasoo qabtay ayaa isu soo taagay xilka madaxweynaha, haseyeeshee guddiga doorashada oo shuruudo adag la yimid ayaa guddoomay araajida siddeed murashax oo keliya.

Shuruudaha murashaxiinta lagu xiray waxaa kamid ah: in aanu isa soo sharrixi karin qof horay ula soo shaqeeyey madaxweynihii dhowaan xafiiska banneeyey ee Michel Djotodia, qof hoggaamiye u ah mid kamida axsaabta siyaasadeed ee dalkaas ka jirta, sarkaal ka tirsan ciidamada iyo qof jamhad fallaago ah ka tirsanaa labaatankii sano ee lasoo dhaafay.

Rabshadaha diinta ku saleysan ee ka soconaya Jamhuuriyadda Afrikada Dhexe ayaa waxaa ku geeriyoodey ku dhowaad 70 qof tan iyo Jimcihii lasoo dhaafay. Shalay oo Axad ahayd, waxaa goob fagaare ah iyaga oo nool lagu gubay labo nin oo muslimiin ahaa kuwaas oo dadka dabka qabadsiiyey ay sheegeen inay horay tagsiile kiristan aha u dileen.

Xaaladda ayaa ah weli mid kacsan, waxaana xilligan dalkaas ku sugan ciidammo nabad-ilaaliyeyaal ah oo ay tiradoodu shan kun kor u dhaafeyso, ciidamadaas oo ka kala socda dhowr dal oo Afrikaan ah iyo dalka Faransiiska oo isagu horay Jamhuuriyadda Afrikada Dhexe usoo gumeystay.

Midowga Yurub saraakiil u hadlay ayaa sheegay in wax ka qabashada xaaladda dalka Afrikada Dhexe aan lagu fiirsan doonin Faransiiska oo qura, balse dhowaan Midowga Yurub uusoo diri doono 500 oo askari, kuwaas oo si gaar ah u sugi doona ammaanka garoonka diyaaradaha caalamiga ah ee caasimadda Bangui.

Rabshadaha ka soconaya Jamhuuriyadda Afrikada Dhexe ayaa soo bilowday bishii March ee sanadkii tegey, markaas oo fallaagada Seleka oo Muslimiin u badani ay soo galeen caasimadda Bangui, kaddibna ay geysteen falal isugu jirey dil, dhac iyo kufsi.

Arrintaas ayaana keentay in mileeshiyaad iskood isu abaabulay oo u badan bulshada kiristanka ahi ay iyaguna geystaan gabood-fallo ay sheegeen in ay yihiin kuwo ay ugu aar gudayaan dadka laga laayey.

Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
1/20/2014 10:08 AM EST
Isniin, Janaayo 20, 2014 (HOL) —Magaalo madaxda dalka Kuwait ee Kuwait waxaa kusoo dhammaaday shir muddo labo maalmood ah soconayey oo ay yeesheen baarlamaannada dalalka xubnaha ka ah ururka Jaamacadda Carabta.

1/20/2014 9:58 AM EST
Isniin, Janaayo 20, 2014 (HOL) — Kulan uu shir guddoomiye ka ahaa duqa Muqdisho ahna guddoomiyaha gobolka Banaadir, Maxamuud Axmed Nuur Tarsan oo ay wehliyeen ku xigeennadiisa ayaa lagu qabtay maanta xarunta maamulka gobolka Banaadir, kaasoo looga hadlayay adkeynta ammaanka.

1/20/2014 9:41 AM EST
Isniin, Janaayo 20, 2014 (HOL) — Hay’adda cuntada iyo beeraha adduunka u qaabilsan Qaramada Midoobay ee FAO ayaa lacag dhan 120 million oo dallar ku taageeraysa Soomaaliya sanadkan aynu ku jirno si loo hormariyo beeraha, xoolaha nool iyo waliba cuntada.

1/20/2014 7:01 AM EST
Isniin, Janaayo 20, 2014 (HOL) —Xildhibaannada Baarlamaanka Soomaaliya ayaa maanta loo qaybiyey qorshaha xukuumadda cusub ee uu maalmo kahor soo magacaabay Ra'iisul Wasaare C/weli Sheekh Axmed. Xildhibaannada ayaa fursad loo siiyey muddo 24saac ah oo ay qorshaha xukuumadda kusoo eegayaan iyagoo maalinta xigtana ka doodi doona.

1/20/2014 6:18 AM EST
Isniin, Janaayo 20, 2014 (HOL) —Kaddib markii shalay la shaaciyey in burcad-badeedka Soomaalidu ay afduubteen markab ganacsi oo marayey Badda Cas, ayaa waxaa soo baxaya warar sheegaya in kooxda weerarka geysatay aanay burcad-badeed ahayn.

1/20/2014 4:43 AM EST
Isniin, Janaayo 20, 2014 (HOL) — Qaramada Midoobay ayaa ku casuntay dowladda Iiraan inay kasoo qayb gasho shirka Geneva II, shirkaas oo looga arrinsanayo xaaladda dalka -ay dagaallada sokeeye ka soconayaan- ee Suuriya iyo weliba sidii dalkaas dowlad kumeel gaar ah loogu sameyn lahaa.

1/20/2014 2:51 AM EST
Isniin, Janaayo 20, 2014 (HOL) —Guddoomiyaha gobolka Banaadir, ahna duqa magaalada caasimadda ah ee Muqdisho, Maxamed Axmed Nuur Tarsan, ayaa sheegay in qorshe la'aanta dhanka dhismaha ee magaalada Muqdisho ay si aad ah u caawiso kororka fal-dambiyeedyada iyo weliba ammaan xumida.

1/20/2014 2:05 AM EST
Isniin, Janaayo 20, 2014 (HOL) —Magaalada Kismaayo ee xarunta maamulka Jubba, waxaa ka socota xaflad ballaaran oo lagu caleema saarayo madaxda maamulkaas, xafladdaas oo loogu magac daray Daah-furka Jubbaland.

1/20/2014 1:30 AM EST
Isniin, Janaayo 20, 2014 (HOL) —Waxaa maanta Golaha Baarlamaanka ee Soomaaliya la horkeeni doonaa barnaamijka siyaasadeed iyo qorshaha ay ku shaqeyn doonto xukuumadda cusub ee uu dhowaanta soo dhisay ra’iisul wasaare C/weli Sheekh Axmed.