3/7/2021
Today from Hiiraan Online:  _
Wararka Maanta- Isniin, Jan 20, 2014
Qorshaha xukuumadda cusub oo maanta lasoo gudbinayo


Isniin, Janaayo 20, 2014 (HOL) —Waxaa maanta Golaha Baarlamaanka ee Soomaaliya la horkeeni doonaa barnaamijka siyaasadeed iyo qorshaha ay ku shaqeyn doonto xukuumadda cusub ee uu dhowaanta soo dhisay ra’iisul wasaare C/weli Sheekh Axmed.

Guddiyada joogtada ah ee Baarlamaanka oo shalay kulan yeeshay ayaa shaaciyey in maanta oo Isniin ah xildhibaannada baarlamaanka loosoo gudbin doono qorshaha xukuumadda cusub.

Muddo hal maalin ah ayaa xildhibaanada fursad loo siinayaa inay kusoo indho-indheeyaan qorshaha xukuumadda cusub, sida uu sheegay Xog-hayaha Guud ee Baarlamaanka Soomaaliya C/kariin Cabdi Buux.

Soo gudbinta qorshaha xukuumadda ayaa imaanaya xilli ay hal maalin oo keliya ka harsan tahay toban maalmood oo horay ra’iisul wasaaruhu uu baarlamaanka uga codsaday in ay ugu kordhiyaan waqtiga uu kusoo magacaabayo golihiisa wasiirrada.

Xukuumadda cusub oo tiro ahaan aad uga badan middii uu hoggaaminayey ra’iisul wasaarihii kalsoonida laga laabtay ee Saacid, waxay ka kooban tahay 25 wasiir, 25 wasiir ku-xigeen iyo 5 wasiiru-dowle.

Ra’iisul wasaaraha -todobaadyo kahor lasoo magacaabay- ee C/weli Sheekh Axmed iyo golihiisa wasiirrada ee weli aanay baarlamaanku meel marin, waxaa hor yaalla hawlo adag oo ay ugu horreeyaan: sugidda ammaanka iyo horumarinta adeegyada bulshada gaar ahaan caafimaadka iyo waxbarashada.

Maxamed Salaad Xaaji Dirir, Hiiraan Online
[email protected]
Puntland, Soomaaliya














Click here
1/20/2014 10:08 AM EST
Isniin, Janaayo 20, 2014 (HOL) —Magaalo madaxda dalka Kuwait ee Kuwait waxaa kusoo dhammaaday shir muddo labo maalmood ah soconayey oo ay yeesheen baarlamaannada dalalka xubnaha ka ah ururka Jaamacadda Carabta.

1/20/2014 9:58 AM EST
Isniin, Janaayo 20, 2014 (HOL) — Kulan uu shir guddoomiye ka ahaa duqa Muqdisho ahna guddoomiyaha gobolka Banaadir, Maxamuud Axmed Nuur Tarsan oo ay wehliyeen ku xigeennadiisa ayaa lagu qabtay maanta xarunta maamulka gobolka Banaadir, kaasoo looga hadlayay adkeynta ammaanka.

1/20/2014 9:41 AM EST
Isniin, Janaayo 20, 2014 (HOL) — Hay’adda cuntada iyo beeraha adduunka u qaabilsan Qaramada Midoobay ee FAO ayaa lacag dhan 120 million oo dallar ku taageeraysa Soomaaliya sanadkan aynu ku jirno si loo hormariyo beeraha, xoolaha nool iyo waliba cuntada.

1/20/2014 7:01 AM EST
Isniin, Janaayo 20, 2014 (HOL) —Xildhibaannada Baarlamaanka Soomaaliya ayaa maanta loo qaybiyey qorshaha xukuumadda cusub ee uu maalmo kahor soo magacaabay Ra'iisul Wasaare C/weli Sheekh Axmed. Xildhibaannada ayaa fursad loo siiyey muddo 24saac ah oo ay qorshaha xukuumadda kusoo eegayaan iyagoo maalinta xigtana ka doodi doona.

1/20/2014 6:18 AM EST
Isniin, Janaayo 20, 2014 (HOL) —Kaddib markii shalay la shaaciyey in burcad-badeedka Soomaalidu ay afduubteen markab ganacsi oo marayey Badda Cas, ayaa waxaa soo baxaya warar sheegaya in kooxda weerarka geysatay aanay burcad-badeed ahayn.

1/20/2014 4:43 AM EST
Isniin, Janaayo 20, 2014 (HOL) — Qaramada Midoobay ayaa ku casuntay dowladda Iiraan inay kasoo qayb gasho shirka Geneva II, shirkaas oo looga arrinsanayo xaaladda dalka -ay dagaallada sokeeye ka soconayaan- ee Suuriya iyo weliba sidii dalkaas dowlad kumeel gaar ah loogu sameyn lahaa.

1/20/2014 3:37 AM EST
Isniin, Janaayo 20, 2014 (HOL) — Baarlamaanka dalka Afrikada Dhexe ayaa maanta oo Isniin ah dooranaya madaxweyne si kumeel gaar ah dalkaas usii hoggaamiya, xilli ay sii soconayaan rabshadaha uu dhiigga badani ku daatay ee u dhexeeya dadka Muslimiinta ah iyo kuwa kale ee haysta diinta Kiristanka.

1/20/2014 2:51 AM EST
Isniin, Janaayo 20, 2014 (HOL) —Guddoomiyaha gobolka Banaadir, ahna duqa magaalada caasimadda ah ee Muqdisho, Maxamed Axmed Nuur Tarsan, ayaa sheegay in qorshe la'aanta dhanka dhismaha ee magaalada Muqdisho ay si aad ah u caawiso kororka fal-dambiyeedyada iyo weliba ammaan xumida.

1/20/2014 2:05 AM EST
Isniin, Janaayo 20, 2014 (HOL) —Magaalada Kismaayo ee xarunta maamulka Jubba, waxaa ka socota xaflad ballaaran oo lagu caleema saarayo madaxda maamulkaas, xafladdaas oo loogu magac daray Daah-furka Jubbaland.