5/18/2021
Today from Hiiraan Online:  _
Wararka Maanta- Axad, Jan 19, 2014
Haweeney Somali ah oo ku Dhimatay Qarax ka dhacay Afgaanistaan



Axad, Janaayo 19, 2014 (HOL) — Ugu yaraan 21-qof oo ay ku jiro haweeney Soomaali ah oo haysata dhalashada Mareykanka ayaa ka dhacya magaalada Kabul ee caasimadda dalka Afgaanistaan Jimcihii lasoo dhaafay sida ay sheegeen mas’uuliyiinta dowladda dalkaas.

Weerarkan ayaa noqonaya kii ugu horreeyay oo tiro intaan le’eg oo ajnabi ah mar qura lagu dilo tan iyo markii dalkaas ay ka billowdeen howlgallada uu Mareykanku hoggaaminayo ee dalka Afghaanistan lagu xasilinayo muddo laga joogo 13-sano.

Qaraxan oo ka dhacay maqaayad ay leeyihiin dad Lubnaaniyiin ah ayaa dadkii ku dhintay 13-qof oo ka mid ah waxay ahaayeen ajaanib ay ku jirtay haweeney Somali-Mareykan ah oo lagu magcaabi jiray, Basro Faarax Xasan, sideedda qof ee kalena Afganistaaniyiin ayay ahaayeen.

Basro oo la dhalatay qoraaga Soomaaliyeed ee Nuuradiin Faarax ayaa waxay ka mid ahayd saddex qof oo u shaqeynayay hay'adaha Qaramada Midoobay oo qaraxaas ku geeriyooday, iyadoo u shaqeynaysay hay’adda UNICEF qaybteeda nafaqeynta deg-degga ah.

Ajaanibta kale ee qaraxa ku dhintay ayaa waxay u kala dhasheen dalalka Canada, Lubnaan, Denmark, Ruushka, Malaysiya, Mareykanka iyo kuwo kale, iyadoo dadkan ay howlo kala duwan ka hayeen dalkaas.

Qaraxan ayaa waxaa cambaareeyay golaha amniga ee Qaramada Midoobay, ururka NATO, Aqalka Cad ee Mareykanka iyo Midowga Yurub, iyagoo ku tilmaamay mid axmaqnimo ah oo dhibaato badan u geystay dad rayid ah.

“Weerarkan lagu dilay dadka shacabka ah ma ahan mid cudur-daar loo heli karo. Dadka ku dhintay weerarka waxay ahaayeen kuwo mar walba u taagan caawinta shacabka dalkaas si ay mustaqbal wanaagsan, dhaqaale iyo waxbarasho u helaan,” sidaa waxaa lagu yiri qoraal kasoo baxay Aqalka Cad ee Mareykanka.

Xoghayaha guud ee Qaramada Midoobay, Ban Ki-Moon ayaa weerarkan ku sifeeyay mid aan la aqbali karin. Isagoo yiri: “Weerarkan waa mid si weyn uga horimaanaya sharciyada caalamiga ah. Kuwii geystay waa in lasoo qabto oo lala xisaabtamo. Innagu waxaan ballan-qaadaynaa inaan sii wadi doonno howsha lagu soo celinayo nabadgalyada, horumarka iyo xasilloonida Afgaanistan.”

Mas’uuliyadda weerarkan ayaa waxaa sheegatay Daalibaan, iyagoo xusay in uu ahaa mid ay uga jawaabayaan howlgal uu Mareykanku ka fuliyay gobolka Parwan oo dad shacab ah lagu laayay.

“Weerarrada la midka ah kii lagu qaaday baarka lagu cunteeyo waa kuwo sii socon doona oo aan la beegsanayno ajaanibta,” ayuu fariin qoraal ah ku sheegay afhayeenka Daalibaan, Zabihullah Mujahid. Isagoo intaas ku daray in goobta ay ahayd goob ay gaaladu khamriga ku cabi jireen.

Hoteelka iyo baarka la weeraray ayaa waxaa lahaa Lubaaniyiin, iyadoo inta badan ay wax ka cuni jireen degina jireen dadka shisheeyaha ah ee magaalada Kabul ka howlgala.

Maxamed X. Xuseen, Hiiraan Online
[email protected]
Muqdisho, Soomaaliya












Click here
1/19/2014 1:02 PM EST
Axad, Janaayo 19, 2014 (HOL) — Wasiirka amniga Qaranka dowladda Somalia, C/kariin Xuseen Guuleed iyo wasiirka arrimaha dibadda Somaliland, Maxamed Biixi Yoonis oo kala hoggaaminayay wafdiyadii dowladda Somalia iyo Somaliland ayaa ka warbixiyay heshiiskii ay maanta ku kala saxiixdeen magaalada Istanbuul ee dalka Turkiga.

1/19/2014 12:01 PM EST
Axad, Janaayo 19, 2014 (HOL) — Booliiska Somaliland ayaa sheegay inay u taxaabeen xabsiga nin tooreey ku dhaawacay Sheekh Maxamed Haybe oo ka mid ah culummada Somaliland, xilli uu kasoo baxay habeen hore muxaadaro ku saabsanayd dhalashada Nebi Muxammed (NNKH) oo uu ka jeedinayay masaajid ku yaalla magaalada Hargeysa.

1/19/2014 9:52 AM EST
Axad, Janaayo 19, 2014 (HOL) — Guddiyada joogtada ah ee baarlamaanka Soomaaliya ayaa maanta kulan ay ku yeesheen magaalada Muqdisho waxay ku go’aamiyeen in berri oo Isniin ah la horkeeno baarlamaanka xukuumadda cusub ee uu dhawaan soo dhisay ra’iisul wasaaraha Soomaaliya, C/weli Sh. Axmed Maxamed.

1/19/2014 9:31 AM EST
Axad, Janaayo 19, 2014 (HOL) — Dowladda Somalia iyo Somaliland ayaa heshiis hordhac ah maanta ku kala saxiixday magaalada Istanbuul ee dalka Turkiga, kaddib wadahadallo saddex maalmood qaatay oo ay halkaas ku yeesheen.

1/19/2014 8:49 AM EST
Axad, Janaayo 19, 2014 (HOL) — Wafdi ballaaran oo uu horkacayo ra'isul wasaarihii hore ee Soomaaliya Prof: Cali Max'ed Geedi ayaa maanta kasoo dagay garoonka diyaaraha magaalada Kismaayo, iyadoo wafdigan uu kasoo kicitimay magaalada Nairobi ee caasimadda dalka Kenya.

1/19/2014 8:36 AM EST
Axad, Janaayo 19, 2014 (HOL) — Kulan looga arrinsanayay sidii loo taageeri lahaa dadkii ku waxyeeloobay dab dhashay qarax ka dhacay guri ay dad Soomaaliyeed iyo qoomiyado kale deggenaayeen oo ku yaalla magaalada Minneapolis, iyadoo qaybta hoose ee guriga uu ku yaallay dukaan aad looga ganacsan jiray loona yaqaanay Utanga Halal Market oo bishan billwogeedii uu dab qabsaday.

1/19/2014 8:35 AM EST
Axad, Janaayo 19, 2014 (HOL) — Waxaa dib-u-dhac uu ku yimid safar uu maanta ku tagi lahaa magaalada Kismaayo madaxweyne ku xigeenka Puntland, C/xakiim C/llaahi Cumar (Camey) iyo wafdi uu hoggaaminayo oo Gaalkacyo soo gaaray.

1/19/2014 7:01 AM EST
Axad, Janaayo 19, 2014 (HOL) — Maddaxweynaha Soomaaliya, Xasan Shiikh Maxamud ayaa maanta waraaqihii aqoonsiga ka guddoomay safiirka cusub ee dalka Japan u fariisanaya Soomaaliya, Tatsushi Terada.

1/19/2014 6:05 AM EST
Axad, Janaayo 19, 2014 (HOL) — Burcad badeedda Soomaalida ayaa markabkii ugu horeyey ku qafaashay xeebaha Soomaaliya tan iyo intii la guda galay sanadka cusub ee 2014, waxaana markabkan oo lagu magacaabo MV Marzooqah iyo shaqaalihii saarnaa uu iminka gacanta ugu jiraa kooxihii afduubtay.

1/19/2014 6:01 AM EST
Axad, Janaayo 19, 2014 (HOL) — Magaalada Kismaayo ee gobolka Jubbada Hoose ayaa waxaa maanta lagu soo rogay bandow, iyadoo la joojiyay gabi ahaan isku socodka gaadiidka, dadka iyo ganacsiga guud ee magaalada.

1/19/2014 4:21 AM EST
Axad, Janaayo 19, 2014 (HOL) —Magaalada Gaalkacyo ee xarunta gobolka Mudug waxaa goor dhow soo gaarey wafdi ballaaran oo uu hoggaaminayo madaxweyne ku-xigeenka Puntland C/xakiim C/laahi Cumar (Camey).

1/19/2014 2:16 AM EST
Axad, Janaayo 19, 2014 (HOL) —Waxaa maanta lagu wadaa in uu soo idlaado wejiga saddexaad ee wada-hadalladii Soomaaliya iyo Somaliland dhowrkii maalmood ee lasoo dhaafay uga soconayey magaalada Istanbul ee dalka Turkiga.

1/19/2014 1:37 AM EST
Axad, Janaayo 19, 2014 (HOL) —Waxaa magaalada London ee xarunta dalka Ingiriiska ku geeriyoodey weriye caan ahaa oo ka tirsanaa BBC-da qaybta layska arko ee la hadasha caalamka.

1/19/2014 12:41 AM EST
Axad, Janaayo 19, 2014 (HOL) —Kulan ay isugu yimaadeen ganacsatada reer Puntland oo ka dhacay Rugta Ganacsiga iyo Wershedaha ee Puntland, ayaa waxaa si diirran loogu soo dhoweeyey islamarkaana hambalyo loogu diray madaxweynaha iyo madaxweyne ku-xigeenka cusub ee Puntland.