3/7/2021
Today from Hiiraan Online:  _
Wararka Maanta- Axad, Jan 19, 2014
Prof. Cali Max'ed Geeddi oo lagu soo dhaweeyay Kismaayo (Sawirro)



Axad, Janaayo 19, 2014 (HOL) — Wafdi ballaaran oo uu horkacayo ra'isul wasaarihii hore ee Soomaaliya Prof: Cali Max'ed Geedi ayaa maanta kasoo dagay garoonka diyaaraha magaalada Kismaayo, iyadoo wafdigan uu kasoo kicitimay magaalada Nairobi ee caasimadda dalka Kenya.

Wafdigan oo ay kamid ahaayeen ganacsato, xildhibaan ka tirsan baarlamanka Kenya iyo siyaasiyiin kale ayaa waxa ay u yimadeen si ay uga qeybqaataan munaasibadda caleemosaarka madaxweeynaha maamulka Jubba Axmed Max'ed Islaam (Axmed Madoobe), taasoo la filayo in ay dhacdo maalinta berito ah.

Wafdigan ayaa markii uu kasoo dagay garoonka waxaa soo dhaweeyay madax ay kamid yihiin madaxweeyne kuxigeenka maamulka Jubba Jen C/laahi Sheekh Ismaaciil (Fartaag), wasiirro ka tirsan maamulka Jubba iyo masuuliyiin kale.

HALKAN KA DAAWO SAWIRRO BADAN:

Shir jaraa'id oo masuuliyiinta maamulka Jubba iyo wafdigii uu hogaaminayay Prof: geedi ay ku wada qabteen gudaha garoonka diyaaradaha KIsmaayo ayaa waxa ugu horeyn ka hadlay Madaxweeyne kuxigeenka maamulka Jubba Jen. Fartaag, waxa uuna sheegay in uu aad ugu faraxsanyahay wafdigan ballaaran ee uu hogaaminayo ee maanta soo gaaray Kismaayo.

Intaa kadib ayaa waxa isna goobta ka hadlay Ra'isul wasaarihii hore ee Soomaaliya Prof: Cali Max'ed Geedi, kaasoo sheegay in uu ku faraxsanyaay in uu maanta kasoo dago Kismaayo, isagoo sheegay in uu ka qeybqaadan doono xafladda caleemo saarka madaxweeynaha maamulka Jubba ee dhici doonta maalinta berito ah.

Sidoo kale goobta ayaa waxa ka hadlay Xildhibaan Naasir Macalim Cartan oo katirsan baarlamanka Kenya oo isna goobta ka hadlay ayaa sheegay in ku faraxsanyahay in uu maanta soo caga dhigto Soomaaliya isagoo sheegay in uusan weligii iman Soomaaliya oo ay tahay markii ugu horeeysay, wuxuuna xusay in uu u yimid in uu ka qeybqaato caleemosaarka madaxweeynaha maamulka Jubba.

Dhinaca kale waxaa la filayaa in magaalada ay Kismaayo ay soo gaaraan maalinta berito ah wufuud ka kala iman Doonta Muqdisho iyo Garoowe.

Xasan Nuur, Hiiraan Online
[email protected]
Kismaayo-Soomaaliya













Click here
1/19/2014 1:02 PM EST
Axad, Janaayo 19, 2014 (HOL) — Wasiirka amniga Qaranka dowladda Somalia, C/kariin Xuseen Guuleed iyo wasiirka arrimaha dibadda Somaliland, Maxamed Biixi Yoonis oo kala hoggaaminayay wafdiyadii dowladda Somalia iyo Somaliland ayaa ka warbixiyay heshiiskii ay maanta ku kala saxiixdeen magaalada Istanbuul ee dalka Turkiga.

1/19/2014 12:01 PM EST
Axad, Janaayo 19, 2014 (HOL) — Booliiska Somaliland ayaa sheegay inay u taxaabeen xabsiga nin tooreey ku dhaawacay Sheekh Maxamed Haybe oo ka mid ah culummada Somaliland, xilli uu kasoo baxay habeen hore muxaadaro ku saabsanayd dhalashada Nebi Muxammed (NNKH) oo uu ka jeedinayay masaajid ku yaalla magaalada Hargeysa.

1/19/2014 11:43 AM EST
Axad, Janaayo 19, 2014 (HOL) — Ugu yaraan 21-qof oo ay ku jiro haweeney Soomaali ah oo haysata dhalashada Mareykanka ayaa ka dhacya magaalada Kabul ee caasimadda dalka Afgaanistaan Jimcihii lasoo dhaafay sida ay sheegeen mas’uuliyiinta dowladda dalkaas.

1/19/2014 9:52 AM EST
Axad, Janaayo 19, 2014 (HOL) — Guddiyada joogtada ah ee baarlamaanka Soomaaliya ayaa maanta kulan ay ku yeesheen magaalada Muqdisho waxay ku go’aamiyeen in berri oo Isniin ah la horkeeno baarlamaanka xukuumadda cusub ee uu dhawaan soo dhisay ra’iisul wasaaraha Soomaaliya, C/weli Sh. Axmed Maxamed.

1/19/2014 9:31 AM EST
Axad, Janaayo 19, 2014 (HOL) — Dowladda Somalia iyo Somaliland ayaa heshiis hordhac ah maanta ku kala saxiixday magaalada Istanbuul ee dalka Turkiga, kaddib wadahadallo saddex maalmood qaatay oo ay halkaas ku yeesheen.

1/19/2014 8:36 AM EST
Axad, Janaayo 19, 2014 (HOL) — Kulan looga arrinsanayay sidii loo taageeri lahaa dadkii ku waxyeeloobay dab dhashay qarax ka dhacay guri ay dad Soomaaliyeed iyo qoomiyado kale deggenaayeen oo ku yaalla magaalada Minneapolis, iyadoo qaybta hoose ee guriga uu ku yaallay dukaan aad looga ganacsan jiray loona yaqaanay Utanga Halal Market oo bishan billwogeedii uu dab qabsaday.

1/19/2014 8:35 AM EST
Axad, Janaayo 19, 2014 (HOL) — Waxaa dib-u-dhac uu ku yimid safar uu maanta ku tagi lahaa magaalada Kismaayo madaxweyne ku xigeenka Puntland, C/xakiim C/llaahi Cumar (Camey) iyo wafdi uu hoggaaminayo oo Gaalkacyo soo gaaray.

1/19/2014 7:01 AM EST
Axad, Janaayo 19, 2014 (HOL) — Maddaxweynaha Soomaaliya, Xasan Shiikh Maxamud ayaa maanta waraaqihii aqoonsiga ka guddoomay safiirka cusub ee dalka Japan u fariisanaya Soomaaliya, Tatsushi Terada.

1/19/2014 6:05 AM EST
Axad, Janaayo 19, 2014 (HOL) — Burcad badeedda Soomaalida ayaa markabkii ugu horeyey ku qafaashay xeebaha Soomaaliya tan iyo intii la guda galay sanadka cusub ee 2014, waxaana markabkan oo lagu magacaabo MV Marzooqah iyo shaqaalihii saarnaa uu iminka gacanta ugu jiraa kooxihii afduubtay.

1/19/2014 6:01 AM EST
Axad, Janaayo 19, 2014 (HOL) — Magaalada Kismaayo ee gobolka Jubbada Hoose ayaa waxaa maanta lagu soo rogay bandow, iyadoo la joojiyay gabi ahaan isku socodka gaadiidka, dadka iyo ganacsiga guud ee magaalada.

1/19/2014 4:21 AM EST
Axad, Janaayo 19, 2014 (HOL) —Magaalada Gaalkacyo ee xarunta gobolka Mudug waxaa goor dhow soo gaarey wafdi ballaaran oo uu hoggaaminayo madaxweyne ku-xigeenka Puntland C/xakiim C/laahi Cumar (Camey).

1/19/2014 2:16 AM EST
Axad, Janaayo 19, 2014 (HOL) —Waxaa maanta lagu wadaa in uu soo idlaado wejiga saddexaad ee wada-hadalladii Soomaaliya iyo Somaliland dhowrkii maalmood ee lasoo dhaafay uga soconayey magaalada Istanbul ee dalka Turkiga.

1/19/2014 1:37 AM EST
Axad, Janaayo 19, 2014 (HOL) —Waxaa magaalada London ee xarunta dalka Ingiriiska ku geeriyoodey weriye caan ahaa oo ka tirsanaa BBC-da qaybta layska arko ee la hadasha caalamka.

1/19/2014 12:41 AM EST
Axad, Janaayo 19, 2014 (HOL) —Kulan ay isugu yimaadeen ganacsatada reer Puntland oo ka dhacay Rugta Ganacsiga iyo Wershedaha ee Puntland, ayaa waxaa si diirran loogu soo dhoweeyey islamarkaana hambalyo loogu diray madaxweynaha iyo madaxweyne ku-xigeenka cusub ee Puntland.