3/7/2021
Today from Hiiraan Online:  _
Wararka Maanta- Axad, Jan 19, 2014
Dadkii ku Waxyeeloobay dabkii Minnesota oo la caawinayo (Sawirro)



Axad, Janaayo 19, 2014 (HOL) — Kulan looga arrinsanayay sidii loo taageeri lahaa dadkii ku waxyeeloobay dab dhashay qarax ka dhacay guri ay dad Soomaaliyeed iyo qoomiyado kale deggenaayeen oo ku yaalla magaalada Minneapolis, iyadoo qaybta hoose ee guriga uu ku yaallay dukaan aad looga ganacsan jiray loona yaqaanay Utanga Halal Market oo bishan billwogeedii uu dab qabsaday.

Kulanka oo ka dhacay xarunta ururka isku-tagga jaaliyadda Soomaaliyeed ee Minnesota ayaa waxaa kasoo qayb-galay culummaa’udiinka masaajidda, sharci-yaqaano, xubnaha u adeeega bulashada iyo qaar ka mid ah dadkii dhibaatadu gaartay.

Waxaa ugu horreeyn ka hadlay Shiikh C/salaam Shariif oo guddoomiye KMG ah ka ah guddi ay iska soo xuleen madaxda dagmada iyo Soomaalida xaafadaas, Cabdisalaan wuxuu sheegay in illaa hadda tirada dhimashadu ay marayso saddex qof oo labo Soomaali tahay, dadkii dhaawaca ahaa labo qof wali xaaladdoodu ay aad u liidato, intii soo bogsatayna uu dhib ka haysto deegaanka iyagoo gabi ahaanba aan haysan wax waraaqo aqoonsi ah ay oo ay guryo ku kireysan karaan, dadka qaarkood waxay u baahan yahiin adeeg gaar ah, waana inaan dagmada ka codsanaa in dadkaa wax loo qabto.

HALKAN KA DAAWO SAWIRRO BADAN:

“Waxaad moddaa awoodda aan hayno inay tahay mid aad u yar marka loo eego guddiyada aan doorannay iyo waxaan qabannay,” ayuu hadalkiisa ku billaabay Cabdirisaaq Biixi oo xaafadda dabku dhacay deggen kana mid ah dadka bulshada u adeega, isagoo sii hadlayana waxuu yiri; “Markii dhibta dhacday oo kaamitooyinka TV-yada waawaayn yaalleen waxaa inoo yimid dhammaan madaxda gobolka, kuwa degmada iyo hay’ado waawayn wixii ay ballan-qaadeen baan u baahan nahay inaan dabo-galno, halkan waxaa laga soo buuxiyay dhar dadkuna dhar kaliya uma baahna.

Qareen Soomaaliyeed oo lagu magacaabo, C/naasir C/llaahi kana hawlgala magaalada Minneapolis ayaa isaguna sharraxaad ka bixiyay wuxuu sharciga dalka Mareykanku ka qabo markii ay arrimahan oo kale dhacaan.

Cismaan Axmed Shiikh oo isna ah xubnaha guddiyada xaafadda ayaa isna sheegay in dar-dar xooggan la galiyo gargaarka dadka, wuxuuna xusay in guddigiisa illaa hadda ay dib u dajin u sameeyeen toddoba qof, labo qofna ay hadda meel u diyaarinayaan.

Ugu dambeyn, waxaa goobta ka hadlay Sheekh Cabdiraxmaan Shariif oo imam ka ah majidkii uu dabku khasaaraha u gaystay kaasoo illaa hada xiran wuxuuna dadka ku boorriyay in la isku ixsaan falo la isna gargaaro loona samro waxa dhacay, isgaoo sidoo kale dadka faray inay is kaalmaystaan waxna taraan dadkaa dhibaatadu ku dhacday.

Siyad Said Salah
[email protected]
Minneapolis, Minnesota













Click here
1/19/2014 1:02 PM EST
Axad, Janaayo 19, 2014 (HOL) — Wasiirka amniga Qaranka dowladda Somalia, C/kariin Xuseen Guuleed iyo wasiirka arrimaha dibadda Somaliland, Maxamed Biixi Yoonis oo kala hoggaaminayay wafdiyadii dowladda Somalia iyo Somaliland ayaa ka warbixiyay heshiiskii ay maanta ku kala saxiixdeen magaalada Istanbuul ee dalka Turkiga.

1/19/2014 12:01 PM EST
Axad, Janaayo 19, 2014 (HOL) — Booliiska Somaliland ayaa sheegay inay u taxaabeen xabsiga nin tooreey ku dhaawacay Sheekh Maxamed Haybe oo ka mid ah culummada Somaliland, xilli uu kasoo baxay habeen hore muxaadaro ku saabsanayd dhalashada Nebi Muxammed (NNKH) oo uu ka jeedinayay masaajid ku yaalla magaalada Hargeysa.

1/19/2014 11:43 AM EST
Axad, Janaayo 19, 2014 (HOL) — Ugu yaraan 21-qof oo ay ku jiro haweeney Soomaali ah oo haysata dhalashada Mareykanka ayaa ka dhacya magaalada Kabul ee caasimadda dalka Afgaanistaan Jimcihii lasoo dhaafay sida ay sheegeen mas’uuliyiinta dowladda dalkaas.

1/19/2014 9:52 AM EST
Axad, Janaayo 19, 2014 (HOL) — Guddiyada joogtada ah ee baarlamaanka Soomaaliya ayaa maanta kulan ay ku yeesheen magaalada Muqdisho waxay ku go’aamiyeen in berri oo Isniin ah la horkeeno baarlamaanka xukuumadda cusub ee uu dhawaan soo dhisay ra’iisul wasaaraha Soomaaliya, C/weli Sh. Axmed Maxamed.

1/19/2014 9:31 AM EST
Axad, Janaayo 19, 2014 (HOL) — Dowladda Somalia iyo Somaliland ayaa heshiis hordhac ah maanta ku kala saxiixday magaalada Istanbuul ee dalka Turkiga, kaddib wadahadallo saddex maalmood qaatay oo ay halkaas ku yeesheen.

1/19/2014 8:49 AM EST
Axad, Janaayo 19, 2014 (HOL) — Wafdi ballaaran oo uu horkacayo ra'isul wasaarihii hore ee Soomaaliya Prof: Cali Max'ed Geedi ayaa maanta kasoo dagay garoonka diyaaraha magaalada Kismaayo, iyadoo wafdigan uu kasoo kicitimay magaalada Nairobi ee caasimadda dalka Kenya.

1/19/2014 8:35 AM EST
Axad, Janaayo 19, 2014 (HOL) — Waxaa dib-u-dhac uu ku yimid safar uu maanta ku tagi lahaa magaalada Kismaayo madaxweyne ku xigeenka Puntland, C/xakiim C/llaahi Cumar (Camey) iyo wafdi uu hoggaaminayo oo Gaalkacyo soo gaaray.

1/19/2014 7:01 AM EST
Axad, Janaayo 19, 2014 (HOL) — Maddaxweynaha Soomaaliya, Xasan Shiikh Maxamud ayaa maanta waraaqihii aqoonsiga ka guddoomay safiirka cusub ee dalka Japan u fariisanaya Soomaaliya, Tatsushi Terada.

1/19/2014 6:05 AM EST
Axad, Janaayo 19, 2014 (HOL) — Burcad badeedda Soomaalida ayaa markabkii ugu horeyey ku qafaashay xeebaha Soomaaliya tan iyo intii la guda galay sanadka cusub ee 2014, waxaana markabkan oo lagu magacaabo MV Marzooqah iyo shaqaalihii saarnaa uu iminka gacanta ugu jiraa kooxihii afduubtay.

1/19/2014 6:01 AM EST
Axad, Janaayo 19, 2014 (HOL) — Magaalada Kismaayo ee gobolka Jubbada Hoose ayaa waxaa maanta lagu soo rogay bandow, iyadoo la joojiyay gabi ahaan isku socodka gaadiidka, dadka iyo ganacsiga guud ee magaalada.

1/19/2014 4:21 AM EST
Axad, Janaayo 19, 2014 (HOL) —Magaalada Gaalkacyo ee xarunta gobolka Mudug waxaa goor dhow soo gaarey wafdi ballaaran oo uu hoggaaminayo madaxweyne ku-xigeenka Puntland C/xakiim C/laahi Cumar (Camey).

1/19/2014 2:16 AM EST
Axad, Janaayo 19, 2014 (HOL) —Waxaa maanta lagu wadaa in uu soo idlaado wejiga saddexaad ee wada-hadalladii Soomaaliya iyo Somaliland dhowrkii maalmood ee lasoo dhaafay uga soconayey magaalada Istanbul ee dalka Turkiga.

1/19/2014 1:37 AM EST
Axad, Janaayo 19, 2014 (HOL) —Waxaa magaalada London ee xarunta dalka Ingiriiska ku geeriyoodey weriye caan ahaa oo ka tirsanaa BBC-da qaybta layska arko ee la hadasha caalamka.

1/19/2014 12:41 AM EST
Axad, Janaayo 19, 2014 (HOL) —Kulan ay isugu yimaadeen ganacsatada reer Puntland oo ka dhacay Rugta Ganacsiga iyo Wershedaha ee Puntland, ayaa waxaa si diirran loogu soo dhoweeyey islamarkaana hambalyo loogu diray madaxweynaha iyo madaxweyne ku-xigeenka cusub ee Puntland.