3/7/2021
Today from Hiiraan Online:  _
Wararka Maanta- Sabti, Jan 18, 2014
Gabdho u Shaqeynayay Hay’ad Samafal oo lagu Qafaaashay G/Bay


Sabti, Janaayo 18, 2014 (HOL) — Saddex gabdhood oo u shaqeynayay hay’adda maxaliga ah ee GREDA oo wada-shaqeyn la leh hay’adda NRC ayaa maanta lagu qafaashay deegaanka Goof-gaduud Shabeelow ee gobolka Bay.

Warar ayaa sheegaya in haweenkaas oo la sheegay inay howlo caafimaad ka  wadeen deegaankaas oo ay ku sugan yihiin ciidamada dowladda Soomaaliya iyo kuwa AMISOM ay gacanta ku dhigeen xoogag taageersan Al-shabaab.

Mid ka mid ah gabdhaha la afduubtay oo la yiraahdo Sucaado Ibraahim Bayow ayaa aabaheed Ibraahim Bayow waxuu guddoomiye degmo ka ahaan jiray magaalada Baydhabo.

Labadii toddobaad ee lasoo dhaafay ayaa sidan oo kale shaqaale caafimaad oo u shaqeynayay hay’adda caafimaadka adduunka ee WHO looga afduubay duleedka degmada Buurhakaba ee gobolka Bay iyo degmada Waajid oo ka tirsan gobolka Bakool.

Sidoo kale, wararka ayaa waxay sheegayaan in Al-shabaab ay gacanta ku hayaan 16 qof oo u shaqeynayay hay’ado samafal, kuwaasoo laga kala afduubay gobollada Bakool. Bay iyo Jubbada dhexe, waxayna intooda badan u shaqeynayeen ha’yadaha WHO iyo BISHA CAS.

Al-shabaab ayaa ku eedeeya hay’adaha gargaarka inay faraha kula jiraan howlo aanay shaqo ku lahayn, sida inay xogo bixiyaan, taasoo ay dhowr jeer uga digtay hay’adaha samafalka, loona maleynayo in arrintaas ay la xiriirto afuuubyada ay u geysanayaan shaqaalaha samafalka.

Dhanka kale, Al-shabaab ayaa dhawaan soo saaray amar ay ku sheegayso in ay Internet-ka ka jarayaan gobollada Koonfureed ee Soomaaliya gaar ahaan deegaannada ay ka talinayaan.

Hiiraan Online, Baydhabo













Click here
1/18/2014 10:29 AM EST
Sabti, Janaayo 18, 2014 (HOL) — Maxkamada gobolka Banaadir ayaa maanta ku ridday xukunno kala duwan eedeysanayaal loo haystay dambiyo kala duwan; kuwaasoo saddex ka mid ah lagu xukumay dil toogasho.

1/18/2014 9:25 AM EST
Sabti, Janaayo 18, 2014 (HOL) — Kulan maanta ka dhacay xarunta ururka horumarinta haweenka Soomaaliyeed ee SWDC oo ay ka qaybagleen qaar ka mid ah haweenka Soomaaliyeed ayaa waxaa looga soo horjeestay qaabka loosoo magacaabay golaha wasiirada cusub ee Soomaaiya.

1/18/2014 9:04 AM EST
Sabti, Janaayo 18, 2014 (HOL) — Tan iyo wixii ka danbeeyay markii ra’isul wasaaraha xukuumadda federaalka Soomaaliya Mudane C/weli Sheekh Axmed uu ku dhawaaqay golihii cusub ee wasiirada ayaa waxa isa soo tarayay aragtiyo kala duwan oo ay shacabka Soomaaliyeed ka dhiibanayeen Tirada wasiirada cusub ee lagu dhawaaqay, iyadoo qaar kamid ah dadka ay soo dhaweeyeen halka qaar kalena ay dhaliileen.

1/18/2014 8:58 AM EST
Sabti, Janaayo 18, 2014 (HOL) — Mas’uuliyiinta maamulka gobolka Hiiraan iyo xubno ka socday hay’addaha samafalka ayaa kormeer ku tagay deegaannaddii dhawaan lagu dagaallamay ee gobolka Hiiraan.

1/18/2014 3:21 AM EST
Sabti, Janaayo 18, 2014 (HOL) —Waxaa soo gaba gaboobay ololihii xoolalaha loogu uruurinayey dadkii reer guuraaga u badnaa ee ku cayroobey duufaannadii ka dhacay Puntland iyadoo xoolo gaaraya 11kun oo neef loo qaybshay qoysas gaaraya 656 kuwaasi oo xaadir ahaa halka lagu qaybinayay xoolaha oo ah duleedka degmada Qarxis oo ka tirsan gobolka Nugaal.

1/18/2014 2:29 AM EST
Sabti, Janaayo 18, 2014 (HOL) — Waxaa maalmahan ka socday waqooyiga gobolka Sool dadaallo lagu dhex-dhexaadinayo beelo uu dagaal ku dhex-maray deegaanka Docolaha, iyadoo lagu guuleystay in heshiis laga gaaro colaaddaas lana kala qaado ciidamadii dagaalamay.

1/18/2014 2:00 AM EST
Sabti, Janaayo 18, 2014 (HOL) — Madaxweynaha cusub ee Puntland, C/weli Maxamed Cali Gaas ayaa hadal uu jeedinayay ku sheegay inay wali Puntland ka dhowrayso dowladda faderaalka Soomaaliya ballan-qaadkii halka milyan ee doollar ahaa oo ay u ballanqaadday Puntland markii deegaanno ka mid ah Puntland ay ku dhufatay duufaanta sannadkii hore.

1/18/2014 1:59 AM EST
Sabti, Janaayo 18, 2014 (HOL) — Mas’uulkii labaad oo ka tirsan wasiirrada cusub ee xukuumadda Somalia ayaa shalay gellinkii dambe ku dhawaaqay inuu iska casilay xilka loo magacaabay oo ah wasiir ku xigeen.