3/7/2021
Today from Hiiraan Online:  _
Wararka Maanta- Sabti, Jan 18, 2014
Colaad ka Taagnayd Gobolka Sool oo heshiis laga gaaray (SAWIRRO)



Sabti, Janaayo 18, 2014 (HOL) — Waxaa maalmahan ka socday waqooyiga gobolka Sool dadaallo lagu dhex-dhexaadinayo beelo uu dagaal ku dhex-maray deegaanka Docolaha, iyadoo lagu guuleystay in heshiis laga gaaro colaaddaas lana kala qaado ciidamadii dagaalamay.

Howsha dib u heshiisiinta ah ayaa waxay ka dhacday tuulada Jidhaan-buul oo 100-km Waqooyi kaga beegan magaalada Laascaanood, iyadoo labada dhinac ay ku heshiiyeen in nabadda la gunto oo ciidamada la kala qaado, kaddibna la isugu yimaado kulan wixii dhacay lagaga arrinsanayo.

Wafti uu horkacayay wasiirka arrimaha gudaha maamulka Somaliland, Cali Maxamed Waran-cadde ayna ka mid ahaayeen wasiirto, wasiir ku xigeenno, xildhibaano, madax-dhaqameed iyo wax-garad oo howsha dib u heshiisiinta ah waday ayaa ballanqaaday inay la ilaalin doonaan sugida nabada labada beelood iyo sidii loo fulin lahaa heshiisyada la gaaray.

Culummada ayaa iyagu si weyn uga hadlay nabadda iyo diintu waxay ka qabto, dilka qof muslin ah iyo ciqaabta sugaysa ruux dila ruux muslim ah iyo ka kaalmeeya iyo dhaarta oo fulinteedu tahay mid sharci ah qofkii jabiyana uu sugayo ciqaab adduun iyo mid aakhiraba.

Labada dhinaca ayaa ballan-qaaday inay fulinayaan nabada la guntay iyadoo laga dhaariyay labada dhinac 50 waayeel ah inay daacad ka yihiin heshiiska, waxayna labada dhinacba dadka hortooda ka qireen inay fulinayaan wixii la isla qaatay oo ahaa soo cilinta walaalnimadii iyo wada-noolashihii hore.

Kumannaan dad ah oo ka kala yimi deegaano kala duwan ayaa isugu yimid tuulada Jidhaan-buul kuwaasoo dhamaantood u socday sidii ay qayb uga noqon lahaayeen isku soo jiidka labada beelood ee walaalaha ah ee colaadda ay afarta qof ku dhinteen dhexmartay.

Sannadkii aan soo dhaafnay ayay ahayd markii gurmad kan oo kale ah deegaannadaas lagu qabtay, kaddib markii laba beelood oo walaalo ah ay colaaddan oo kale dhexmartay taasoo lagu guulaystey soo afjarideeda.



Seynab Cabdi Warsame, Hiiraan Online
[email protected]
Laascaanood, Gobolka Sool













Click here
1/18/2014 2:24 PM EST
Sabti, Janaayo 18, 2014 (HOL) — Saddex gabdhood oo u shaqeynayay hay’adda maxaliga ah ee GREDA oo wada-shaqeyn la leh hay’adda NRC ayaa maanta lagu qafaashay deegaanka Goof-gaduud Shabeelow ee gobolka Bay.

1/18/2014 10:29 AM EST
Sabti, Janaayo 18, 2014 (HOL) — Maxkamada gobolka Banaadir ayaa maanta ku ridday xukunno kala duwan eedeysanayaal loo haystay dambiyo kala duwan; kuwaasoo saddex ka mid ah lagu xukumay dil toogasho.

1/18/2014 9:25 AM EST
Sabti, Janaayo 18, 2014 (HOL) — Kulan maanta ka dhacay xarunta ururka horumarinta haweenka Soomaaliyeed ee SWDC oo ay ka qaybagleen qaar ka mid ah haweenka Soomaaliyeed ayaa waxaa looga soo horjeestay qaabka loosoo magacaabay golaha wasiirada cusub ee Soomaaiya.

1/18/2014 9:04 AM EST
Sabti, Janaayo 18, 2014 (HOL) — Tan iyo wixii ka danbeeyay markii ra’isul wasaaraha xukuumadda federaalka Soomaaliya Mudane C/weli Sheekh Axmed uu ku dhawaaqay golihii cusub ee wasiirada ayaa waxa isa soo tarayay aragtiyo kala duwan oo ay shacabka Soomaaliyeed ka dhiibanayeen Tirada wasiirada cusub ee lagu dhawaaqay, iyadoo qaar kamid ah dadka ay soo dhaweeyeen halka qaar kalena ay dhaliileen.

1/18/2014 8:58 AM EST
Sabti, Janaayo 18, 2014 (HOL) — Mas’uuliyiinta maamulka gobolka Hiiraan iyo xubno ka socday hay’addaha samafalka ayaa kormeer ku tagay deegaannaddii dhawaan lagu dagaallamay ee gobolka Hiiraan.

1/18/2014 3:21 AM EST
Sabti, Janaayo 18, 2014 (HOL) —Waxaa soo gaba gaboobay ololihii xoolalaha loogu uruurinayey dadkii reer guuraaga u badnaa ee ku cayroobey duufaannadii ka dhacay Puntland iyadoo xoolo gaaraya 11kun oo neef loo qaybshay qoysas gaaraya 656 kuwaasi oo xaadir ahaa halka lagu qaybinayay xoolaha oo ah duleedka degmada Qarxis oo ka tirsan gobolka Nugaal.

1/18/2014 2:00 AM EST
Sabti, Janaayo 18, 2014 (HOL) — Madaxweynaha cusub ee Puntland, C/weli Maxamed Cali Gaas ayaa hadal uu jeedinayay ku sheegay inay wali Puntland ka dhowrayso dowladda faderaalka Soomaaliya ballan-qaadkii halka milyan ee doollar ahaa oo ay u ballanqaadday Puntland markii deegaanno ka mid ah Puntland ay ku dhufatay duufaanta sannadkii hore.

1/18/2014 1:59 AM EST
Sabti, Janaayo 18, 2014 (HOL) — Mas’uulkii labaad oo ka tirsan wasiirrada cusub ee xukuumadda Somalia ayaa shalay gellinkii dambe ku dhawaaqay inuu iska casilay xilka loo magacaabay oo ah wasiir ku xigeen.