3/7/2021
Today from Hiiraan Online:  _
Wararka Maanta- Sabti, Jan 18, 2014
Gaas oo sheegay inay dowladda ka sugayaan lacagtii ay balanqaaday


Sabti, Janaayo 18, 2014 (HOL) — Madaxweynaha cusub ee Puntland, C/weli Maxamed Cali Gaas ayaa hadal uu jeedinayay ku sheegay inay wali Puntland ka dhowrayso dowladda faderaalka Soomaaliya ballan-qaadkii halka milyan ee doollar ahaa oo ay u ballanqaadday Puntland markii deegaanno ka mid ah Puntland ay ku dhufatay duufaanta sannadkii hore.

Gaas, wuxuu xusay inay kula xisaabtami doonaan madaxda dowladda dhexe halka milyan ee ay u ballan-qaadeen qoysaska cayroobay, wuxuuna sheegay wixii la ballan-qaaday inay xilligan ay u baahan yihiin dadka dhibaateysan.

Sidoo kale, wuxuu hadalkiisa ku daray in wali shacabka dhibaataysan ee Puntland ay soo eegayaan dhinaca dowladda faderaalka Soomaaliya oo ay u baahan yihiin gar-gaarkii loo ballanqaaday.

"Dowladda faderaalka waxay horray u ballan-qaaday inay hal milyan oo doollar ay soo dirayso Puntland si loo caawiyo dadkii ay dhibaatadu kasoo gartay roobabkii da'ay, balse wali ballan-qaadka lagama hayo, waxaana u sheegeynaa inaan kula xisaabtami doonno balanta ay qaadeen maadaama xilligan la jooga waqtigii ay dadkaan u bahnaayeen caawin iyo dib u dajin," ayuu yiri madaxweynaha Puntland C/wali Gaas.

Hadalka madaxweynaha Puntland ayaa kusoo beegmaya xilli dowladda faderaalka Soomaaliya ay horay shaaca uga qaadday inay Puntland ugu deeqday lacag dhan hal milyan oo doollar, lacagtaaso loogu talo-galay in wax loogu qabto dadka ay dhibaatadu kasoo gaartay roobab baaxad leh oo ka da'ay dhulka xiga xeebaha.

Iimaan Maxamed,Hiiraan Online
[email protected]
Gaalkacyo, Soomaaliya













Click here
1/18/2014 2:24 PM EST
Sabti, Janaayo 18, 2014 (HOL) — Saddex gabdhood oo u shaqeynayay hay’adda maxaliga ah ee GREDA oo wada-shaqeyn la leh hay’adda NRC ayaa maanta lagu qafaashay deegaanka Goof-gaduud Shabeelow ee gobolka Bay.

1/18/2014 10:29 AM EST
Sabti, Janaayo 18, 2014 (HOL) — Maxkamada gobolka Banaadir ayaa maanta ku ridday xukunno kala duwan eedeysanayaal loo haystay dambiyo kala duwan; kuwaasoo saddex ka mid ah lagu xukumay dil toogasho.

1/18/2014 9:25 AM EST
Sabti, Janaayo 18, 2014 (HOL) — Kulan maanta ka dhacay xarunta ururka horumarinta haweenka Soomaaliyeed ee SWDC oo ay ka qaybagleen qaar ka mid ah haweenka Soomaaliyeed ayaa waxaa looga soo horjeestay qaabka loosoo magacaabay golaha wasiirada cusub ee Soomaaiya.

1/18/2014 9:04 AM EST
Sabti, Janaayo 18, 2014 (HOL) — Tan iyo wixii ka danbeeyay markii ra’isul wasaaraha xukuumadda federaalka Soomaaliya Mudane C/weli Sheekh Axmed uu ku dhawaaqay golihii cusub ee wasiirada ayaa waxa isa soo tarayay aragtiyo kala duwan oo ay shacabka Soomaaliyeed ka dhiibanayeen Tirada wasiirada cusub ee lagu dhawaaqay, iyadoo qaar kamid ah dadka ay soo dhaweeyeen halka qaar kalena ay dhaliileen.

1/18/2014 8:58 AM EST
Sabti, Janaayo 18, 2014 (HOL) — Mas’uuliyiinta maamulka gobolka Hiiraan iyo xubno ka socday hay’addaha samafalka ayaa kormeer ku tagay deegaannaddii dhawaan lagu dagaallamay ee gobolka Hiiraan.

1/18/2014 3:21 AM EST
Sabti, Janaayo 18, 2014 (HOL) —Waxaa soo gaba gaboobay ololihii xoolalaha loogu uruurinayey dadkii reer guuraaga u badnaa ee ku cayroobey duufaannadii ka dhacay Puntland iyadoo xoolo gaaraya 11kun oo neef loo qaybshay qoysas gaaraya 656 kuwaasi oo xaadir ahaa halka lagu qaybinayay xoolaha oo ah duleedka degmada Qarxis oo ka tirsan gobolka Nugaal.

1/18/2014 2:29 AM EST
Sabti, Janaayo 18, 2014 (HOL) — Waxaa maalmahan ka socday waqooyiga gobolka Sool dadaallo lagu dhex-dhexaadinayo beelo uu dagaal ku dhex-maray deegaanka Docolaha, iyadoo lagu guuleystay in heshiis laga gaaro colaaddaas lana kala qaado ciidamadii dagaalamay.

1/18/2014 1:59 AM EST
Sabti, Janaayo 18, 2014 (HOL) — Mas’uulkii labaad oo ka tirsan wasiirrada cusub ee xukuumadda Somalia ayaa shalay gellinkii dambe ku dhawaaqay inuu iska casilay xilka loo magacaabay oo ah wasiir ku xigeen.