3/7/2021
Today from Hiiraan Online:  _
Wararka Maanta- Sabti, Jan 18, 2014
Wasiir ku Xigeen Shaaciyay in uu iska Casilay Xilka loo Magacaabay`


Sabti, Janaayo 18, 2014 (HOL) — Mas’uulkii labaad oo ka tirsan wasiirrada cusub ee xukuumadda Somalia ayaa shalay gellinkii dambe ku dhawaaqay inuu iska casilay xilka loo magacaabay oo ah wasiir ku xigeen.

Xildhibaan C/kaafi Macallin Xasan ayaa sheegay inuu iska casilay xilka wasiir ku xigeenka wasaaradda Tamarta iyo Biyaha Soomaaliya, kaddib markii uu la tashaday odayaal ay isku hayb yihiin oo sheegay inaysan qaadanayn xil wasiir ku xigeen.

“Waxaan ku dhawaaqayaa maanta (Jimce) inaan iska casilay xilkii wasiir ku xigeenka ahaa ee la ii magacaabay, waxaana halkan ka caddeynayaa inay dalka ka billaabatay is-kooxeysi, nin jeclaysi iyo cadaalad-darro, taasoo ku celin karta dalka dhibaatadii uu kasoo gudbay,” ayuu xildhihbaanku shirkiisa jaraa’id ku sheegay.

Goobta uu is-casilaadda kaga dhawaaqay xildhibaanka ayaa waxaa goob-joog ka ahaa odayaal, siyaasiyiin iyo xildhibaanno ka tirsan baarlamaanka Soomaaliya, isagoo noqonaya mas’uulkii labaad oo muddo saacado ah ka tanaasula xil wasiir ku xigeen oo loo magacaabay.

Iscasilaaddan ayaa waxay kusoo beegmaysaa xilli uu isna shalay si cad u sheegay guddoomiyaha gobolka Banaadir, Maxamuud Axmed Nuur (Tarsan) inuusan diyaar u ahayn inuu qabto xilka wasiir ku xigeenka dhallinyarada iyo isboortiga oo loo magacaabay.

Mudane Tarsan ayaa sabab uga dhigay ku dhawaaqista go’aankiisa inaan lagala tashan in xilkan loo magacaabo iyo in kale, sidaa daraadeedna uu go’aansaday inuu ku dhawaaqo tanaasulkiisa.

Ra’iisul waasaraha Soomaaliya, C/weli Maxamed Axmed ayaa habeen hore xilli dambe ku dhawaaqay golihiis wasiirrada oo ka kooban 55-xubnood oo isugu jira wasiirro, wasiir ku xigeenno iyo wasiir u dowlayaal.

Weli ra’iisul wasaaruhu kama uusan hadlin is-casilaadda ay ku dhawaaqeen labada xubnood ee golihiisa cusub ee wasiirrada ka tirsan, iyadoo sidoo kale aan la ogeyn saameynta ay ku yeelan karno xukuumadda.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/18/2014 2:24 PM EST
Sabti, Janaayo 18, 2014 (HOL) — Saddex gabdhood oo u shaqeynayay hay’adda maxaliga ah ee GREDA oo wada-shaqeyn la leh hay’adda NRC ayaa maanta lagu qafaashay deegaanka Goof-gaduud Shabeelow ee gobolka Bay.

1/18/2014 10:29 AM EST
Sabti, Janaayo 18, 2014 (HOL) — Maxkamada gobolka Banaadir ayaa maanta ku ridday xukunno kala duwan eedeysanayaal loo haystay dambiyo kala duwan; kuwaasoo saddex ka mid ah lagu xukumay dil toogasho.

1/18/2014 9:25 AM EST
Sabti, Janaayo 18, 2014 (HOL) — Kulan maanta ka dhacay xarunta ururka horumarinta haweenka Soomaaliyeed ee SWDC oo ay ka qaybagleen qaar ka mid ah haweenka Soomaaliyeed ayaa waxaa looga soo horjeestay qaabka loosoo magacaabay golaha wasiirada cusub ee Soomaaiya.

1/18/2014 9:04 AM EST
Sabti, Janaayo 18, 2014 (HOL) — Tan iyo wixii ka danbeeyay markii ra’isul wasaaraha xukuumadda federaalka Soomaaliya Mudane C/weli Sheekh Axmed uu ku dhawaaqay golihii cusub ee wasiirada ayaa waxa isa soo tarayay aragtiyo kala duwan oo ay shacabka Soomaaliyeed ka dhiibanayeen Tirada wasiirada cusub ee lagu dhawaaqay, iyadoo qaar kamid ah dadka ay soo dhaweeyeen halka qaar kalena ay dhaliileen.

1/18/2014 8:58 AM EST
Sabti, Janaayo 18, 2014 (HOL) — Mas’uuliyiinta maamulka gobolka Hiiraan iyo xubno ka socday hay’addaha samafalka ayaa kormeer ku tagay deegaannaddii dhawaan lagu dagaallamay ee gobolka Hiiraan.

1/18/2014 3:21 AM EST
Sabti, Janaayo 18, 2014 (HOL) —Waxaa soo gaba gaboobay ololihii xoolalaha loogu uruurinayey dadkii reer guuraaga u badnaa ee ku cayroobey duufaannadii ka dhacay Puntland iyadoo xoolo gaaraya 11kun oo neef loo qaybshay qoysas gaaraya 656 kuwaasi oo xaadir ahaa halka lagu qaybinayay xoolaha oo ah duleedka degmada Qarxis oo ka tirsan gobolka Nugaal.

1/18/2014 2:29 AM EST
Sabti, Janaayo 18, 2014 (HOL) — Waxaa maalmahan ka socday waqooyiga gobolka Sool dadaallo lagu dhex-dhexaadinayo beelo uu dagaal ku dhex-maray deegaanka Docolaha, iyadoo lagu guuleystay in heshiis laga gaaro colaaddaas lana kala qaado ciidamadii dagaalamay.

1/18/2014 2:00 AM EST
Sabti, Janaayo 18, 2014 (HOL) — Madaxweynaha cusub ee Puntland, C/weli Maxamed Cali Gaas ayaa hadal uu jeedinayay ku sheegay inay wali Puntland ka dhowrayso dowladda faderaalka Soomaaliya ballan-qaadkii halka milyan ee doollar ahaa oo ay u ballanqaadday Puntland markii deegaanno ka mid ah Puntland ay ku dhufatay duufaanta sannadkii hore.