3/7/2021
Today from Hiiraan Online:  _
Wararka Maanta- Jimco, Jan 17, 2014
Degmada Beledweyne oo laga soo dhaweeyay Wasiirada (SAWIRRO)



Jimco, Janaayo 17, 2014 (HOL) — Kulan ay ka soo qeyb-galleen siyaasiyiin, odayaal dhaqameed, waxgarad iyo dad ka kooban qeybaha bulshada oo ka dhacay magaalada Beledweyne ee xarunta gobolka Hiiraan ayaa lagu soo dhaweeyay magacaabista xubnaha gollaha wasiirrada cusub ee xalay lagu dhawaaqay.

Guddoomiyihii hore ee gobolka Hiiraan Yuusuf Axmed Hagar [Daba-geed] oo ka mid ahaa siyaasiyiintii ka hadashay kulanka ayaa sheegay in ay si weyn u soo dhaweynayaan magacaabista gollaha wasiirrada oo sida uu sheegay lagu soo beegay waqti ay siweyn u sugayeen bulshada Soomaaliyeed.

“Kulanka maanta aan halkan ku qabanay [Beledweyne] waa mid u saabsan taageerada aynu heynno xubnaha cusub ee gollaha wasiirradda xalay lagu dhawaaqay, oo ah kuwa waqti badan la galliyay laguna soo xullay aqoonta iyo kartida ay u leeyihiin howsha Qaranka ee lagu aamminay,’’ ayuu yiri Yuusuf Dabageed.

Waxaa uu intaa ku darray Yuusuf Dabageed in bulshada ku dhaqan gobolka Hiiraan marka kasta soo dhaweynayaan nidaamka dowlliga ah,islamarkaana taageero buuxda u hayaan dowladda federaalka ee uu madaxweynaha yahay Xasan Sheekh Max’uud, waxana uu dhinaca kale fariin u dirray mudanayaasha baarlamaanka Soomaaliya.

"Xildhibaannada baarlamaanka Soomaaliya waxaan ka codsaneynaa in ay meel-mariyaan gollaha wasiirrada cusub ee la soo magacaabay oo runtii juhdi iyo waqti badan la galliyay, suurtagal ma’aha in bulshada oo dhan xilal loo magacaabo, dabcan mas’uuliyad ayaa saaran baarlamaanka, sidaa daraadeed waxaan ka fileynaa in ay gudan doonaan mas’uuliyada iyo waajibaadka saaran,’’ ayuu yiri guddoomiyihii hore ee gobolka Hiiraan.

Nabadoon Max’ed Cabdi Raaxooy oo ka qeyb-gallay kulanka ayaa sheegay in odayaasha dhaqanka gobolka siweyn u soo dhaweynayaan xukuumada cusub, isaga oo u rajeeyay in xubnaha gollaha wasiirrada in ay ka soo dhalalaan wajibaadka loo idmaday.

“Waxaan is leenahay shaqsiyaadka ama xubnaha la magacaabay dhamantood waa kuwo ka bixi kara howsha lagu aaminay, gaar ahaan marka la eego waqtiga dheer ee lagu bixiyay siddii loo soo xuli lahaa, sidaa daraadeed kaliya wixii hadda ka danbeeya bulshada Soomaaliyeed waxaa ay uga fadhisaa waxqabad,’’ ayuu yiri nabadoon Max’ed Cabdi Raaxooy.

Ra’iisal wasaaraha xukuumada Soomaaliya ayaa saqdii dhexe ee xalay ku dhawaaqay xukuumad ka kooban 55 xubnood oo siweyn loogu dhag taagayay magacaabistooda.



C/raxmaan Diini, Hiiraan Online
[email protected]
Beledweyne, Soomaaliya













Click here
1/17/2014 12:39 PM EST
Jimco, Janaayo 17, 2014 (HOL) — Ra’iisul wasaaraha Soomaaliya, C/weli Sheekh Axmed Maxamed ayaa sheegay maanta inay xukuumaddiisu sii wadi doonto dagaalka lagula jiro Al-shabaab, isagoo ku eedeeyay Al-shabaab inay kasoo horjeeddo nabadda iyo dowladnimada Soomaaliya.

1/17/2014 12:18 PM EST
Jimco, Janaayo 17, 2014 (HOL) — Booliiska Kenya ayaa maanta oo Jimco ah sheegay inay ku qabteen deegaanka Kiunga oo 15-km u jira soohdinta ay wadaagaan Soomaaliya iyo Kenya ay wadaagaan lix qof oo doonayay inay si dhuumaaleysi ah uga tallaabaan Somalia si ay ugu biiraan Al-shabaab.

1/17/2014 12:00 PM EST
Jimco, Janaayo 17, 2014 (HOL) — Magaalada Baydhabo ee gobolka Bay oo uu ka socdo shirweynaha maamul u sameynta gobollada Koonfur Galbeed ee Soomaaliya ayaa waxaa maalmahan ku qulqulayay ergooyin kala duwan oo ka imanaanaya gudaha dalka iyo dibadiisa.

1/17/2014 10:31 AM EST
Jimco, Janaayo 17, 2014 (HOL) — Duqa magaalada Minneapolis, gobolka Minnesota ee dalka Mareykanka, Betsy Hodges ayaa kaaliye dhinaca siyaasadda ah u magacowday Cabdiraxmaan Muuse oo ah siyaasi da’yar oo haysta dhalashada dalka Maraykanka ,iyadoo xilkan uu kamid yahay kuwa ugu muhiimsan ee laga qabto gobolka Minnesota.

1/17/2014 9:48 AM EST
Jimco, Janaayo 17, 2014 (HOL) — Dowladda Kenya ayaa sheegtay maanta oo Jimco ah in duqeyn ay diyaaradahooda dagaalku toddobaadkii tagay ka geystay deegaanka Birta-dheer ee gobolka Gedo ku dishay 57 xubnood oo Al-shabaab ka tirsanaa, kuwaasoo ay ku jireen lix hoggaamiye oo ajnabi ah.

1/17/2014 9:02 AM EST
Jimco, Janaayo 17, 2014 (HOL) — Munaasabad weyn oo maanta ka dhacday xarunta madaxtooyada Kismaayo islamarkaana ay kasoo qeybgaleen masuuliyiin sare oo ka tirsan maamulka Jubba, odoyaal, aqoonyahanno, siyaasiyiin iyo waxgarad kale, ayaa lagu dhaariyay Madaxweeyne ku xigeenka 2-aad iyo golihii wasiirada maamulka Jubba iyadoo sidoo kale lagu dhawaaqay laba wasiir oo ka dhinayd golaha wasiirada.

1/17/2014 8:38 AM EST
Jimco, Janaayo 17, 2014 (HOL) — Akhristayaasha Hiiraan Online ee dalka gudihiisa iyo dibaddiisa jooga ayaa hab fariin qoraaleed ah kaga bixiyay aragtiyadooda sida ay u arkaan golaha wasiirrada cusub ee xalay lasoo magacaabay.

1/17/2014 7:36 AM EST
Jimco, Janaayo 17, 2014 (HOL) — Hay’adaha PEN International, Oxfam Novib iyo Guddi u dooda qorayaasha la xiro ayaa abaalmarinno caalami ah guddoonsiiyay sannadkan sagaal ruux oo weriyaal iyo xubno u dooda xuquuqda aadanaha; kuwaasoo dalal kala duwan u dhashay, waxaana ku jira wariye, Cabdicasiis C/nuur Ibraahim oo loo xiray wareysi uu la yeeshay haweeney la fara-xumeeyay.

1/17/2014 6:34 AM EST
Jimco, Janaayo 17, 2014 (HOL) — Guddoomiyaha gobolka Banaadir ahna duqa Muqdisho Maxamuud Axmed Nuur Tarsan oo shir jaraa’id ku qabtay maanta magaalada Muqdisho ayaa sheegay inuusan doonayn inuu qabto xilka loo magacaabay ee ah wasiir ku xigeenka dhallinyarada iyo isboortiga xukuumadda Soomaaliya.

1/17/2014 12:36 AM EST
Jimco, Janaayo 17, 2014 (HOL) — Xalay gellinkii dambe ayuu ra’iisul wasaare C/weli Sh. Axmed Maxamed ku dhawaaqay xubnah golihiisa wasiirrada, kuwaasoo ka kooban 55-wasiir oo isugu jira 25-wasiir, 25-wasiir ku xigeen iyo shan wasiir u dowle.

1/17/2014 12:34 AM EST
Jimco, Janaayo 17, 2014 (HOL) — Madaxweynaha Soomaaliya, Xasan Sh. Maxamud ayaa aqbalay wasiirada cusub ee uu xalay magacaabay ra’iisul wasaaraha Soomaaliya, C/weli Sheekh Axmed Maxamed, isagoo xusay inay wasiirrada cusub yihiin kuwo khibrad iyo waayo-aragnimo leh.

1/17/2014 12:34 AM EST
Jimco, Janaayo 17, 2014 (HOL) — Wadahadallada u dhexeeya dowladda Soomaaliya iyo Somaliland ayaa galay maalintii labaad iyadoo aysan jirin wax war ah oo saxaafadda laga siiyay qodobbadii ay labadad dhinac shalay ka doodeen.