3/7/2021
Today from Hiiraan Online:  _
Wararka Maanta- Khamiis, Jan 16, 2014
Madaxweynaha deegaanka Somalida Itoobiya oo qaabilay qurbojoog



Khamiis, Janaayo 16, 2014 (HOL) — Madaxweynaha dowlad Deegaanka Soomaalida Itoobiya Cabdi Maxamuud Cumar  oo maalmihii ugu danbeeyay ku sugnaa magaalada London ee dalka Ingiriiska ayaa shirar kala duwan la qaatay qaybaha bulshada  ka soo jeedda deegaankaas ,iyaga oo kawada-hadlay arimo dhowr ah.

Kulan ay wada qaateen madaxweynaha iyo waxgaradka sagaalka gobol ee dowlad deegaanka ayaa ka dhacay safaaradda Itoobiya ay ku leedahay London ,waxaana qurba-joogta kulankaas ay warbixin kaga dhagaysteen madaxweynaha iyo wafdigiisa.

“Waan idiin kaga mahad-celinayaa markasta taageerada aad la garab taagantihiin dowladda ,waana wax loo baahan-yahay inaad laba jibaartaan “ayuu yiri madaxweynaha oo kulanka furitaankiisa ka hadlay, isagoo xusay in horumar ballaaran la gaaray sanadihi ugu danbeeyay.

Sidoo kale madaxweynaha ayaa sheegay in Itoobiyadii hore ay dhibaato badan kala kulmi jireen ka dowlad ahaan ,isla markaana aysan jiri-jirin fursado dadku ay ku heli karayeen waqtigaas  nolol wanaagsan, balse hadda uu dhacay isbadal ballaaran oo wax lagu qabsan karo.

“Runtii farqi wayn ayaa dhacay waayo xisbiga EPRDF ,wuxuu halgan dheer u soo galay in dadka dowlad deegaanka ay helaan xuquuqdooda oo dhamaystiran,“ ayuu madaxweynaha hadalkiisa ku daray.

Waxaa kaloo shirka lagu canbaareeyay kooxo gaar ah oo la sheegay in ay ka soo horjeedaan horumarka, waxaana madaxweynaha uu ugu baaqay qurba-joogtii  uu la kulmay in ay maal-gashi ku sameeyaan dhamaanba gobollada deegaanka.

Ugu danbayntii magaala madaxda dowlad deegaanka Soomaalida Itoobiya ayaa sanadkii tagay lagu qabtay xuska qowmiyadaha Itoobiya ,waxaana dhinacyadii uu madaxweynaha la shiray qaarkood ay sheegeen in ay booqan doonaan Jig-jiga si ay maal-gashi ugu sameeyaan.

Faysal Mohamed Hassan
[email protected]













Click here
1/16/2014 6:56 PM EST
Jimco, 17 January 2014(HOL)—Ra’iisal Wasaaraha Xukuumadda Federaalka Soomaaliya C/weli Sheekh Axmed Maxamed ayaa goor dhow ku dhawaaqay golaha Wasiirrada cusub ee Xukuumadda Federaalka Soomaaliya, iyadoo Munaasabadda magacaabista Golaha Wasiirrada ay ka dhacday Xarunta Madaxtooyada Villa Somalia.

1/16/2014 4:41 PM EST
Khamiis, Janaayo 16, 2014 (HOL) — Madaxweynaha Uganda, Yoweri Museveni ayaa sheegay markii ugu horreysay in ciidamadiisu ay ka dagalamaayaan, gudaha dalka ay jaarka yihiin ee Koonfurta Suudaan iyagoo gacan siinaya ciidamada dowladda dalkaas ee dagaalka kula jira mucaaradka.

1/16/2014 1:51 PM EST
Khamiis, Janaayo 16, 2014 (HOL) — Warar ay HOL ka heshay xarunta madaxtooyada Soomaaliya ayaa xaqiijinaya in lagu wado in caawa lagu dhawaaqo golaha cusub ee wasiirrada xukuumadda Soomaaliya.

1/16/2014 11:50 AM EST
Khamiis, Janaayo 16, 2014 (HOL) — Guddoonka baarlamaanka federaalka Soomaaliya ayaa maanta Muqdisho ku qaabilay safiirrada dowladaha Britain iyo Sweden u fadhiya Soomaaliya, iyadoo gudoonka uu kala hadlay safiirrada sidii ay dowladahooda kaalin ugu yeelan lahaayeen hirgelinta qorshayaasha golaha shacabka ee sannadkan 2014-ka.

1/16/2014 10:34 AM EST
Khamiis, Janaayo 16, 2014 (HOL) — Waxaa magaalada Kismaayo laga dareemayaa qaban-qaabo ballaaran oo loogu jiro xafladda caleemo-saarka hoggaamiyaha maamulka KMG Jubba iyo dhaarinta xubnaha golaha wasiirada cusub ee maamulka Jubba, taasoo la filayo in ay dhacdo maalinta isniinta ee fooda nagu soo heeyso.

1/16/2014 7:42 AM EST
Khamiis, Janaayo 16, 2014 (HOL) — Madaxweynaha dhawaan la doortay ee Puntland, C/wali Maxamed Cali Gaas ayaa maanta markii ugu horreysay la kulmay wasiirradii xukuumaddii ka horreysay ee C/raxmaan Faroole.

1/16/2014 6:32 AM EST
Khamiis, Janaayo 16, 2014 (HOL) — Wasiirka arrimaha dibadda Somaliland, Maxamed Biixi Yoonis oo hoggaaminaya wafdiga Somaliland uga qaybgalaya wadahadallada dowladda Soomaaliya iyo Somaliland yaa sheegay inaysan ka laabanayn Somaliland gooni-isku-taaggeeda oo uu yahay mid laba taabtaan ah.

1/16/2014 5:42 AM EST
Khamiis, Janaayo 16, 2014 (HOL) — Waxaa goor dhow ka furmay magaalada Istanbuul ee dalka Turkiga wahadalladii u dhexeeyay dowladda Soomaaliya iyo Somaliland, kaasoo socon doona labada maalmood ee soo socota sida uu sheegay sii hayaha xilka wasiirka arrimaha gudaha ee Soomaaliya, C/kariin Xuseen Guuleed oo hoggaaminaya wafdiga dowladda Soomaaliya.

1/16/2014 1:29 AM EST
Khamiis, Janaayo 16, 2014 (HOL) — Xarakada Al-shabaab ayaa waxay ka warbixisay weerar ay habeen hore ku qaadday degmada Mahadaay ee gobolka Shabeellada dhexe, iyagoo sheegay in dagaalkaas ay ku dileen tiro ka tirsan ciidamada dowladda Soomaaliya.

1/16/2014 1:28 AM EST
Khamiis, Janaayo 16, 2014 (HOL) — Ururka Midowga Afrika ayaa sheegay in ciidamada Itoobiya ay si rasmi ah uga mid noqon doonaan dhawaan howlgalka Midowga Afrika ee AMISOM, taasoo lagu sheegay in lagu kordhinayo tirada ciidamadan.

1/16/2014 1:27 AM EST
Khamiis, Janaayo 16, 2014 (HOL) — Dowladd Soomaaliya ayaa markii ugu horreysay ka hadashay ajaanibta dalka ku sugna oo qaarkood la afduubay, iyadoo sheegtay in ajnabigii aan dowladda u diiwaan-gashnayn wixii ku dhaca aysan mas’uul ka ahayn.