3/7/2021
Today from Hiiraan Online:  _
Wararka Maanta- Arbaco, Jan 15, 2014
Dadaallo lagu Joojinayo Colaado ka taagan Gobolka Sool (SAWIRRO)



Arbaco, Janaayo 15, 2014 (HOL) — Wadahadallo u dhexeeya dhinacyo ay dagaallo ku dhexmareen deegaanka Docolaha ayaa waxay ku dhow yihiin in guul laga gaaro, sidaa waxaa sheegay wasiirka arimaha gudaha Somaliland, Cali Maxamed Waran-cadde xilli uu ku sugnaa tuulada Guumeys oo 90-km dhinaca waqooyi kaga beegan magaalada Laascaanood.

Waran-cadde wuxuu sheegay isagoo ka war-bixinayay maalmihii ay joogeen inay u kala dab-qaadayeen labad dhinac; isla markaana ay labada dhinacba diyaar u yihiin soo af-jaridda colaadda dadka walaalaha ah dhex-taalla, isagoo xusay inay suurogal tahay maanta la isku keeno.

Sidoo kale, wasiirka oo ay wehliyeen qaar ka mid ah golaha xukuumadda, madax-dhaqameed, wax-garad iyo ururrada bulshada gobolka Sool ayaa gaarey maalin kaddib dagaal laba beel ku dhex-maray deegaanka Doclaha oo Waqooyiga gobolka Sool ku yaalla.

Labada dhinacba waxay ku dadaalayaan sidii ay u xakameyn lahaayeen malleeshiyaadka qamaamaya; iyadoo ciidan kumannaan gaarayaan ay kala dhex-joogaan haddana weli waxay dul saaran tahay nabad mid afkeed oo goor kasta waa jabi kartaa; iyadoo ay sida ay HOL u sheegayaan qaar ka mid ah deegaanka inay mar walba colaadu dib u qarxi karto.

Dad badan ayaa naawilaaya in xaaladda colaadeed oo sal-fatay shan ruux mar uun la soo af-jaro; waxaana la eegayaa gurmadka xoogga badan ee maamul iyo wax-garadba ay kusoo geeyeen deegaannadaas.



Seynab Cabdi Warsame, Hiiraan Online
[email protected]
Laascaanood, Gobolka Sool













Click here
1/15/2014 10:23 AM EST
Arbaco, Janaayo 15, 2014 (HOL) — Munaasabad ballaaran oo lagu qabtay maanta xarunta maamulka Jaamacadda SIMAD ee Muqdisho ayaa looga dhawaaqay in jaamacaddu ay hadda wixii ka dambeeya ku shaqeyn doonto habka casriga ah ee digital-ka loo yaqaan, iyadoo isticmaalaysa barnaamij lagu magacaabo Open Campus Management System (OCMS).

1/15/2014 8:25 AM EST
Arbaco, Janaayo 15, 2014 (HOL) — Muxyadiin Taruuri oo ahaa dhakhtar u jooga hay’adda WHO degmada Waajid ayaa waxaa gurigiisa ka kaxeystay xoogag ka tirsan Al-shabaab, iyadoo la sheegayo in kooxaha dhakhtarka ka xeystay ay ka yimaadeen degmada Diinsoor.

1/15/2014 8:11 AM EST
Arbaco, Janaayo 15, 2014 (HOL) — Madaxweynaha Somalia, Xasan Sheekh Maxamud ayaa maanta waraaqihii aqoonsiga ka guddoomay danjiraha dalka Faransiiska u joogi doona Soomaaliya, Remi Marechaux. Iyadoo goobta ay ku sugnayd wasiiradda sii haysa xilka wasaaradda arrimaha dibadda Somalia Fowsiyo Yuusuf Xaaji Aadan.

1/15/2014 8:10 AM EST
Arbaco, Janaayo 15, 2014 (HOL) — Marxalado kala duwan oo uu soo maray kadib waxaa heer gabo-gabo ah ku dhaw dhameystirka dhismaha masjidka Bardaha ee magaalada Beledweyne sida ay HOL u sheegeen guddiga gacanta ku haya dhismaha masjidka.

1/15/2014 7:55 AM EST
Arbaco, Janaayo 15, 2014 (HOL) — Waxaa maalinimada berri ah ka furmaya waddanka Turkiga wada hadalladii u dhaxeeyay dhinacyada Soomaaliya iyo Somaliland si meesha looga saaro waxyaabaha lagu isku khilaafsan yahay oo muddo soo socday.

1/15/2014 7:54 AM EST
Arbaco, Janaayo 15, 2014 (HOL) — Ra’iisul wasaaraha Soomaaliya Cabdiweli Sheekh Axmed Maxamed ayaa maanta kulankiisii ugu horreeyay la qaatay danjiraha Britain u fadhiya Soomaaliya, Weil Nigan. Isagoo uga mahadceliyay taageerada ay Britain siiso Soomaaliya.

1/15/2014 1:59 AM EST
Arbaco, Janaayo 15, 2014 (HOL) — Xildhibaanno ka tirsan golaha wakiillada Somaliland ayaa xukuumadda Somaliland ee uu hoggamaaminayo Siilaanyo ku eedeeyay inay is-hortaagtay biyo-gelin la doonayo in lagu sameeyaan magaalada Hargreysa oo ay dhawaanahan biyo la’aan xoogani ka jirtay.

1/15/2014 1:32 AM EST
Arbaco, Janaayo 15, 2014 (HOL) — Dowladd Soomaaliya ayaa markii ugu horreysay ka hadashay ciidammo Mareykan ah oo ku sugan Soomaaliya, kuwaasoo dhawaan ay saraakiil Mareykan ah sheegeen inay ku sugan yihiin Muqdisho.

1/15/2014 12:24 AM EST
Arbaco, Janaayo 15, 2014 (HOL) — Dagaal culus oo khasaare geystay ayaa ku dhexmaray xalay degmada Mahadaay iyo deegaanka Buurane ee gobolka Shabeellada dhexe, iyadoo xooggagga Al-shabaab ay u suurogashay inay la wareegaan deegaannadan.

1/15/2014 12:08 AM EST
Arbaco, Janaayo 15, 2014 (HOL) — Madaxweynaha Puntland, C/wali Maxamed Cali Gaas ayaa xilkii ugu horreeyay magacaabay tan iyo markii uu noqday madaxweynaha Puntland, waxaana wareegtadiisii u horreysay uu ku magacaabay agaasimaha madaxtooyada Puntland, Deeq Suleymaan Yuusuf.