3/7/2021
Today from Hiiraan Online:  _
Wararka Maanta- Arbaco, Jan 15, 2014
Safiirka France ee Somalia oo aqoonsigii laga guddoomay (SAWIRRO)



Arbaco, Janaayo 15, 2014 (HOL) — Madaxweynaha Somalia, Xasan Sheekh Maxamud ayaa maanta waraaqihii aqoonsiga ka guddoomay danjiraha dalka Faransiiska u joogi doona Soomaaliya, Remi Marechaux. Iyadoo goobta ay ku sugnayd wasiiradda sii haysa xilka wasaaradda arrimaha dibadda Somalia Fowsiyo Yuusuf Xaaji Aadan.

Danjiraha Fransiiska ayaa markii uu u gudbinayay waraaqihiisa aqoonsiga sheegay inuu madaxweynaha France, Francois Hollande u soo magacaabay xilkan isla markaana uu u sido farriin madaxweynaha Soomaaliya. Safiirka ayaa u sheegay madaxweynaha in dowladda Fransiiska ay diyaar u tahay inay sii xoojiso xiriirka qotada-dheer ee labada dal iyo sidii Soomaaliya loo xasilin lahaa.

“Booqashadaada maanta waxay calaamad u tahay horumarka ballaaran ee Soomaaliya ku tallaabsatay. Waana ka mahad-celineynaa sida Fransiiska ay diyaarka ugu yihiin inay Soomaaliya ka taageeraan dhanka amniga, xasilinta iyo maal-gashiga,” ayuu yiri madaxweynaha Soomaaliya oo hadal jeediyay.

Sidoo kale, madaxweynaha ayaa mar kale yiri: “Fransiiska waa dal il-bax ah oo maanta doonaya inuu maal-gashi ku sameeyo Somalia si loo horumariyo ganacsida iyo kheyraadka dalka. Waxaan ka mahadcelineynaa dadaallada Franca ay ku doonayso inay kor u qaado nidaamka Bankiga Dhexe ee Somalia, waxaana rajeynayaa in wadahadalladaas ay noqdaan kuwo miro-dhal ah.”

Danjiraha Faransiiska ayaa isna sheegay inay madaxweynaha uu ku casuumi doonaan dalka Fransiiska si xiriirka labada dal loo sii xoojiyo. Kulanka kaddib ayaa safiirka Fransiiska iyo wasiiradda arrimaha dibadda waxay shir jaraa’id ku wada-qabteen xarunta madaxtooyada Soomaaliya.

Labada mas’uul ayaa shirkooda kaga hadlay horumarka ay Soomaaliya halkii sano ee lasoo dhaafay ku tallabasatay iyo sida ay calaamkku u doonayaan in ay safaaradahooda dib uga furtaan Soomaaliya.




Maxamed X. Xuseen, Hiiraan Online
[email protected]
Muqdisho, Soomaaliya













Click here
1/15/2014 10:23 AM EST
Arbaco, Janaayo 15, 2014 (HOL) — Munaasabad ballaaran oo lagu qabtay maanta xarunta maamulka Jaamacadda SIMAD ee Muqdisho ayaa looga dhawaaqay in jaamacaddu ay hadda wixii ka dambeeya ku shaqeyn doonto habka casriga ah ee digital-ka loo yaqaan, iyadoo isticmaalaysa barnaamij lagu magacaabo Open Campus Management System (OCMS).

1/15/2014 8:36 AM EST
Arbaco, Janaayo 15, 2014 (HOL) — Wadahadallo u dhexeeya dhinacyo ay dagaallo ku dhexmareen deegaanka Docolaha ayaa waxay ku dhow yihiin in guul laga gaaro, sidaa waxaa sheegay wasiirka arimaha gudaha Somaliland, Cali Maxamed Waran-cadde xilli uu ku sugnaa tuulada Guumeys oo 90-km dhinaca waqooyi kaga beegan magaalada Laascaanood.

1/15/2014 8:25 AM EST
Arbaco, Janaayo 15, 2014 (HOL) — Muxyadiin Taruuri oo ahaa dhakhtar u jooga hay’adda WHO degmada Waajid ayaa waxaa gurigiisa ka kaxeystay xoogag ka tirsan Al-shabaab, iyadoo la sheegayo in kooxaha dhakhtarka ka xeystay ay ka yimaadeen degmada Diinsoor.

1/15/2014 8:10 AM EST
Arbaco, Janaayo 15, 2014 (HOL) — Marxalado kala duwan oo uu soo maray kadib waxaa heer gabo-gabo ah ku dhaw dhameystirka dhismaha masjidka Bardaha ee magaalada Beledweyne sida ay HOL u sheegeen guddiga gacanta ku haya dhismaha masjidka.

1/15/2014 7:55 AM EST
Arbaco, Janaayo 15, 2014 (HOL) — Waxaa maalinimada berri ah ka furmaya waddanka Turkiga wada hadalladii u dhaxeeyay dhinacyada Soomaaliya iyo Somaliland si meesha looga saaro waxyaabaha lagu isku khilaafsan yahay oo muddo soo socday.

1/15/2014 7:54 AM EST
Arbaco, Janaayo 15, 2014 (HOL) — Ra’iisul wasaaraha Soomaaliya Cabdiweli Sheekh Axmed Maxamed ayaa maanta kulankiisii ugu horreeyay la qaatay danjiraha Britain u fadhiya Soomaaliya, Weil Nigan. Isagoo uga mahadceliyay taageerada ay Britain siiso Soomaaliya.

1/15/2014 1:59 AM EST
Arbaco, Janaayo 15, 2014 (HOL) — Xildhibaanno ka tirsan golaha wakiillada Somaliland ayaa xukuumadda Somaliland ee uu hoggamaaminayo Siilaanyo ku eedeeyay inay is-hortaagtay biyo-gelin la doonayo in lagu sameeyaan magaalada Hargreysa oo ay dhawaanahan biyo la’aan xoogani ka jirtay.

1/15/2014 1:32 AM EST
Arbaco, Janaayo 15, 2014 (HOL) — Dowladd Soomaaliya ayaa markii ugu horreysay ka hadashay ciidammo Mareykan ah oo ku sugan Soomaaliya, kuwaasoo dhawaan ay saraakiil Mareykan ah sheegeen inay ku sugan yihiin Muqdisho.

1/15/2014 12:24 AM EST
Arbaco, Janaayo 15, 2014 (HOL) — Dagaal culus oo khasaare geystay ayaa ku dhexmaray xalay degmada Mahadaay iyo deegaanka Buurane ee gobolka Shabeellada dhexe, iyadoo xooggagga Al-shabaab ay u suurogashay inay la wareegaan deegaannadan.

1/15/2014 12:08 AM EST
Arbaco, Janaayo 15, 2014 (HOL) — Madaxweynaha Puntland, C/wali Maxamed Cali Gaas ayaa xilkii ugu horreeyay magacaabay tan iyo markii uu noqday madaxweynaha Puntland, waxaana wareegtadiisii u horreysay uu ku magacaabay agaasimaha madaxtooyada Puntland, Deeq Suleymaan Yuusuf.