3/7/2021
Today from Hiiraan Online:  _
Wararka Maanta- Arbaco, Jan 15, 2014
Xildhibaanno eedeeyay Xukuumada Somaliland & Hogaankeeda Sare


Arbaco, Janaayo 15, 2014 (HOL) — Xildhibaanno ka tirsan golaha wakiillada Somaliland ayaa xukuumadda Somaliland ee uu hoggamaaminayo Siilaanyo ku eedeeyay inay is-hortaagtay biyo-gelin la doonayo in lagu sameeyaan magaalada Hargreysa oo ay dhawaanahan biyo la’aan xoogani ka jirtay.

Mudanayaashan ayaa waxay sheegeen in xukuumaddu ay sidoo kale gabood-fallo kula kacday shirkado doonayay inay biyo-gelin ku sameeyaan xaafadaha magaalada Hargeysa ee xarunta maamulkaas.

“Waxaan ku boorrinaynaa oo aynu ka codsanaynaa madaxweynaha iyo xukuumaddiisa inay ogolaadaan in biyo-gelin lagu sameeyo Hargeysa, waayo dadku way harraadan yihiin, haddii ay kugu qamaamaanna wax kaa hor-istaagi kara ma jiraan, waxaana ku leennahay madaxweyne dadka u saxiix mashruuca biyo-gelinta,” ayuu yiri mid ka mid ah xildhibaannada shirka jaraa’id ku qabtay Hargeysa.

Xildhibaan kale oo isaguna hadlay ayaa yiri: “Arrintan waa arrin Qarana oo cid walba laga doonayo inay ka hadasho. Madaxweynaha waxaan leennahay waanu daba-galanaynaa sababta keentay in is-hortaag lagu sameeyo in la biyo-geliyo Hargeysa,” ayuu yiri xidlhibaankan kale.

Shirka jaraa’id ayay xildhibaannadu ka sheegeen in magaalada Hargeysa oo keliya ay ku sugan yihiin 100 shirkadood oo kuwaas oo loo diiday inay biyo gelin ku sameeyaan Hargeysa.

“Cid walba oo wax inoo keenta waa sadaqo gaal iyo muslim noocuu doono ha ahaadeen. Marka waa maxay sababta keenaysa in la diido howlaha ay wadaan shirkadaha ajiibay inay biyo-gelin dhameystiran ku sameeyaan Hargeysa oo weli sheegay inay dhismayaal isbitaallo ku darayaan,” ayuu is-weydiiyay mudane ka tirsan kuwii shirka jaraa’id qabtay.

Hadalka xildhibaannadan ayaa wuxuu kusoo beegmayaa iyadoo dhawaan ay magaalada Hargeysa ka dhaceen dibadbaxyo looga soo horjeedo shaqo joojin ay sameeyeen booyadaha biyaha dhaamiya ee Hargeysa, kuwaasoo ay ku dhinteen dad rayid ah kuwo kalena ku dhaawacmeen.

Ma jiro hadal kasoo baxay xukuumadda Somaliland oo ay arrinta kaga jawaab celinayso, iyadoo dadweynaha magaalada Hargeysa ay inta badan hadal hayaan arrintan.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/15/2014 10:23 AM EST
Arbaco, Janaayo 15, 2014 (HOL) — Munaasabad ballaaran oo lagu qabtay maanta xarunta maamulka Jaamacadda SIMAD ee Muqdisho ayaa looga dhawaaqay in jaamacaddu ay hadda wixii ka dambeeya ku shaqeyn doonto habka casriga ah ee digital-ka loo yaqaan, iyadoo isticmaalaysa barnaamij lagu magacaabo Open Campus Management System (OCMS).

1/15/2014 8:36 AM EST
Arbaco, Janaayo 15, 2014 (HOL) — Wadahadallo u dhexeeya dhinacyo ay dagaallo ku dhexmareen deegaanka Docolaha ayaa waxay ku dhow yihiin in guul laga gaaro, sidaa waxaa sheegay wasiirka arimaha gudaha Somaliland, Cali Maxamed Waran-cadde xilli uu ku sugnaa tuulada Guumeys oo 90-km dhinaca waqooyi kaga beegan magaalada Laascaanood.

1/15/2014 8:25 AM EST
Arbaco, Janaayo 15, 2014 (HOL) — Muxyadiin Taruuri oo ahaa dhakhtar u jooga hay’adda WHO degmada Waajid ayaa waxaa gurigiisa ka kaxeystay xoogag ka tirsan Al-shabaab, iyadoo la sheegayo in kooxaha dhakhtarka ka xeystay ay ka yimaadeen degmada Diinsoor.

1/15/2014 8:11 AM EST
Arbaco, Janaayo 15, 2014 (HOL) — Madaxweynaha Somalia, Xasan Sheekh Maxamud ayaa maanta waraaqihii aqoonsiga ka guddoomay danjiraha dalka Faransiiska u joogi doona Soomaaliya, Remi Marechaux. Iyadoo goobta ay ku sugnayd wasiiradda sii haysa xilka wasaaradda arrimaha dibadda Somalia Fowsiyo Yuusuf Xaaji Aadan.

1/15/2014 8:10 AM EST
Arbaco, Janaayo 15, 2014 (HOL) — Marxalado kala duwan oo uu soo maray kadib waxaa heer gabo-gabo ah ku dhaw dhameystirka dhismaha masjidka Bardaha ee magaalada Beledweyne sida ay HOL u sheegeen guddiga gacanta ku haya dhismaha masjidka.

1/15/2014 7:55 AM EST
Arbaco, Janaayo 15, 2014 (HOL) — Waxaa maalinimada berri ah ka furmaya waddanka Turkiga wada hadalladii u dhaxeeyay dhinacyada Soomaaliya iyo Somaliland si meesha looga saaro waxyaabaha lagu isku khilaafsan yahay oo muddo soo socday.

1/15/2014 7:54 AM EST
Arbaco, Janaayo 15, 2014 (HOL) — Ra’iisul wasaaraha Soomaaliya Cabdiweli Sheekh Axmed Maxamed ayaa maanta kulankiisii ugu horreeyay la qaatay danjiraha Britain u fadhiya Soomaaliya, Weil Nigan. Isagoo uga mahadceliyay taageerada ay Britain siiso Soomaaliya.

1/15/2014 1:32 AM EST
Arbaco, Janaayo 15, 2014 (HOL) — Dowladd Soomaaliya ayaa markii ugu horreysay ka hadashay ciidammo Mareykan ah oo ku sugan Soomaaliya, kuwaasoo dhawaan ay saraakiil Mareykan ah sheegeen inay ku sugan yihiin Muqdisho.

1/15/2014 12:24 AM EST
Arbaco, Janaayo 15, 2014 (HOL) — Dagaal culus oo khasaare geystay ayaa ku dhexmaray xalay degmada Mahadaay iyo deegaanka Buurane ee gobolka Shabeellada dhexe, iyadoo xooggagga Al-shabaab ay u suurogashay inay la wareegaan deegaannadan.

1/15/2014 12:08 AM EST
Arbaco, Janaayo 15, 2014 (HOL) — Madaxweynaha Puntland, C/wali Maxamed Cali Gaas ayaa xilkii ugu horreeyay magacaabay tan iyo markii uu noqday madaxweynaha Puntland, waxaana wareegtadiisii u horreysay uu ku magacaabay agaasimaha madaxtooyada Puntland, Deeq Suleymaan Yuusuf.