3/7/2021
Today from Hiiraan Online:  _
Wararka Maanta- Arbaco, Jan 15, 2014
Wasiirka difaaca oo ka Hadlay Ciidamada ka socda Dalka Mareykanka


Arbaco, Janaayo 15, 2014 (HOL) — Dowladd Soomaaliya ayaa markii ugu horreysay ka hadashay ciidammo Mareykan ah oo ku sugan Soomaaliya, kuwaasoo dhawaan ay saraakiil Mareykan ah sheegeen inay ku sugan yihiin Muqdisho.

Sii-hayaha xilka wasiirka gaashaandhigga Soomaaliya, C/xakiin Maxmauud Xaaji Fiqi ayaa sheegay in dowladda Soomaaliya ay ka warqabto ciidamada Mareykanka ah ee jooga Muqdisho, tiradoodu waa shan sarkaal oo keliya, waxayna yimaadeen bishii Oktoobar ee lasoo dhaafay.

“Runtii shantan sarkaal ee ka socda Mareykanka waan la soconnaa waxayna dalka yimaadeen bishii Oktoobar ee lasoo dhaafay, howshooduna waa inay ka caawiyaan ciidamada dowladda iyo kuwa AMISOM dhincyada howgallada iyo talooyinka,” ayuu yiri Fiqi oo hadlayay VOA-da.

Wasiirku wuxuu sheegay in tani ay tusaale cad u tahay sida ay Mareykanka iyo beesha calaamka uga go’an tahay inay Soomaaliya ka caawiyaan sidii dib logou soo celin lahaa nabadda, isagoo ku tilmaamay arrin aad loogu farxo.

“Joogitaanka saraakiishan muhiimad gaar ah ayay noo leedahay, waayo waa mid gacan naga siinaysa dib u soo celinta ammaanka, isla markaana caddeyn u ah in Mareykanka ay ka go’an tahay caawinta Soomaaliya,” ayuu wasiirku hadalkiisa ku daray.

Dhawaan ayay saraakiil Mareykan ah sheegeen in unugyo ka tirsan askarta Mareykanka ay ku sugan yihiin gudaha Soomaaliya, kuwaasoo howshoodu tahay inay dhinaca howlgallada ka caawiyaan ciidamada dowladda Somalia.

Al-shabaab oo dhankeeda ka hadashay joogintaanka ciidamada Mareykanka ah ayaa sheegtay in markii horeba uusan Mareykanku ka marnayn arrimaha Soomaaliya, balse uu hadda si dhab ah u caddeystay.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/15/2014 10:23 AM EST
Arbaco, Janaayo 15, 2014 (HOL) — Munaasabad ballaaran oo lagu qabtay maanta xarunta maamulka Jaamacadda SIMAD ee Muqdisho ayaa looga dhawaaqay in jaamacaddu ay hadda wixii ka dambeeya ku shaqeyn doonto habka casriga ah ee digital-ka loo yaqaan, iyadoo isticmaalaysa barnaamij lagu magacaabo Open Campus Management System (OCMS).

1/15/2014 8:36 AM EST
Arbaco, Janaayo 15, 2014 (HOL) — Wadahadallo u dhexeeya dhinacyo ay dagaallo ku dhexmareen deegaanka Docolaha ayaa waxay ku dhow yihiin in guul laga gaaro, sidaa waxaa sheegay wasiirka arimaha gudaha Somaliland, Cali Maxamed Waran-cadde xilli uu ku sugnaa tuulada Guumeys oo 90-km dhinaca waqooyi kaga beegan magaalada Laascaanood.

1/15/2014 8:25 AM EST
Arbaco, Janaayo 15, 2014 (HOL) — Muxyadiin Taruuri oo ahaa dhakhtar u jooga hay’adda WHO degmada Waajid ayaa waxaa gurigiisa ka kaxeystay xoogag ka tirsan Al-shabaab, iyadoo la sheegayo in kooxaha dhakhtarka ka xeystay ay ka yimaadeen degmada Diinsoor.

1/15/2014 8:11 AM EST
Arbaco, Janaayo 15, 2014 (HOL) — Madaxweynaha Somalia, Xasan Sheekh Maxamud ayaa maanta waraaqihii aqoonsiga ka guddoomay danjiraha dalka Faransiiska u joogi doona Soomaaliya, Remi Marechaux. Iyadoo goobta ay ku sugnayd wasiiradda sii haysa xilka wasaaradda arrimaha dibadda Somalia Fowsiyo Yuusuf Xaaji Aadan.

1/15/2014 8:10 AM EST
Arbaco, Janaayo 15, 2014 (HOL) — Marxalado kala duwan oo uu soo maray kadib waxaa heer gabo-gabo ah ku dhaw dhameystirka dhismaha masjidka Bardaha ee magaalada Beledweyne sida ay HOL u sheegeen guddiga gacanta ku haya dhismaha masjidka.

1/15/2014 7:55 AM EST
Arbaco, Janaayo 15, 2014 (HOL) — Waxaa maalinimada berri ah ka furmaya waddanka Turkiga wada hadalladii u dhaxeeyay dhinacyada Soomaaliya iyo Somaliland si meesha looga saaro waxyaabaha lagu isku khilaafsan yahay oo muddo soo socday.

1/15/2014 7:54 AM EST
Arbaco, Janaayo 15, 2014 (HOL) — Ra’iisul wasaaraha Soomaaliya Cabdiweli Sheekh Axmed Maxamed ayaa maanta kulankiisii ugu horreeyay la qaatay danjiraha Britain u fadhiya Soomaaliya, Weil Nigan. Isagoo uga mahadceliyay taageerada ay Britain siiso Soomaaliya.

1/15/2014 1:59 AM EST
Arbaco, Janaayo 15, 2014 (HOL) — Xildhibaanno ka tirsan golaha wakiillada Somaliland ayaa xukuumadda Somaliland ee uu hoggamaaminayo Siilaanyo ku eedeeyay inay is-hortaagtay biyo-gelin la doonayo in lagu sameeyaan magaalada Hargreysa oo ay dhawaanahan biyo la’aan xoogani ka jirtay.

1/15/2014 12:24 AM EST
Arbaco, Janaayo 15, 2014 (HOL) — Dagaal culus oo khasaare geystay ayaa ku dhexmaray xalay degmada Mahadaay iyo deegaanka Buurane ee gobolka Shabeellada dhexe, iyadoo xooggagga Al-shabaab ay u suurogashay inay la wareegaan deegaannadan.

1/15/2014 12:08 AM EST
Arbaco, Janaayo 15, 2014 (HOL) — Madaxweynaha Puntland, C/wali Maxamed Cali Gaas ayaa xilkii ugu horreeyay magacaabay tan iyo markii uu noqday madaxweynaha Puntland, waxaana wareegtadiisii u horreysay uu ku magacaabay agaasimaha madaxtooyada Puntland, Deeq Suleymaan Yuusuf.