3/7/2021
Today from Hiiraan Online:  _
Wararka Maanta- Arbaco, Jan 15, 2014
Dagaal Al-shabaab iyo ciidamada dowladda ku dhexmaray Mahadaay


Arbaco, Janaayo 15, 2014 (HOL) — Dagaal culus oo khasaare geystay ayaa ku dhexmaray xalay degmada Mahadaay iyo deegaanka Buurane ee gobolka Shabeellada dhexe, iyadoo xooggagga Al-shabaab ay u suurogashay inay la wareegaan deegaannadan.

Inta la ogyahay 10-qof oo dhinacyadii dagaalamay ah ayaa ku dhintay iyadoo ay ku dhaawacmeen labaatameeyo kale, waxaana dagaalkan uu ahaa kii ugu cuslaa ee Al-shabaab iyo ciidamada dowladda ku dhexmara gobolka Shabeellada dhexe.

Goobjoogayaal ku sugan degmada Mahadaay ayaa u sheegay saxaafadda in ciidamada Al-shabaab ay si buuxda xalay ula wareegeen degmada Mahadaay ayna saakay aroortii isaga baxeen degmada.

Xoogagga Al-shabaab ayaa la sheegay inay saakay aroortii ay iskood uga baxeen degmada Mahadaay iyo deegaanka Buurane oo sannadkii hore lagala wareegay, iyagoo horay u sii kexeystay gaadiid ay lahaayeen saraakiisha dowladda iyo ciidamadii ku sugnaa degmadaas.

Saraakiil ka tirsan ciidamada dowladda ee ku sugnaa Mahadaay ayaa sheegay in xoogagga Al-shabaab ay gudaha u soo galeen gudaha degmada ayna dhibaatooyin geysteen, balse ma jirto faahfaahin intaas ka badan oo ay bixiyeen.

Degmada Mahadaay iyo deegaanka Buurane ayaa saakay dagan iyadoo ay dib ugu laabteen ciidamadii dowladda ee xalay laga saaray, waxaana hadda ku sugan ciidammo ka tirsan kuwa dowladda oo indho-indheynaya goobihii ay dagaalladu ka dhaceen.

Ma jiro hadal kasoo baxay dhinaca maamulka gobolka Shabeellada Dhexe oo ay kaga haldleen dagaalkii xalay ka dhacay degmada Mahadaay oo ahaa kii ugu xoogganaa ee gobolkaas ka dhaca tan iyo markii Al-shabaab degmooyin ka tirsn gobolkaas laga.

Maxamed X. Xuseen, Hiiraan Online
[email protected]
Muqdisho, Soomaaliya













Click here
1/15/2014 10:23 AM EST
Arbaco, Janaayo 15, 2014 (HOL) — Munaasabad ballaaran oo lagu qabtay maanta xarunta maamulka Jaamacadda SIMAD ee Muqdisho ayaa looga dhawaaqay in jaamacaddu ay hadda wixii ka dambeeya ku shaqeyn doonto habka casriga ah ee digital-ka loo yaqaan, iyadoo isticmaalaysa barnaamij lagu magacaabo Open Campus Management System (OCMS).

1/15/2014 8:36 AM EST
Arbaco, Janaayo 15, 2014 (HOL) — Wadahadallo u dhexeeya dhinacyo ay dagaallo ku dhexmareen deegaanka Docolaha ayaa waxay ku dhow yihiin in guul laga gaaro, sidaa waxaa sheegay wasiirka arimaha gudaha Somaliland, Cali Maxamed Waran-cadde xilli uu ku sugnaa tuulada Guumeys oo 90-km dhinaca waqooyi kaga beegan magaalada Laascaanood.

1/15/2014 8:25 AM EST
Arbaco, Janaayo 15, 2014 (HOL) — Muxyadiin Taruuri oo ahaa dhakhtar u jooga hay’adda WHO degmada Waajid ayaa waxaa gurigiisa ka kaxeystay xoogag ka tirsan Al-shabaab, iyadoo la sheegayo in kooxaha dhakhtarka ka xeystay ay ka yimaadeen degmada Diinsoor.

1/15/2014 8:11 AM EST
Arbaco, Janaayo 15, 2014 (HOL) — Madaxweynaha Somalia, Xasan Sheekh Maxamud ayaa maanta waraaqihii aqoonsiga ka guddoomay danjiraha dalka Faransiiska u joogi doona Soomaaliya, Remi Marechaux. Iyadoo goobta ay ku sugnayd wasiiradda sii haysa xilka wasaaradda arrimaha dibadda Somalia Fowsiyo Yuusuf Xaaji Aadan.

1/15/2014 8:10 AM EST
Arbaco, Janaayo 15, 2014 (HOL) — Marxalado kala duwan oo uu soo maray kadib waxaa heer gabo-gabo ah ku dhaw dhameystirka dhismaha masjidka Bardaha ee magaalada Beledweyne sida ay HOL u sheegeen guddiga gacanta ku haya dhismaha masjidka.

1/15/2014 7:55 AM EST
Arbaco, Janaayo 15, 2014 (HOL) — Waxaa maalinimada berri ah ka furmaya waddanka Turkiga wada hadalladii u dhaxeeyay dhinacyada Soomaaliya iyo Somaliland si meesha looga saaro waxyaabaha lagu isku khilaafsan yahay oo muddo soo socday.

1/15/2014 7:54 AM EST
Arbaco, Janaayo 15, 2014 (HOL) — Ra’iisul wasaaraha Soomaaliya Cabdiweli Sheekh Axmed Maxamed ayaa maanta kulankiisii ugu horreeyay la qaatay danjiraha Britain u fadhiya Soomaaliya, Weil Nigan. Isagoo uga mahadceliyay taageerada ay Britain siiso Soomaaliya.

1/15/2014 1:59 AM EST
Arbaco, Janaayo 15, 2014 (HOL) — Xildhibaanno ka tirsan golaha wakiillada Somaliland ayaa xukuumadda Somaliland ee uu hoggamaaminayo Siilaanyo ku eedeeyay inay is-hortaagtay biyo-gelin la doonayo in lagu sameeyaan magaalada Hargreysa oo ay dhawaanahan biyo la’aan xoogani ka jirtay.

1/15/2014 1:32 AM EST
Arbaco, Janaayo 15, 2014 (HOL) — Dowladd Soomaaliya ayaa markii ugu horreysay ka hadashay ciidammo Mareykan ah oo ku sugan Soomaaliya, kuwaasoo dhawaan ay saraakiil Mareykan ah sheegeen inay ku sugan yihiin Muqdisho.

1/15/2014 12:08 AM EST
Arbaco, Janaayo 15, 2014 (HOL) — Madaxweynaha Puntland, C/wali Maxamed Cali Gaas ayaa xilkii ugu horreeyay magacaabay tan iyo markii uu noqday madaxweynaha Puntland, waxaana wareegtadiisii u horreysay uu ku magacaabay agaasimaha madaxtooyada Puntland, Deeq Suleymaan Yuusuf.