3/7/2021
Today from Hiiraan Online:  _
Wararka Maanta- Isniin, Jan 13, 2014
Cristiano Ronaldo oo loo Magaacabay laacibka Adduunka (SAWIRRO)



Isniin, Janaayo 13, 2014 (HOL) —Weeraryahanka kooxda Real Madrida iyo xulka dalka Portugal, Cristiano Ronaldo ayaa markii labaad ku guulaysatay billada laacibka ugu wanaagsan adduunka ,isaga oo la tartamayay xidigaha kala Messi oo Barcelona u ciyaara iyo xidigga kooxda Bayern Munich Frank Ribery.

Halyeeygii hore ee xulka Brazil Belle ayaa lagu soo dhaweeyay mikrifoonka si uu ugu yeero xiddiga sanadkan loo codeeyay ,waxaana mar qura uu ku dhawaaqay in Ronaldo uu yahay laacibka adduunkan ugu wanaagsan.

“Ma jirto wax aan ku tilmaami karo xaaladdan,aad ayan ugu faraxsanahay, waan u mahad-celinayaa dhamaan saaxiibadayda Real Madrid iyo waliba ehelakayga “ayuu yiri Ronaldo oo hadal aad u kooban ka jeediyay xafladda kadib markii billadda la guddoonsiiyay.

Waxaa kaloo uu Ronaldo sheegay in uu mahad-celinayo cid kasta oo isaga u codaysay ,isagoo  xusay in sharaf weyn ay u tahay in markii labaad uu ku guulaysto xiddiga adduunka ugu wanaagsan muddo lix sano gudaheed ah.

HALKAN KA DAAWO SAWIRRO BADAN:

Tababaraha ugu wanaagsan waxaa isna loo magacabay tababarihii hore ee kooxda Bayern Munich oo sanadkii tagay kooxdaas kula guulaystay koobka ugu qiimaha badan qaaradda Yurub ee Uefa Champions Legue, waxaana la tartamaya tababarayaasha kala ah Sir Alex Forgusan iyo tababaraha kooxda Dortomound Klop.

Sidoo kale Laacibka kooxda PSG iyo xulka Swedan Zlatan Ibrahimovic aya isna ku guulaystay abaalmarinta FIFA Puskas Award, waxaana uu dhaliyay goolkii ugu fiicnaa sanadkii tagay ee 2013.

Dhinaca kale waxaa xafladda gudaheeda looga dhawaaqay line-upka rasmiga ee kooxda sannadka adduunka, iyadoo ay ka soo dhex muuqdeen laacibiin  halis ah oo ka ciyaaro naadiyo kala duwan oo Yurub ah.

Waxaa ka mid ah seddex ciyaaryahan oo Bayern Munich ah, iyadoo Barcelona ay hogaamineyso oo ay ku leedahay afar ciyaaryahan, halka Real Madrid iyo PSG ay ku leeyihiin min labo ciyaaryahan.

Goolhaye: Neuer (Bayern Munich) Daafac: Dani Alves (Barcelona), Thiago Silva (PSG), Ramos (Real Madrid), Lahm (Bayern Munich) Khad dhexe: Iniesta (Barcelona) Xavi (Barcelona), Ribery (Bayern Munich) Weerar: Ronaldo (Real Madrid), Ibrahimovic (PSG), Messi (Barcelona)

Ugu danbayntii xafladdan oo sidii hore ka xiisa badnayd ayaa lagu bixiyay billado aad u tira badan oo ay ku jirto tan hablaha ,waxana ka soo qayb-galay madaxda FIFA qaybahooda kala duwan iyo marti sharaf kale oo aad u tira badanayd.

Faysal Mohamed Hassan
[email protected]













Click here
1/13/2014 1:02 PM EST
Isniin, Janaayo 13, 2014 (HOL) — Taliska ciidanka xoogga Soomaaliya ayaa ciidamadii ugu horreysay ee gudaha lagu tababbaro maanta qalabeeyay, iyadoo saraakiisha ciidamadu ay kula dardaarmeen ciidamadaas inay ka qeyb qaatan howlgallada amniga lagu soo celinayo iyo dagaallada lagula jiro Al-shabaab.

1/13/2014 11:22 AM EST
Isniin, Janaayo 13, 2014 (HOL) — Ra'iisul wasaaraha Soomaaliya, C/weli Sheekh Axmed Maxamed ayaa u muuqda inuu diyaar u yahay inuu magacaabo golihiiisa wasiirrada cusub ee xukuumaddiisa, iyadoo aqoonyahanka siyaasadda dalka falanqeeya ayaa ka digaya in murannada siyaasadeed ee jira ay dib u dhac ku keenaan dhismaha xukuumadda.

1/13/2014 10:31 AM EST
Isniin, Janaayo 13, 2014 (HOL) — Xarunta ururka horumarinta haweenka Soomaaliyeed ee (SWDC) waxaa maanta shir Jaraaid ku qabtay qaar ka mid ah haweenkii lagu marti-qaaday doorashadii Puntland ka dhacday sideedii bishan ee uu kusoo baxay ra’iisul wasaarihii hore ee Soomaaliya, Cabdiweli Maxamed Cali Gaas, kuwaasoo maanta dib ugu laabtay Muqdisho.

1/13/2014 8:21 AM EST
Isniin, Janaayo 13, 2014 (HOL) — Guddoomiyaha maamulka gobolka Hiiraan, Cabdi Faarax Laqanayo oo ay wehliyaan odayaal dhaqameed iyo saraakiisha ciidamada maamulka dowladda iyo kuwa Jabuuti ee howlgalka midowgga Africa AMISOM ayaa socdaal qaatay mudo sadex cisho ah waxaa ay ku tagay deegaannada Kabxaley iyo Deefoow oo dhowr jeer oo hore ay ku dagaallameen maleeshiyo beelleed.

1/13/2014 8:12 AM EST
Isniin, Janaayo 13, 2014 (HOL) — Xarunta Baarlmaanka Puntland oo ku taalla magaalada Garoowe, waxaa maanta ka dhacday munaasabad ay kula kala wareegayeen xilalka guddoomiyaha cusub ee baarlmaanka Puntland, Siciid Xasan Shire iyo guddoomiyihii hore, C/rashiid Maxamed Xirsi.

1/13/2014 6:15 AM EST
Isniin, Janaayo 13, 2014 (HOL) — Waxa caawa magaalda Zurich ee dalka Switzerland lagu qaban doonaa xafladda abaalmarinta xiddiga sanadka adddunka ee loo yaqaan Ballon d’Or ,taasi oo la qabto sanad walba, iyadoo ay ka soo qayb-gali doonaan madaxda FIFA iyo waliba halyeeyo horey u soo maray kubadda cagta adduunka.

1/13/2014 5:59 AM EST
Isniin, Janaayo 13, 2014 (HOL) — Dowladda Kenya ayaa joojisay safarrada basaska xilliyada habeenkii ah, taasoo ay dadweynaha safra iyo madaxda shirkadaha basasku uga hadleen siyaabo kala duwan.

1/13/2014 5:32 AM EST
Isniin, Janaayo 13, 2014 (HOL) — Kaddib munaasabad ka dhacday hoteelka Maka Al-mukarama ee magaalada Muqdisho shalay oo Axad ahayd ayaa lagu soo bandhigay warbaahinno hor leh oo ku biiray ururka Somali independent Media Houses association (SIMHA) iyo welibaha qorshaha uu ururkani hig-sanayo.

1/13/2014 5:10 AM EST
Isniin, Janaayo 13, 2014 (HOL) — Barnaamijkan indhofiiqista ah oo ay iska kaashadaeen isbitalka Jaamacadda Kismaayo, Jimciyadda Towfiiq iyo isbitalka Al-nuur ee magaalada Muqdisho ayaa indhaha loogu fiiqay in ka badan 5000 oo qof kuwaasoo ay aragtidu ka maqnayd.

1/13/2014 1:38 AM EST
Isniin, Janaayo 13, 2014 (HOL) — Soomaalida qubo-joogta ah ayaa qaar ka mid ah waxay si aad ah isugu taxluujiyaan inay wax-taraan dalkii iyo dadkii ay kasoo tageen; iyagoo qaarad walba oo ay ku sugan yihiin ka sameeyay hay’ado samafal oo ay dadkooda wax ku taraan.

1/13/2014 1:35 AM EST
Isniin, Janaayo 13, 2014 (HOL) — Kaddib markii ay dhawaan soo baxeen warar sheegaya in hub lagala baxay madaxtooyada magaaloyinka Garoowe iyo Boosaaso ayaa arrintan waxaa waxba kama jiraan ku tilmaamay sii hayaha xilka wasiirka amniga Puntland, Khaliif Ciise Mudane.